喜帖

呢張係我地第九次修訂既喜帖, 最後係用左呢個版本的: 其實之前都影過相, 但因為未擺酒既關係, 未能正式公開~ 在帖的後面有一段關於我們既簡介: (有緣人才會看到的~) 首先很感謝你出席我們的婚宴，為我們見證人生裡面最重要的一刻！ "11" & "21" 是阿YO & 阿文出生的日子，所以我們揀選了今天作為將來每年的結婚紀念日。 我們相識於2001年1月15日，距今已經有5年零310日了。 原本是毫不相識的兩個人，因緣份走在一起，未來的日子更是要天天相對。與人相處，確實不是一件容易的事，相識至今的六年間，我們大概掌握到彼此的缺點與優點-- 阿文脾氣臭、懶惰兼怕麻煩，口中說只有老婆是第一位，其實心裡面足球也是第一位。但無可否認的是對阿YO十分專一，全心全意及願意把一切都交給老婆話事。 阿YO是殿堂級的野蠻大小姐！什麼都愛話事！什麼都愛八掛！若有什麼不如她的意思，就會發脾氣！但對住阿文，卻會母性大發，什麼事都以這個大仔行先！願意以一生的時間照顧他！ 我們的目標一致，希望與對方一起渡過白金婚紀念(七十週年) 在此，再之感謝各位的光臨及祝福！

飲大左

阿文大佬擺酒個晚, 我趁阿文成日走左出去幫手, 我就靜雞雞甘飲紅酒~~ 一路慢慢飲, 都冇物事~~只係覺得塊面好熱及心情好亢奮~~ 到佢地敬酒時, 黎到我坐緊個圍, 阿大嫂無端端話要同我乾杯!!而且佢好快就飲哂佢手上個半杯紅酒. 跟住到我飲既時候, 係敬酒列隊既各人已不斷叫我 "著量好哪~著量好哪~" 我飲左一大淡, 諗住繼續飲埋佢既時候, 阿文就指住我好大聲甘講 "放低個杯!!我叫你放低個杯呀!!!!!!" 跟住我就好驚甘放低個杯. 佢地亦繼續前進。 阿文的兄弟阿顧就講左一句 "你覺唔覺得阿文頭先好MAN呀~" 但我就話, 我覺得我自己頭先好似絕世好BRA裡面, 我係一個劫匪, 正脅持住個大著肚既芝SEE菇BE。而阿文就係話自己係一個警察既杜文澤係度嗌 "放低個阿婆!!" 甘, 我覺得好好笑呀~~~ 阿大嫂係我個圍飲左半杯, 再係佢老闆個圍飲左一杯之後, 就當堂斜左(貓左), 好彩大家都知道係佢對我, 唔係我對佢呀~~~~

終於飲完啦

終於飲完啦

昨晚是阿文的大佬的大婚日子。地點係佐敦的漢堡皇宮酒樓。 阿文今次又係做兄弟哪, 我就只係請了下午假去幫d姑姐化妝。 佢地真係貫徹一向既"不妥當安排"的風格- - 初時話接我地架車4:30會到, 點知後尾成5:15先到...我地身為主人家之一既, 竟然都要6點幾先到會場(新郎同新娘就一早自己到左哪) - 以演唱會形式黎比喻, 人地女家既座位就全部都係500元門票(全都集中在前中的有利位置), 而我地男家既座位就住部都係100元門票LOR(全部都係在邊邊位及好後既位置) - 再加上我的野蠻奶奶亂甘擺位, 將佢娘家既親戚放近主家席。攪到阿麻好唔開心~好彩阿文醒, 好快就察覺到阿麻在扁咀, 立刻執返正D位~~阿麻先笑返咋~~ - 阿大伯D兄弟, 剩係掛住打麻雀, 完住都冇出黎幫手!!得阿文, 阿傑 & 小英幾位親兄弟真係幫手嫁咋！ 由於個場勁細, 敬酒時只係親戚已經行得好辛苦, 甘D兄弟唔出黎都可以了解。但後來傑傑比人係甘對紅酒呀~D兄弟都唔走過黎幫拖~~反而係阿文既朋友阿顧 & 阿明(賓客身份)黎解圍呀~~ 真係唔該哂佢地呀~ 真係開心死, 佢地終於擺完酒, 吳家就可以平靜返啦！

是日休息唔駛飲住

今日終於唔駛去飲啦~~~



約左C TIN & 睛睛去九龍灣影相~~~聽講整得好令呀~~



今次仲有新成員~就係出左世唔夠一個月既BB悅童啦(唔係係咪呢個童. 應該唔係, 稍後修正)



我仲好榮幸甘幫佢地影左第一張既全家福呢~~~~~



我好鐘意抱BB呀~~因為就係好似係度扮媽媽甘啦~~~哈~~~因為我一直都想SKIP左大肚, 生產既階段, 轉眼就生左個B甘啦~~~哈~~

第二飲

今晚係我上司KEN CHU的大喜日子。



我約齊了同事們7點就係油麻地MTR等, 差點迫都迫唔入架地鐵度呀~~~~~~勁多人~~~~



我地既目的地係跑馬地馬會, 灣仔MTR出, 點知原來行勁遠嫁~~我地知係邊, 但唔知點行可以接近到個度~真係勁辛苦呀~~~



終於都去到~~其實個場都唔係話真係甘特別, 但D野就真係幾好食~



我地仲係甘飲紅酒TIM~~首先係阿CON大大地, 跟住就到我啦~~已經食唔到魚哪~~只係呆呆滯滯甘坐係度, 間唔中就傻笑甘LOR



我地仲好似主人家甘周圍走去同人地敬酒, 我地個圍真係好嘈~~~



最搞笑係有一個男同事阿甘, 佢真係飲到大哂, 拎住個咪亂講野~~"我係金瑪國際既阿甘.....我唔想好似阿KEN甘得一個老婆.... 我想有十個老婆....我地專做毛衣...."笑到我地死甘滯~~~~~哈~~~~



佢又成 日走上台話要拎獎品~~~又係甘抽坐佢旁邊的男仔BENNY水, 係甘拍佢大脾~~勁好笑~~~



仲不斷對住我地"紅酒美人~~紅酒美人~~~"真係痴左~~~哈~~~



我都係第一次去飲, 而飲到甘大, 唯有叫阿文係旺角MTR度接我哪.....又要比佢閙哪.....



阿KEN同佢大佬真係勁似樣~~~打扮都係甘出位~

第一飲

今晚是中學同學嘉儀既大喜日子~最搞笑係, 佢擺既酒樓同我上個月擺酒既係同一家, 都係灣仔合和皇上皇, 但就唔同廳。佢係一個半圓型既廳。



最特別既係, 佢係搵左WEDDING PLANNER幫手攪呢個婚禮既..(有錢人既婚禮係唔同D既~~)



佢地仲係現場即場註冊TIM~~



但係今次我地個桌識既就只有唔夠一半, 有好多舊同學仔都冇黎呢....



