肉痛日

September 27,2006

鳴~~~~~~~~今天真的好唔開心呀~~~



家裡坐廁供應鹹水的喉穿了個洞, 使鹹水不斷嘖出來, 再加上地台位的去水渠好像有點瘀塞...昨晚阿文試圖處理, 但都冇效.....



叫管理處關閉鹹水總制, 佢又話係大制, 如果一關, 就全幢大廈都冇鹹水......



唯有不斷的在"筆"水.....攪到成零晨兩點, 都真係頂唔順, 再打電話去管理處, 阿文就好勞氣甘同個看更講話真係要關水制, 唔係既話流到落樓下仲大件事~~~



甘個看更先肯話去關個水制.



今朝就即刻叫人黎整:



1. 換水制--300元



2. 通渠--300元



今天....我就冇左600元啦~~~~



最慘既係, 之前買個份家居保險, 電話度sale我個時講到勁好, 話連我唔見左部電話都有得賠...但今次, 水管穿左既維修費就冇得賠....唉...........好肉痛呀!!!!!!!!!!!

LionYo

由於我是屬於獅子座的, 所以我很喜歡獅子頭, 好幾年前, 我很喜歡把頭髮電曲, 再染到淺咖啡色, 真係好似獅子嫁, 所以LionYO亦都係我既別名！(冇哪, 冇其他名哪~~~)



阿文就係甘娶左隻獅子"那"返黎哪~



但係我點算都算唔到, 原來獅子"那", 係無法對付到頑童, 仲要係雙子頑童(阿文是雙子座的......) 真係激死~~~~~~

食慣左好野

September 24,2006

好耐未食過韓國燒烤, 決定今晚同阿文一起去, 仲要係特別由旺角返去觀塘那間"景福宮"食。



我地以前都成日會去呢度食, 好多回憶!



今次重回舊地, 令我們好失望呢~~



我地等位等勁耐...我地去到都已經8:50分, 甘就諗住食9:05分開始個轉。



點知要等勁耐, 佢地就算有位, 都比左D四個人個D, 眼見個D四個人以上的人, 雖然遲過我地黎, 但都比我地早有位, 我地兩個人的, 都等了差不多45分鐘先有位.......令原本好肚餓的我, 到9:25先有位, 已經冇物食慾了.....



反正都黎到, 甘都照食哪, 但坐正我地左邊及右邊都係一大班人, 好似係D中學生甘, 勁嘈, 他們不斷的在喧嘩, 講粗口.....令到我同阿文講到, 我都要講到好似鬧交甘佢先聽到.....



係咪我少左出街食飯, 所以我唔慣係D甘嘈既地方呢......



甘都算了....



最慘係D食物既積素真係差多好多........我就同阿文講左一句



"以前覺得呢度D野食好好味嫁....係呢度真係差左, 定係咪我地平時食慣左D好野, 所以而家覺得呢度D野唔好食呢?"



我所指既"好野", 梗係我所煮的送啦~~~~我覺得我自己煮既送好好味嫁~~~~



LEEAIR~~我已經畫好啦~~你睇下鐘唔鐘意先收貨啦~~~



http://jennyo111.mysinablog.com/resserver.php?resource=296360-leeair.jpg

是日精選

September 23,2006

這是今天的作品~~現在我真的愛上這樣子畫公仔, 雖然未買到電腦畫板, 但正好趁呢個機會, 先磨練一下自己也未嘗不是一件好事~



初時用MOUSE畫公仔真的很困難, 但功多藝熟, 而家都開始習慣同掌握到一點點。



在電腦裡面畫公仔, 可以很方便甘做到好好既效果, 好似呢幅畫的背景甘, 就係用噴畫的功能, 再加上一些像雪花既圖案, 當堂唔同哂！



如果在紙張上畫既畫, 就要拎埋D水彩出黎攪一大輪先會做到呢個效果哪~



前一陣子, 可能是太忙的關係, 已經好久沒有畫過公仔了...現在再畫, 發現都沒有退步到WOR, 都幾好~~~~

你幸福嗎?

September 21,2006



你幸福嗎?

一個女人說, 跟他熱戀的時候, 她在電話裡哭.