11點幾食完, 我就入去將軍澳阿德&阿鳳既屋企, 因為其實今早亦都係阿明同佢女友註冊既日子,晚上就有慶祝活動。



阿文在下午時就自己一手一腳整左D "老"水雞翼, 我真係冇幫手嫁~



但佢話佢D朋友唔信係佢整既, 話一定係我整！哈~~因為實在太好味~一隻都冇剩呀~~

我的野蠻奶奶

自從入了吳家門, 我就覺得呢首歌好適合我, 文同阿奶奶唱，因為, 我奶奶的確係一個野蠻奶奶:



奶奶: 一梳梳到尾 二梳百髮齊眉



三梳兒孫滿地



初歸新抱 落地孩兒



呢句簡單句子 教你以後每做一件事



都要照住我既意思



我話一 你咪話二



你咪旨意 放肆 咪旨意係我地方鬧事



對我好好服事 好好散葉開枝



就會比你過好日子



YO: 呀奶奶　你咪真係以為自己大晒



究竟我前世係咪欠左你未還清既孽債



何解 我要受你氣何解



何解你要擺出一副高高在上既姿態



* YO: 他仍是要棲身於這家 願望怎將他撇下

奶奶: 仍然是你 YO: 仍然受氣

YO & 奶奶合唱: 不甘被氣死*



YO & 奶奶合唱: 合巹交杯顯情濃

月老此終喜歡 營造際遇將愛贈送

這雙鴛鴦受認同 無奈訓示從沒你這位聽眾





YO & 奶奶合唱: 也許水火真難容

或許始終一天 明白我有盡力服從

絕對不會放縱 將追憶一一斷送

YO: 絕對不再放縱 這家規再多要服從



文: 家和萬事興　家衰口不停

你地鬧得越似起勁

好希望你地可以肅靜 停一停

安撫我弱小心靈 洗耳恭聽

既然大家都係屬於 同一個家庭

同一個環境 同樣有感情

我相信雨後一定會天晴

一家人總可以高高興興



*REPEAT



YO & 奶奶合唱: 為你苦心中明瞭

就算幾許辛酸 明白尊卑的確重要

這雙冤家可歡笑 隨後訓示 全部也都聽教了



YO: 為我苦心中明瞭

到了今天終於 明白當天多麼可笑

面對不介意了 怎相處好好學了

YO & 奶奶合唱: 面對不介意了 今天已學了 怎歡笑

提早出雙糧~

好開心呀~~今日收到老細個internal mail, 今個月27號就會出雙糧嫁啦~~~真係勁開心呀~~~~~~~~



我呢份工冇樣好, 最好既就係糧準!!!



以過往既先例呢, 基本上係11月份, 已經開始買勁多野, 預支12月尾份雙糧甘嫁啦~所以份雙糧好快就會係唔知咩情況底下就會用哂...真的很無奈的...



但又好難避免wor, 因為總是覺得呢一年甘辛苦, 年尾了, 就想買點東西獎勵一下自己。買左野比自己, 又想買d野比阿文。



買左比阿文, 冇理由唔買比爸爸同媽咪...買下買下...就甘就冇哂, 有時仲會駛突tim....



不過, 今年我已經介左呢個習慣啦~~因為要儲錢麻~~所以一分一毫都要好小心地使用。或者係留返去旅行先買~~



今晚係我地入伙後第一次參加我地大廈既業主立案法團既會議, 話就話8點開始, 但其實都成8:30先開始, 當中有主席報告呀, 財政報告呀甘, 最主要知道我地大廈的儲備都有成50幾萬, 唔知甘樣係算多定少, 起碼唔係負數啦~



聽到一半我細佬羅拔就打黎啦, 佢終於都抽到d空上來幫我鑽洞, 好讓我把結婚既油畫掛在房的牆上。



明早一起身就會睇到自己同阿文~~



臨近年尾, 令我最擔憂既就係...交稅...上年真係好甘...冇左成個月人工呀.....今年仲未收到稅單呀...希望唔駛交甘多稅啦~~



唔係既話又會益左個d由大陸黎生仔既女人嫁啦!!好唔抵呀!!!

X'MAS倒數~~

仲有幾日就聖誕節同新年(仲有係出雙糧既大日子~)~



在這裡先祝大家MERRY CHRISTMAS & HAPPY NEW YEAR~~



以下這兩張賀卡係送比各位朋友仔既禮物~請笑納~~

唔知大家聖誕節會有咩節目呢~~~~我就期待出雙糧多D啦~~~真係想快D到31/12~~哈~~~
捱了整年, 都係等呢日咋~~~

我在23/12 & 24/12 單拖去飲, 阿文就會去佢D朋友家度開PARTY~但就規定每人要買一份禮物啦~帶一樣食物去~~我諗住幫佢整"老"水雞翼呀, 簡單又好味~~但唔知有冇人已經認頭整呢樣野呢....

原來我跟阿文的緣份都已註定!!

佛說：前生五百次的回眸才換得今生的一次擦肩而過

            三千次的擦身而過.. 換今生一次的回眸一笑..


           
原來, 我同阿文的緣份, 早在我中一時由上水搬家至九龍時已註定!


阿文最疼既麻麻, 以前係藍田21座既時候, 門牌跟我娘家一樣都係743, 而小時候既阿文, 就係住係麻麻旁邊既744室~



阿文細個時, 係743麻麻那邊既時間係比在自己家多同埋開心既~~



所以芳姑姐就話我地係好有緣既~~

HOLIDAY MOOD

基本上, 近呢一兩日, 我跟我既上司都係冇物心機做野既~



我就忙住UPLOAD我D相同埋整呢個新既日記, 佢就忙住攪24號擺酒既野~



返埋下個星期, 就放聖誕假啦~~



今年都唔駛諗有咩聖誕節目哪....因為我12月23日, 12月24日及12月27日都要去飲.......真的..哈哈...囍事重重呢...



為左甘囍慶呢~~我特登買了一個好令既小手袋呀~~跟PIKKI的銀色手袋是同一個款, 但個花紋唔同, 有金色的圓點圖案既:

我好鐘意呢個小手袋哦~~特別鳴謝KAR, 陪我去利時買~~仲要係我趕到死甘滯, 放工7:15分要出到去尖沙咀(我公司係土瓜灣, 但做我地呢行, 晚上7點前走真的很困難的...我都係偷走嫁咋)



因為KAR講到如果佢8點鐘返唔到屋企食飯, 佢D屋企人會食哂D野唔留比佢嫁. 所以我點都要趕出去啦~~



仲有既就係, 以下呢張相, 我想影左好耐, 就係我們屋企既雪櫃裡面右手邊的兩格, 放滿朱古力的, 而且係要常滿嫁, 因為呢D係阿文既必需品之一。

整天都在LOAD相

等左甘耐, 昨晚終於拎到D相啦~~總共我地影左21筒菲林呀~~我已經UPLOAD左係我既相簿度啦~~仲未睇厭既朋友可以隨便瀏覽左上方"JENNYO的相簿"~~



記得睇完要留言啊~~

Honey Moon planning

我地而家正策劃我地既honey moon!!



日期應該會係1月27日-2月4日, 目的地是北海道 + 東京~~



雖然係好貴, 但我地都要豁出去啦~因為呢個分分鐘係我地有小朋友前的一個旅行~



有左小朋友, 就去唔到旅行嫁啦



其實揀去北海道, 我地都掙扎左好耐, 因為實在係貴...ONLY團費都HKD7500/人, 兩個已經萬5, 仲未計買野, 食野wor...



到時, 我會好努力甘抑制阿文唔好買野~~留比我買~~~哈



我去到要買WESTWOOD既野~~



我地希望在回程時由札幌去東京, 自己stay兩至三天再玩下~~甘就真係不枉此生啦~~~~



希望我真係去得成啦~~~~

為左去日本旅行, 我可以唔怕凍!

今日主要既事項就係要download申請特區護照既form~~真係幾方便wor~~可以係電腦裡面打好了才print出來~~唔怕我地d字寫得肉肉酸酸甘~~而且仲可以郵寄申請tim~~~



由昨天開始就下起雨來了, 氣溫就趺到得15-17度~~但我係唔會怕嫁~~因為我知道北海道比呢度係凍好幾陪既~~所以我一定要努力克服怕凍~~~

新屋入伙

我終於都由now.com那邊搬了過來了~~希望這間新屋係旺丁又旺財~~~好似幾好甘~又有背景音樂~~又夠大容量~相簿容量有1GB, 檔案容量都有50MB, now.com那邊每個月比35元都只係有38MB的容量...

今天我係完全冇心機做野既, 因為我都在plan緊我既honey moon~~



但返到屋企, 得阿文提醒查看一下個BNO, 哈~~兩個都過哂期~~好彩未報團咋~~亦好彩PLAN係1月尾先去咋~~~



我地要快D申請返本特區護照先啦~~



北海道~~東京~~~等我呀~~~~

十三張之夜+歡樂滿東華

星期六晚, 我地上了阿文的麻麻家吃飯, 之後既節目係最精彩既十三張 + 歡樂滿東華。



我甘大個女, 從未試過一次睇哂整晚既歡樂滿東華, 今次係第一次, 因為我地一路睇, 就一路玩緊張刺激既十三張~



原來在東華的最後一個環節"卡拉之星"，係佢地一班藝員同事自己籌錢損比東華, 籌得最多既十位可以係呢個環節度唱一首歌。



一路睇呢個環節, 就會發現當中的大多數是你在電視中見過但又講唔出佢個名個D演員。每一位都著到登台甘~勁閃~~據傑傑講, 有D仲係膽呢架，即係每年都一定有佢份既~~



例如家燕媽媽啦, 魯振順(佢成日都攝到去中間位嫁)...其他真係講唔到個名, 就算我講到你地都未必知係邊個啦~



所以真係超級好笑嫁~~~佢地係呢三分鐘裡面, 駛盡渾身解數~又跳又唱~~有一個仲有自己既DANCER TIM嫁~~勁呀~~~



傑傑話呢PART係佢每年東華必睇既一PART呀~~~



我估我之後每年都會特別睇埋呢PART嫁啦~~因為實在估唔到甘好笑嫁~~哈~~哈~~~~

我的弟弟也真的戀愛了~

我最疼愛的弟弟~終於都戀愛了~~~

這是我第一次聽到我弟弟承認拍拖的~

那天仲已經帶返我娘家介紹給爸媽認識~~

雖然我未見過這位女朋友的真身~但已從我弟弟口中知道一二(係邊度住, 職業是什麼, 年齡呀....佢都忍唔住係甘話哂比我知)

最可惡既係我媽咪既一番說話....

話說當我弟弟送女友走了之後, 媽咪就靜雞雞甘問我弟弟

"你個女朋友仔巴唔巴渣嫁, 似唔似你家姐甘鬼惡死嫁?"

哎呀~~~~~而家我好惡死咩~~~就算係呀~~都係因為似你咋~媽咪~~

你而家甘樣講~~好過份哦~~~~

佢呢句說話, 就好似係佢等左好耐, 先把我嫁得出. 終於唔駛日日對住我, 唔駛受我野蠻大小姐既氣...所以就唔希望我弟弟搵個女朋友返黎又係好似我甘惡既甘....

不過點都好啦~我都希望我弟弟呢個女朋友係好女仔~~快d結婚啦~~

今天心情--密雲

好萌呀~~~~~

感動

近排吃完晚飯後無無聊聊, 我就睇返我地係擺酒果日睇唔到既"YO & MAN成長片段" (因為那個時候我地係門口正等待進場,所以係睇唔到既)

其實係最初時候, 酒樓及拍照錄影兩邊都會幫我地做成長片段。甘我同阿文就各自揀相及揀一首歌，但最後我就決定起用阿文的那個版本。

因為阿文揀呢首歌, D歌詞真係好有意思, 佢又勁鐘意呢首歌WOR~~佢到而家都仲好開心話慶幸自己無意中聽到呢首歌, 就馬上決定要用呢首歌黎做成長片段既主題曲。

呢首係阿文送比我既歌:

請大家一齊細聽



感動--側田

人浮遊在世不止自己 才令我一生好奇
尋求被愛的滋味 終於碰到你
全賴你 我先欣賞自己 權力與金錢怎麼可媲美
誰攔截也擋不住 我在行近你

如何能讓我觸動你 如何描述可感動到你
要與你抱擁相戀一世紀 從來沒在乎你美與不美

是永不更改 我願意給你愛 風霜都替你遮蓋
你會看清楚 和了解我 未被人潮掩蓋
若你不安心 我做你的浮台 沖不散對你的愛
世界有色彩 憑這點愛 可否捉緊我齊齊來跨過 小障礙

誰願意作假討好大家 情願兩口子喝茶
平凡地並肩生活 比一切優雅
難道愛簡單都不能嗎 難道我感情要給規管嗎
從前沒你的生命 似靈魂腐化

如何能讓我感動你 明明沉睡都可望到你
到老了也許通通不記起 能同偕白頭我太有福氣

願永不更改 每日獻給你愛 風霜都替你遮蓋
你會看清楚 和了解我 未被人潮掩蓋
若你不安心 我做你的浮台 沖不散對你的愛
世界有色彩 憑這點愛 雙手一觸碰 問你愛不愛

溫柔的馬桶不好留

你衰太溫柔啦~~縱使只係一張紙巾, 你都沖唔走~~你邊有面目叫做馬桶呢~~我忍你都忍左差唔多兩年~

而家終於唔駛忍你啦~~~~~實在太暢快啦~~~~~~

仲有而家個新馬桶係粉藍色的~~真係好令呀~~

雖然又要用了千幾元~但真係想換好耐了~實在覺得好值得呀~~




--------------------------------------------------------------------------------



星期日, 我, 阿文, 我爸爸, 媽媽及阿老爺, 阿奶奶一齊到我東莞伯爺那裡跟我麻麻見見面及吃個便飯~~


我地早上8點就要到旺角火車站, 上到去東莞都只係10:45, 跟住就跟麻麻請安。派利是比我的堂妹及堂弟仲有姨生。

阿文一去到就搞喊我姨生啦~~佢一見到小朋友就好似癲左甘, 係甘攪D小朋友。真係冇佢辦法…...



--------------------------------------------------------------------------------
昨晚做今個月既財政預算..唉...見到D卡數真係得人驚...就算我地一D野都唔買...每個月都比有成8千元要還。

又好多都係分期呀..現金分期, 簽脹分期, 有D係上年入伙時買既電器既分期...幾時先會分完呀~~~~~~

而且仲要供樓...唉.....

不過~~~只要捱得到今個月尾~~~唔好亂買野~~忍住忍住~~

就會有雙糧啦~~而且今年交稅應該唔會好甘, 因為我地結左婚~多左已婚人士免稅額~

捱埋1 月~我地做左5年既儲蓄計劃就夠期啦~可以拎返D錢啦~~雖然唔係好多~~~但都已經好好啦~~~可以即刻還返錢比美姑姐先~~之後就全部都係我地嫁啦~~~~超期待呀~~

再捱到2月農曆新年~就會有花紅啦~~~

跟住~~捱到3月31日~~就會再有2個月既BOUNS啦~~~

所以~~真的是明天會更好~~~加油呀~~~~YO YO YO~~~~

破財日

為了平息公司傳出來的"招乎唔到", 我今天就擺下和頭茶, 邀請我兩位尊貴既太后及一眾同事一起到公司附近的酒樓吃一餐便飯~



點知我班同事突然間好似大食"積"上物甘, 係甘叫點心~~~牛肉, 叉燒包...燒賣呀..全都叫兩碟~~



最衰就係有位多事經理走埋黎推介一個唔知物物龍骨湯, 成100元一煲嫁!!太后連個湯名係咩都未搞清楚就話叫一個黎試下~~~



仲問我得唔得TIM~~甘唔通我話最好唔好咩.....



雖然我之前都已經同D男同事講過, 叫左食唔哂既野, 我唔理你由鼻孔度都要塞入去!!但最後都食剩頗多野.....



埋單...628...唉, 本來諗住500元左右搞掂的. 突然間多個龍骨湯.....







--------------------------------------------------------------------------------



今晚決定煮飯(因為之前忙擺酒的事, 所以已經有差不多成個月都煮過飯), 點知我洗好米諗住放落飯煲的時候, 唔小心鬆左手, 個膽跌左落去已通電既飯煲中, 就甘有一度光...之後, 個飯煲就唔著了...

我一心以為個飯煲壊左, 就哪哪林走落街買個新的飯煲. 因為真的好想煲飯....新飯煲--320元

返到黎將新飯煲插返原先個位...都係唔著....證明係個制壞左....之後係廳出面個電制佢先著燈.....原來我個飯煲冇壞........但, 我而家已經有兩個飯煲了.......

今日係破財日.....

聖誕燈飾頭炮~~

由於C TING已經放緊產假啦~所以她說想趁仲未生就出去影下聖誕燈飾。



我都係第一次甘早就去影燈飾~但都OK WOR, 仲唔會太多人TIM~~我地第一站就去左海港城~~嘩~~好金碧輝煌呀~~~~

我仲同C TING & 睛睛佢地一家影左好多相~以下係其中一部份:



我同睛睛..(唔知點解, 睛睛成日都唔望鏡頭既...)



當然唔少得我同阿文啦~~

今年係以金色為主色~~真係睇到我嘩嘩聲~~好靚呀~~~~

仲有一些會郁既鹿仔

入到海運個度, 都有好多地方可以同小朋友影相既~

好似有呢度--

呢度--

睛睛好鐘意佢物後面會不斷踏單車的聖誕小朋友公仔~

同埋仲有呢度--我差點就抱唔起睛睛的了....她越來越重了..



你睇睛睛笑得幾開心~~



到呢度, 我地就去了吃PIZZA HUT~之後就乘坐小輪過中環, 新碼頭真的幾靚~~但我地冇影相, 因為我地正趕住去皇后像廣場的聖誕村~~個度11點就熄燈關門的了~~都係行快步~~



入到去, 有好多聖誕樹呢~~好有聖誕氣氛呀~



仲有一顆好大既聖誕樹~~為左慶祝我同阿文結婚~所以聖誕樹頂係有一個心型嫁~~~祝願天下有情人終成眷屬~~

其實我黎到呢度...我係好肚痛的...但又想影相, 唯有係未痛之前就影多D相~~不過好彩, 後尾我都支持到, 唔駛搭的士返屋企~~



我又成功甘慳回80元的士錢啦~~~~~大成功~~~

--------------------------------------------------------------------------------





至於我公司件煩事~我今日就諗左一個好好的籍口~~使阿文唔駛特登走過來同我D太后飲茶啦~~哈~~好開心呀~~飲埋明天個餐茶~~就冇拖冇欠啦~~(希望佢地唔好食得太甘啦....因為我叫埋全公司既同事一齊去的, 全公司都只有12個人...)



--------------------------------------------------------------------------------



另外一件令我好開心的事就係~~我地終於換過一個新既馬桶啦~~

舊的那個係上手留低的~可能是太舊了~~所以沖水時溫柔得滯, 往往連紙巾都沖唔走~~

但因為上年入伙時想慳得就慳, 所以冇換住。趁而家擺完酒, 一身鬆哂既時候就係時候換左佢啦~~

甘就仲差一樣野~就係廳個度既一個5尺 X 4尺既鋁窗~~一落大雨就會漏水嫁啦~~真係冇佢符~~但問過價都要成2000-3000元, 覺得太貴了...要再考慮一下.....唉...

我要趁我未有BB之前攪掂哂呢D野..唔係既話有左BB就物都唔整得嫁啦....

婚後的日子及婚禮的花絮

病了...23/11返工的那天, 中午就開始覺得唔舒服, 晚上還發燒呢..醫生說可能我太累, 還未有好好的休息, 所以又病倒了...



雖然公司個單野我仲未知點樣攪...唉..我都唔想去諗住了..突然間, 我覺得光良的 "勇氣"好似幫我打緊氣甘, 因為有呢一句:



"愛真的需要勇氣來面對流言蜚語"



不過呢D對我們來說, 只不過是一個好少既問題咋~~我地有咩風浪未見過呀~



係呢度, 我想寫低一些回憶錄及公開一些相片:
呢張就係我地係擺酒前一日"安床"後既床啦~~整套紅色的床套都係我媽媽買呀~夠哂紅, 口岩哂我呢個寒命人~~~哈~~~

這些都是我地會係婚宴裡面既禮服, 我有小英同傑傑既幫手, 在20/11就拎哂甘多野啦~~一齊掛哂係度, 真係好壯觀~~~

阿文話D衫太重, 攪到枝鐵通都跌左落黎呀~

我有6套(1套掛, 1 套婚紗, 4套晚裝), 阿文有兩套禮服(一套黑閃, 一套香檳金), 阿奶奶有兩套, 太奶奶同我媽咪各有一套~

我地係婚宴既前一天真係整天都冇見過面呀~~~真係好幾年都未試過甘...只可以透過電話聽到對方的聲音.....

我返到我的娘家過夜, 睡在我以前的床上(在我搬走後, 這張床已變成是我弟弟的了..)這一晚真的很難過呢.....完全訓唔慣, 一陣不熟悉的氣味....又感覺到有野咬我甘(我指係跳蚤)...好辛苦....真想快點天亮, 阿文快點來接我啊~~~~~(我整晚也是這樣想著...)

好不容易, 才等到7:30, PIKKI來到我家幫我化妝SET 頭, 可能唔夠訓, 有想嘔既感覺...但後來飲左利賓納仔仔就感覺好點了~(第一次見到阿文, 阿文手裡就是抽住好幾包的利賓納仔仔)

已經10:15了, 他們為何還未上來啊~~??唔通佢地真係到左而只係樓下煲煙~~?我忍唔住打電話吹阿文佢地上來!!

而家叫你黎接我, 個樣駛唔駛甘慘呀~~

差不多10:25, 他們才上到來, 我11:00要出門的!!我就走了去客廳的部份(他們從門口是看不到我的)只能聽著他們的叫囂聲~~

AGNES & FIONA & CARMAN諗既遊戲好搞笑, 一話要笠絲襪, 阿顧馬上就捉了冇SET頭的阿華出來玩, 我睇返D相, 真係好好笑~~做兄弟真係唔話得~

之後要阿文即席作愛的宣言:

但係似歌名同戲名多D.....真係脆脆地收貨嫁咋..
我本來死都唔肯係甘多人面前KISS咀...但最後都要豁出去了啦..

我地本來只係租左架29座的中巴11:00到我娘家的, 點知架車遲哂到, 成11:30先到. 仲要變左部50幾座位既螳螂大巴呀~~ 幾驚險呀, 差點趕不及在12:00前到男家斟茶呀

由於個日下午落了好大雨, 見住SNOPPY比雨整到濕到淋. 幾甘心痛呀~~返到屋企夾佢地地隻耳仔晾左好幾日先乾得哂咋~~

我好鐘意呢張--我同D金器







伴郎傑傑及新郎阿文(阿文真係肥左...)



當我一去到酒樓時, 梗係第一時間補妝啦~係我補妝既時間裡面, 阿文就坐左係架南瓜車甘影左呢張相, 我覺得好好笑:

呢個就係酒樓送比我地既結婚蛋糕:

跟住就要我同阿文好老土甘一齊咬住粒士多啤利影相, 甘鬼肉麻我真係唔想做...不過, 阿文已經預備好甘..

我換好婚紗哪~~超鐘意呢件大拖尾既婚紗同PIKKI LI小姐親手做的頭飾~~~



熄哂燈啦, 而家應該係播緊我地既成長片段, 我同阿文已經坐左係門口等待進埸啦~











進場之後, 我地就先感謝各位來賓冒著大雨出席及當然唔少得要感謝父母哪~~之後正式宣佈"食得~~記住~~呢度係任飲既~~~!!"

其實到左今日, 我既心情都仲係好興奮嫁~~~因為實在太開心了~~



我剛收到其中一位姊妹RUBY既電話, 她說她的媽媽無意中看到我們的喜帖, 竟然發現我的老爺 & 奶奶係佢地失散左好多年既好朋友~~我立刻就幫佢地相認了~~~哈~~真係好神奇呀~~~~~~~

物佢地甘鬼煩嫁~~~

今天返到公司, 同事就報料比我知, 話我兩個太后老細非常不滿婚宴當日既招乎:



一見到佢地既大駕光臨, 應唔理三七廿一, 飛撲去迎接她們。(我有SAY HELLO, 但冇飛撲..)

應該馬上介紹我阿爸阿媽 & 阿文的阿爸阿媽比我兩位尊貴既太后認識。(我冇做到, 因為我地長期要企係個台上同人影相, 完全冇走開既機會。一走開一步, 阿文既媽咪就已經叫住我地, 要我地去斟茶/影相)

應該成日都捉住我兩位尊貴既太后影相(我冇做到, 因為佢地一黎度已經係個台度影左成5分幾鐘相, 我冇諗過佢地仲唔夠喉..我連女家所有親戚都係食食下飯既時候影嫁咋....)

為左補飛, 我今日都特別同我的大太后講(因為細太后唔係度)



"個日真係多謝哂你同SHERRY, 個日太混亂, 招乎唔到你地, 所以以搵你地飲返餐荼"



但意想不到的是 她的回答"好呀~就返你先生呀~我地下個星期都得嫁~~"



我冇預到要叫埋阿文出來賠罪嫁...我諗住係我同兩個太后再加埋D同事中午去飲餐茶嫁咋....



而家真係攪左個大頭佛出黎....點算好呀~~~~~救命呀~~~~

黃色暴雨的婚宴完滿結束

真的十分感謝各位親戚朋友, 冒著黃色暴雨的惡劣天氣到來我們的婚宴~~~



當天我覺得真的是有很多招乎唔到既情況, 請大家見諒！



現在的心情是超級舒暢~~~我們從上年9月就開始籌備呢個婚宴, 到而家可以甘順利完成~~我地真係好開心呀!~~~~就好像完成了人生裡面其中一個最大既project甘~~~



所有既兄弟同姊妹都好盡忠職守~~好專業~~我地既婚宴先可以甘甘順利！



最慘都係這天下這麼大的雨.....(佢地個個都話, 因為我出世個日係落大雨既, 所以結婚都會係落大雨)



D相要遲些小先有得睇, 但大家都可以去我D好姊妹既日記度睇下先~~因為佢地已經係寫得勁詳細嫁啦~~~



- YOYO大喜 by Pikki



- YOYO 大婚之日 by Karman



- YOYO大喜之幕後花絮 by Pikki



我真的覺得好幸福哦~~~~

召開姊妹作戰會議

今天約了我的姊妹到我家開作戰會議~主要傾開門利是呀, 同接新娘的遊戲安排呀甘。睇下佢地今晚會諗到D咩新既IDEA呢~~~

由於阿汶都會睇我呢個blog既,所以暫時以保密理由未能係度寫我地傾左d咩...總之就好玩啦~~

距離BIG DAY 尚有11日

轉眼間, 距過完大禮已經第九日了~~距離我既擺酒大日子就仲有11日~~~真係好緊張呀~~~原來時間真係過得甘快~~






係呢九日我都係好忙既~~



06/11 舉行了 "YO & MAN 1121 WEDDING 兄弟姊妹第一次聚餐"



這次的聚餐最終改了到阿文的夫家(藍田德田村)度舉行, 那裡個廳比較大, 可以容納到20幾人~



果然姊妹係幫得手D~~因為開會期間, 我就真的很認真地跟姊妹簡介RUNDOWN及分配工作:



伴娘&化妝--PIKKI



KELLY & KARMAN--幫我保管我收到的金器及幫我在出門時灑米(原來KARMAN對做灑米呢個工作係好有經驗既~我真係好放心~~)



LEADER--AGNES(幫忙代表跟兄弟溝通,指揮及負責遊戲的部份)



MC-- FIONA(當我公佈FIONA做MC的時候, 其他熟悉FIONA的朋友仔就係度狂笑~~~)



收銀部--CARMEN & RUBY SHEK(等同銀行櫃位, 好緊要！)



點齊物品--DANA(千萬唔好帶漏野呀~)



拍照--MABEL(MABEL既作品好有藝術家風範~)



財政--潔怡(所有女家的利是都由潔怡收起, 所以要坐埋櫃位收銀部)

到PIKKI的家裡試妝

今天一放工, 就趕到PIKKI在彩虹永定道的家。

我就好似人地做演唱會, 我要一路食飯盒, 一路PIKKI就幫我整頭..好忙甘.

試了好幾個造型, 18/11仲要再試一次!!
好多謝我的伴娘勞心勞力的幫我!!
都攪到成11點先走..好累..

宴請我的新隣居

晚上我煮了6個人飯呢~~因為我叫了C TING一家來我家吃飯~仲有好可愛既睛睛啦~~~



睛睛都點名要我坐在她的旁邊呢~~





今次仲請埋C TING既媽媽到來~



今次既水準不過不伕失, 但全都是一些超簡單既菜式，好似蕃茄炒蛋呀, 煎雞翼呀甘....

1號風球的過大禮

昨天在1號風球之下，我12:30一放工, 就趕去乘巴士回家。到我差不多到的時候, 就打比阿文的媽咪, 請她們準備出門。



當我回到家, 大舅母, 三婆, 阿嬸, 老豆, 媽咪同細佬已經黎齊(大舅母今早仲一早9點就黎到幫我媽咪執屋哪)



好快, 男家的送禮大隊已經到達哪！有阿文既阿嬸, 三姑姐, 大芳姑姐及阿姨。



她們帶著兩籃生果, 紅酒兩支, 養命酒兩支, 海味, 椰子套裝及以奇華禮餅盒盛著的唐餅40個。



阿文的嬸嬸一入來就把放有聘金及利是的禮金盒交給我媽咪, 並說道"阿文的媽媽託我們把這個禮金盒交給你"



由於我是不可以參與的, 我就一直躲在房中, 突個頭出來看哪~



突然間, 屋企就企了好多人~~



大芳姑姐就開始用唐餅砌一個 "女婿米塔"出來哪~



砌完米塔, 就到我老豆比返d回禮利是過男家哪。



老豆叫我入佢房到幫手睇下點回d利是, 於是我就由我自己間房竄去老豆間房。

老豆真係好緊張甘, 入利是時手都震哂！好好笑！我就不斷講 "唔駛急呀, 冇人吹你呀, 慢慢黎！"



回完利是之後, 男家就拎返一籃生果, 拎埋個米塔...等各聘禮既一半回去男家哪！



就係甘, 整個簡單而又隆重既"過大禮"儀式就完成哪~~~



我地就可以開始派發請帖啦~~~

花與JENNYO, 自家制兄弟姊妹手花完成

明天就要過大禮~~~

呢包就係我既聘金哪~~哈~漲卜卜的~~我係值好多錢嫁~~~哈~~~

 

兄弟襟花 姊妹手花 主家襟花已經整好哂LU~~HUMAN真係好叻呀~~佢所整既絲花真係好靚呀~~超水準~金都果D都冇甘靚~

兄弟既襟花~~~~~
伴娘既太陽花襟花~~~

伴郎要既康乃馨襟花~~

睛睛既花球仔~~~
全部花堆在一起~~何其壯觀~~~~
一個字~~~超勁靚~~~~

 

BBQ 大會~~

BBQ 大會~~想去BBQ好耐嫁啦~~~昨天終於有得去~而且仲係去最舒服既元朗 "樂趣田園"度BBQ~~~~



今次有我啦, 阿文啦, 細芳姑姐啦, 哥哥, 妹妹, 小英 & ADA~~



今次我地入到去都成6點LU, 但都好開心~~~個度環境很清新~真係好鐘意呢度~



D野又好好味WOR~~我地都燒到12點幾先回家呀~~



好彩小英有車, 送我們回家~好好啊~



好滿足啊~~

過大禮最後準備完成

今天這個重陽節假期真係好好用！




昨天就可以去阿文媽咪度, 今天就到我媽咪度！



羅拔果然有D料到WOR~~~重新油過D牆唔止靚左, 又光猛左~~~



今天我同阿文仲夾手夾腳丟左好多所有人都覺得你癈物, 只有我媽咪一個認為是有用的。



因為我媽咪絕對係一個什麼都儲一餐既人。



主要都係一些好舊好舊既書(我肯定佢一年都唔會睇一次) & 毛冷。



基本上我既娘家裡面每一個櫃, 都一定會有最少兩個毛冷的。



之前老豆試過丟左媽咪一袋毛冷, 佢記足成年, 亦嬲足成年！但佢又唔明白, 一間300尺既單位, 就係比D冷塞到差點連坐既地方都沒有了！



今次, 我地唔敢掉佢D毛冷~~主要係丟D書。



正如我預料中, 媽咪知道我地丟佢D書 (其實只係丟左好少)



佢就話"最名貴既書都比你地丟哂哪!"



我無名火就起 "你儲甘多書做咩！你一年都未必會睇一次！D書甘舊, 內容都唔UPDATE嫁啦！而家都係幫緊你執左D冇用先丟左寺咋, 你留黎等佢火燭個時好燒D呀~~~~等等......."



跟住媽咪就冇左話我地好丟左佢D書哪。



阿文仲話我係呢個時候發爛渣時間火喉剛剛好！



唉, 其實我都唔想以呢個方法黎對我媽咪, 但......唉, 大家未去我屋企唔明嫁......家家有本難唸的經係哪....



等老豆回來, 就交代返過大禮時要注意既野哪, 佢地要回禮既利是應如下:



娉金--隨意回多少都可以的

女婿皮帶銀包褲金--隨意回多少都可以的

燒肉魚雞金--男家幾多, 女家就要回一半

包羅萬有----男家幾多, 女家就要回一半

還有當日男家每拎一樣野黎, 都要回一封利是比男家甘！

不過今日聽媽咪講, 星期三都約了好多人黎幫手過大禮:



老豆 媽咪 細佬 三婆 大舅母 + 嬸



都應該攪得掂哪掛~



我都唔知請唔請假好....

油畫換框完成, 椰子過大禮套裝好抵~!!

今天就忙了！

一起身, 就拎我地在新天地做的油畫去金都那裡換油畫框！



在金都三樓的精藝, 我地幅油畫24" X 30" 都係只須520元, 都算抵, 而且仲有好多款既框比我們揀, 都幾好！



之後就返去新填地街那間"美華繡莊"買 "椰子過大禮套裝", 這裡比金都的足足平了40元~~哈~我好精明呀~~



買完就返去阿文媽咪藍田的家裡做FACIAL~



阿文今日休息, 我地就拎埋D過大禮既物品返去, 有唐餅卡呀, 西餅卡呀, 利是, 喜帖呀甘~~一次過拎返哂返去, 為11月1日既過大禮作最後既準備~~



今日仲買埋海味個部份, 而家只係欠紅酒兩支同埋水果。



呼~~~~終於都攪掂了~~等過完大禮就可以正式派帖~到時又好忙的了~~~



做完FACIAL, 就出返去旺角幫C TING搬屋~



好快就搬完, 就一齊去了打邊爐~但好得意~~由於樓下坐滿左, 我地就上左去樓上度打, 個度本來係酒吧來的~~我地就係甘, 今晚就去左酒吧打邊爐~~



最重要的一件事係, 今晚睛睛好跟我~~~我仲負責帶了她去了兩次洗手間TIM~~好勁呀~~~



你睇我同睛睛幾甘FRIEND~~~~

喜帖寫寫寫

今天是我們組跟的客人黎我地公司的大日子, 忙到踢哂腳~~講了勁多英文, 感覺好累呢~
所以我今晚都冇煮飯lu, 雖然昨晚已奄定d雞翼。



我要打既電話都打得七七八八了~~最開心的是今天收到珊珊的MAIL, 說她特別推了跟醫生的約會而到來飲我個餐呀~~~真的很感謝她呢!!!

而以前中學時的羅SIR又好似好爽快甘就叫我將帖寄去學校比佢~~
我已經寫好哂我呢邊既帖啦~~一過完大禮就可以隨時派嫁啦~~
我仲要買一些牛皮紙信封入住D帖先可以拎佢寄, 唔係既話, D人會拎左去~~
我係我既喜帖上面都簡單地畫了一個我既自畫像, 相信我的朋友仔一睇到呢個公仔, 就知道係我哪~~

當然, 寫比長輩的我唔敢係信封上面畫哪~

中秋格鬥夜

October 07,2006

昨天中秋節, 公司賴好甘比我地早走一個鐘...唉, 見MSN裡面既朋友仔大都係放3點, 四點, 我地只係早走一個鐘放5點, 只有感到 "好過冇!"


但已經勁難等車同勁塞車, 我5點幾走, 但去到藍田都成7點....呢一程巴士認真抵搭, 5元都唔駛搭足一個鐘(原本只須大約半個鐘的)



今晚係阿文媽咪的家做節, 我地已經算係最早到既一對. 其他人陸續回來~~



傑傑好乖呢~佢真係有留到個本有魔盜王特輯既MILK比我~



然後我地就開始勁食一番啦~

食完飯既餘慶節目, 就係像遊戲天王裡面既其中一個格鬥, 兩個人面對面的蹲著, 只可用手把對手推倒為勝！由於吳家的人大部份都係癲嫁~~(特別係我既合法丈夫就係最癲既一個...)所以戰況真係好激烈嫁~~

1ST ROUND--妹妹 VS 小英


一睇就知小英大蝦細哪~~~

2ND ROUND-- 吳X文 VS 細芳姑姐

兩人都係屬馬既, 但強弱太"縣"殊了~
FINAL ROUND --吳X文 VS 吳X傑

親兄弟骨肉相殘~為戰況最激烈又最好笑的一戰~~

半島之夜

October 06,2006


半島之夜

其實我已經好返好多...只係把聲仲係好沙甘, 同埋個鼻都係好"萌", 又不斷甘流鼻水....好淒涼甘...

剛剛有同事去完泰國旅行回來, 買左好多手信返黎, 但我卻唔食得, 因為好多都係好熱氣既, 阿CON話食左我又會喉嚨痛嫁啦, 所以都唔比我食. 但就比左D膠袋仔我, 把想食既野儲起佢, 等好返先食...所以, 我而家已經儲左甘多野未食哪....

那些比我包起左既榴槤乾同魚乾似唔似人地係兇案現場搵到既證物呀~
雖然我仲未完全好返哂, 但昨晚是公司中秋食飯, 我就一定要去哪!
今年公司決定去Peninsula Hotel, 1/F的The Verandah食飯
DRESS CODE: Smart and Casual, no shorts, no slippers.

有點可惜的是, 今年冇叫我地帶另一半出席.....有好野都想跟另一半一起分享的麻....

今次是半自助餐形式的, 頭盤同甜品都係出去自己拎, 呢PART係好正既, 因為有好多魚生, 生蠔, 壽司, 沙律....好多好多野食~

其實食完呢個ROUND已經有點飽了.

跟住我揀左"牛肉清湯", 好咸啊~十足十罐頭湯甘, 而且湯裡面有一些切到好細粒牛肉粒, 令我更加深信這碗是罐頭湯...

到主菜, 我就揀左羊肩闊條麵.....講真....唔知係咪我食唔慣貴野, 我覺得呢個羊肩好似羊腩煲D羊腩甘。但係我覺得支竹羊腩煲好味D~

所以這一餐裡面, 我覺得係D麵包同自助餐個部份得分！
但個主菜同個湯就真係扣哂分哪。
呢一餐要HKD498一位, 都唔算太貴, 大家都可以去試下, 但就唔好甘大期望哪..

人地睇緊電視個陣, 可唔可唔唔好轉台呀~~~~~~

October 01,2006

好耐都冇試過訓到甘晏了, 我成12:30先起身, 跟住就收到HUMAN既電話, 話之前幫我買個批回禮小禮物已到左, 佢勁好人~~幫我把小禮物送到我家樓下~~



之後, 我就去左阿文既兄弟--地震個度, 諗住買部新相機, 勁抵~~600萬像素, CASIO, 買埋張1GB既卡都只係2030元, 仲要做埋分期, 每個月都供169元左右。



我記得我舊個部, 都係CASIO, 都用了差不多有3年哪, 只有300萬像素, 但當時買都要成3000元, 所以一睇到有呢個OFFER就不須考慮就決定買呢部新機哪。



仲要送埋相機袋啦, 幫我貼埋螢幕保護貼！勁好~~



走之前, 我醒起我部新電話都未買到螢幕保護貼, 就順便問埋地震, 哈~~又唔買之餘, 又唔駛我自己貼, 貼到一個個"POP"~



阿文6點左右就收工返黎, 佢話返到黎又唔想出去食飯, 所以我地就叫左泰式外賣食哪, 都幾好味, 衰在辣左D..



最激氣既係, 係我睇緊明珠台既TOP MODEL比賽, 一到廣告時間, 死人頭吳X文就會拎住個搖左轉左轉, 要我成日話 "做哪, 轉返去啦!"佢又唔係一聽到我甘講就轉返去, 成日攪到轉到返去已經做緊, 甘剛剛個一節係好緊張嫁麻!我又睇少左DD. 每節睇少左DD, 甘總共就睇少左好多!!!



所以我忍唔住, 大叫, 你唔好再轉我台啦~~~~~!!!!!!!!!!!!!!!!!!!!!!



此刻真係好嬲, 因為佢仲要係我叫佢轉返去時, 原來仲係廣告時間, 就會好衰甘話"都未做, 駛唔駛甘緊張呀!!!!"



所以真係好討厭佢甘樣做呀~~~~~~~~勁討厭呀~~~~~~~~~~~~~

禮金決定日

October 01,2006


昨天我都係要返半日.....這是我星期五請了半天假的代價。
真的好累...已經連續三個星期六都要返, 幸運的是, 星期六大都不會很忙, 踏正一點就走啦~~



返到家, 坐了一會, 就決定去百佳買野, 主要係想買而家正特價既養命酒, 我買了兩支, 係預備用黎過大禮既。而家特價只係185元, 原價成230元嫁~~~~兩支我足足慳了成90元呀~~~~勁~



另外仲買左好多糧食, 多數都係唔健康既...好似雪糕同薯片甘。冇計, 始終都要有D....



買完野返屋企, 睇返星期五晚冇睇到的鼎豐盛, 真係越來越緊張哪, 雖然唔鐘意郭羨妮, 但有鐘意既陳豪呀~~



睇完四點幾, 係時候去"肯"一"肯", "肯"到六點多, 就起身預備回娘家吃飯, 因為媽咪話煲左湯, 叫我返去飲. 而家都好耐都煲過湯了, 星期一至四都要好累甘煮飯, 星期五,六. 唔會影響到第二日冇飯帶既日子, 真係想休息一下, 唔想煮.



一早打算今年試下買大班的冰皮月餅比媽咪, 而家佢又出左隻榴槤綠豆蓉冰皮, 就決定去買一盒試下啦~



點知去到大班個度, 好似去左聯交所甘, 多人都癲, 個個舉高手話要咩要咩~~十足十睇電視裡面的股票交易甘...
個度又完全冇秩序可言, D人爭先恐後, 好似有米派甘. 好討厭!!

我等左好耐, 先爭取到一個機會開聲說出我要D咩, 佢地一般拎完盒月餅出來會比我地掀起個蓋望下O唔OK。由於個度實在太多人, 我都冇物點CHECK就算了.


因為之前見一個阿嬸, 買月餅好似揀老公甘, 呢盒又話唔要, 個盒又話唔靚, 要人拎過第二盒比佢, 我覺得佢既然要求甘高, 就應該揀非繁忙時間黎買LOR, 甘樣會有大把時間比佢揀到口岩為止. 勁討厭~~~

甘辛苦先打到一盒冰皮月餅返黎, 都等唔切到中秋, 吃完飯就即刻切了出來吃~味道都不錯呢~~~~

其實今次我返娘家係仲有一個好重要既任務~~就係同老豆傾掂禮金, 過大禮既事宜。本來就應該係由阿文黎傾既, 但係因為阿文呢兩日又要開工, 再加上佢甘驚我老豆, 叫佢問, 一定都只會係好似上次甘, 問完等如冇問甘.

為免到時是但一方唔開心, 我覺得有必須清清楚楚講掂數~~

我出馬梗冇問題哪, 我仲成功請老豆出手幫忙~就係到時老豆會幫忙出一張銀行本票比我地埋單, 到第二日先比返錢佢~甘到時埋單時就唔駛甘煩哪~~

老豆真係好好啊~~雖然之前我覺得佢地對我既婚事過度冷淡, 但可能因為大日子越來越近, 佢地都開始有呢個做喜事既氣氛~~

所以我真係好開心啊~~~

肉痛日

September 27,2006

鳴~~~~~~~~今天真的好唔開心呀~~~



家裡坐廁供應鹹水的喉穿了個洞, 使鹹水不斷嘖出來, 再加上地台位的去水渠好像有點瘀塞...昨晚阿文試圖處理, 但都冇效.....



叫管理處關閉鹹水總制, 佢又話係大制, 如果一關, 就全幢大廈都冇鹹水......



唯有不斷的在"筆"水.....攪到成零晨兩點, 都真係頂唔順, 再打電話去管理處, 阿文就好勞氣甘同個看更講話真係要關水制, 唔係既話流到落樓下仲大件事~~~



甘個看更先肯話去關個水制.



今朝就即刻叫人黎整:



1. 換水制--300元



2. 通渠--300元



今天....我就冇左600元啦~~~~



最慘既係, 之前買個份家居保險, 電話度sale我個時講到勁好, 話連我唔見左部電話都有得賠...但今次, 水管穿左既維修費就冇得賠....唉...........好肉痛呀!!!!!!!!!!!

LionYo

由於我是屬於獅子座的, 所以我很喜歡獅子頭, 好幾年前, 我很喜歡把頭髮電曲, 再染到淺咖啡色, 真係好似獅子嫁, 所以LionYO亦都係我既別名！(冇哪, 冇其他名哪~~~)



阿文就係甘娶左隻獅子"那"返黎哪~



但係我點算都算唔到, 原來獅子"那", 係無法對付到頑童, 仲要係雙子頑童(阿文是雙子座的......) 真係激死~~~~~~

食慣左好野

September 24,2006

好耐未食過韓國燒烤, 決定今晚同阿文一起去, 仲要係特別由旺角返去觀塘那間"景福宮"食。



我地以前都成日會去呢度食, 好多回憶!



今次重回舊地, 令我們好失望呢~~



我地等位等勁耐...我地去到都已經8:50分, 甘就諗住食9:05分開始個轉。



點知要等勁耐, 佢地就算有位, 都比左D四個人個D, 眼見個D四個人以上的人, 雖然遲過我地黎, 但都比我地早有位, 我地兩個人的, 都等了差不多45分鐘先有位.......令原本好肚餓的我, 到9:25先有位, 已經冇物食慾了.....



反正都黎到, 甘都照食哪, 但坐正我地左邊及右邊都係一大班人, 好似係D中學生甘, 勁嘈, 他們不斷的在喧嘩, 講粗口.....令到我同阿文講到, 我都要講到好似鬧交甘佢先聽到.....



係咪我少左出街食飯, 所以我唔慣係D甘嘈既地方呢......



甘都算了....



最慘係D食物既積素真係差多好多........我就同阿文講左一句



"以前覺得呢度D野食好好味嫁....係呢度真係差左, 定係咪我地平時食慣左D好野, 所以而家覺得呢度D野唔好食呢?"



我所指既"好野", 梗係我所煮的送啦~~~~我覺得我自己煮既送好好味嫁~~~~



LEEAIR~~我已經畫好啦~~你睇下鐘唔鐘意先收貨啦~~~



http://jennyo111.mysinablog.com/resserver.php?resource=296360-leeair.jpg

是日精選

September 23,2006

這是今天的作品~~現在我真的愛上這樣子畫公仔, 雖然未買到電腦畫板, 但正好趁呢個機會, 先磨練一下自己也未嘗不是一件好事~



初時用MOUSE畫公仔真的很困難, 但功多藝熟, 而家都開始習慣同掌握到一點點。



在電腦裡面畫公仔, 可以很方便甘做到好好既效果, 好似呢幅畫的背景甘, 就係用噴畫的功能, 再加上一些像雪花既圖案, 當堂唔同哂！



如果在紙張上畫既畫, 就要拎埋D水彩出黎攪一大輪先會做到呢個效果哪~



前一陣子, 可能是太忙的關係, 已經好久沒有畫過公仔了...現在再畫, 發現都沒有退步到WOR, 都幾好~~~~

你幸福嗎?

September 21,2006



你幸福嗎?

一個女人說, 跟他熱戀的時候, 她在電話裡哭.

他立即拋下所有工作去安慰她。

其實, 她不過為一些瑣碎的事情感觸落淚, 想不到他聽到她的哭聲卻心痛得緊要。
他來了, 雖然他只懂得說 "不要這樣！不要這樣！"
她覺得幸福, 他為她的眼淚如此焦急。

他和她一起三年了, 偶而她又在電話裡哭, 這次他並沒有拋下工作, 飛樸過來，卻說 "芝麻綠豆小事, 有什麼值得哭?"

最令她洩氣的, 是他竟然說 "如果哭便可以解決問題, 我都想哭！"

這分明是晦氣話！她覺得男人真是善忘，他忘了他曾經多麼著緊她的眼淚。

也許這與善忘無關，這是本性，男人在追求一個女人時, 無法不被她的一顰一笑牽動心靈。

感情穩定以後，他已不需急著獻殷勤。

這和女人在熱戀時細心打扮; 感情穩定以後, 不再刻意打扮的心態一樣。

但是, 無論多少年過去了, 如果我仍細意為每一個約會打扮, 我熱切渴望他仍會為我的眼淚心亂、心痛、著緊, 生怕全世界都來欺負我, 或者是因為他待我不夠好。

那個時候, 我會覺得好幸福。

以上為我最喜愛的張小嫻散文裡面的其中一篇~~

雖然阿文唔會相信有人會欺負到我, 但到現時為止, 很慶幸的是, 他仍然會為我的眼淚緊張, 仍然會在我正哭得興起的時候, 對著我說 " 不要這樣!不要這樣！ "

而我, 都仍然會在一起出街街的時間~打扮得漂漂亮亮~~
原來幸福就係甘簡單~~~~~

郁媽曾經寫過兩頁的書

已經是2003年的事了~我曾經投稿到AMY雙週裡面的"AMY'S BOYFRIEND"專欄, 原本只是想分享一下我們的故事。


點知竟然被選中入"地球上的100個男友"這本書裡面~
我就是這樣子就成為了這本書的其中一個作者哪~
裡面除了會有一些男友的簡介, 我地仲要跟著下面的幾個問題去回答:
在那裡認識?怎樣開始拍拖?
為何會是他?
你會怎樣形容這段關係?
他最迷人的地方:
他最討厭的地方:
令你最氣憤的一次:
令你最甜蜜的一次:
令你深刻的說話:
現在很想對他說:

她們還送了一本給我~

一直都很喜歡張小嫻的散文, 而她在這本書的序裡面寫道：--



"讀者對《AMY」S BOYFRIEND》專欄的支持和喜愛遠遠超過我們當初所預期的，來信和網上投稿很快便堆積如山。要把來稿全部刊登完，相信要好幾年才可以做得到。於是，我決定從中挑出一百封來信，輯錄成書，就像一本紀念冊，那一百個男朋友的『主人』可以永遠保存著這份甜美的回憶，而其它人，也可以像她一樣，窺探一下別人的情史。"



"夜裡，當我從頭讀一遍這一百個故事時，心裡有說不出的感動。當一個女人愛著一個男人的時候，她是能夠如此自豪和驕傲的。那些甜蜜的句子，在外人讀來難免也有略為肉麻的時刻。然而，那一點點的肉麻，卻因為愛情而昇華，變成了甜蜜的告白。"



"愛情到了最後是一種恩愛。我們尋覓一個可以共度餘生的人，要克服的是光陰、成長、誘惑，還有生活的瑣碎。我們用盡全身氣力棲息在另一個人身上，期待他無怨無悔地接住這個重量。地球上有千百萬人，為什麼我們會遇上？在這一百對戀人之中，我看出了一點端倪：



愛情出現的瞬間，往往是我們無法預知的。"







我很認同, 你呢?

頭紗對我的意義

September 16,2006

很喜歡披著頭紗的感覺, 靜靜地等待著你把頭紗掀起！

但要留意的是, 當你掀起頭紗的那一刻, 就代表著你接受了我野蠻任性的性格。

無論我做錯什麼, 都不可以認真的責罵我.

不可以讓我哭, 不可以讓我擔心.

而且更加要不繼的寵壞我, 縱壞我, 溺愛我.

郁爸郁媽小時候的照片

這張相片是我的傑作~~~將會在我們的婚宴中出現的~



今次就係HOMPY呢度首度曝光~~



我覺得阿文小時候真的很可愛呢~~~好像好乖巧甘~~



而我呢~~個樣好搞笑~~都唔明點解要剪到個頭甘齊~~同埋都唔似女仔既~~哈~~~

補上船河開心照片

September 12,2006









大牛及朱朱~







海牛(海中的大牛)~~在只有21度水溫下落水~勇敢非常~~







正在用雙眼"看"水溫的傑傑







因為傑傑怕曬, 所以大家就幫他用沙摭住個身哪~~~~







但情況一發不能收拾, 大家勁興奮甘用沙埋傑傑~~~







此時此刻, 唯一有血緣關係的二佬....在一旁不亦樂乎~~~~







最後, 傑傑就是這樣子被活埋了......1分鐘哪~~



相中的左邊就是這次行動中最主動的阿偉~~~~大家認住佢~~因為佢都係屬狗嫁~~~~~好得人驚呀~~~~