他立即拋下所有工作去安慰她。

其實, 她不過為一些瑣碎的事情感觸落淚, 想不到他聽到她的哭聲卻心痛得緊要。
他來了, 雖然他只懂得說 "不要這樣！不要這樣！"
她覺得幸福, 他為她的眼淚如此焦急。

他和她一起三年了, 偶而她又在電話裡哭, 這次他並沒有拋下工作, 飛樸過來，卻說 "芝麻綠豆小事, 有什麼值得哭?"

最令她洩氣的, 是他竟然說 "如果哭便可以解決問題, 我都想哭！"

這分明是晦氣話！她覺得男人真是善忘，他忘了他曾經多麼著緊她的眼淚。

也許這與善忘無關，這是本性，男人在追求一個女人時, 無法不被她的一顰一笑牽動心靈。

感情穩定以後，他已不需急著獻殷勤。

這和女人在熱戀時細心打扮; 感情穩定以後, 不再刻意打扮的心態一樣。

但是, 無論多少年過去了, 如果我仍細意為每一個約會打扮, 我熱切渴望他仍會為我的眼淚心亂、心痛、著緊, 生怕全世界都來欺負我, 或者是因為他待我不夠好。

那個時候, 我會覺得好幸福。

以上為我最喜愛的張小嫻散文裡面的其中一篇~~

雖然阿文唔會相信有人會欺負到我, 但到現時為止, 很慶幸的是, 他仍然會為我的眼淚緊張, 仍然會在我正哭得興起的時候, 對著我說 " 不要這樣!不要這樣！ "

而我, 都仍然會在一起出街街的時間~打扮得漂漂亮亮~~
原來幸福就係甘簡單~~~~~

郁媽曾經寫過兩頁的書

已經是2003年的事了~我曾經投稿到AMY雙週裡面的"AMY'S BOYFRIEND"專欄, 原本只是想分享一下我們的故事。


點知竟然被選中入"地球上的100個男友"這本書裡面~
我就是這樣子就成為了這本書的其中一個作者哪~
裡面除了會有一些男友的簡介, 我地仲要跟著下面的幾個問題去回答:
在那裡認識?怎樣開始拍拖?
為何會是他?
你會怎樣形容這段關係?
他最迷人的地方:
他最討厭的地方:
令你最氣憤的一次:
令你最甜蜜的一次:
令你深刻的說話:
現在很想對他說:

她們還送了一本給我~

一直都很喜歡張小嫻的散文, 而她在這本書的序裡面寫道：--



"讀者對《AMY」S BOYFRIEND》專欄的支持和喜愛遠遠超過我們當初所預期的，來信和網上投稿很快便堆積如山。要把來稿全部刊登完，相信要好幾年才可以做得到。於是，我決定從中挑出一百封來信，輯錄成書，就像一本紀念冊，那一百個男朋友的『主人』可以永遠保存著這份甜美的回憶，而其它人，也可以像她一樣，窺探一下別人的情史。"



"夜裡，當我從頭讀一遍這一百個故事時，心裡有說不出的感動。當一個女人愛著一個男人的時候，她是能夠如此自豪和驕傲的。那些甜蜜的句子，在外人讀來難免也有略為肉麻的時刻。然而，那一點點的肉麻，卻因為愛情而昇華，變成了甜蜜的告白。"



"愛情到了最後是一種恩愛。我們尋覓一個可以共度餘生的人，要克服的是光陰、成長、誘惑，還有生活的瑣碎。我們用盡全身氣力棲息在另一個人身上，期待他無怨無悔地接住這個重量。地球上有千百萬人，為什麼我們會遇上？在這一百對戀人之中，我看出了一點端倪：



愛情出現的瞬間，往往是我們無法預知的。"







我很認同, 你呢?

頭紗對我的意義

September 16,2006

很喜歡披著頭紗的感覺, 靜靜地等待著你把頭紗掀起！

但要留意的是, 當你掀起頭紗的那一刻, 就代表著你接受了我野蠻任性的性格。

無論我做錯什麼, 都不可以認真的責罵我.

不可以讓我哭, 不可以讓我擔心.

而且更加要不繼的寵壞我, 縱壞我, 溺愛我.

郁爸郁媽小時候的照片

這張相片是我的傑作~~~將會在我們的婚宴中出現的~



今次就係HOMPY呢度首度曝光~~



我覺得阿文小時候真的很可愛呢~~~好像好乖巧甘~~



而我呢~~個樣好搞笑~~都唔明點解要剪到個頭甘齊~~同埋都唔似女仔既~~哈~~~

補上船河開心照片

September 12,2006









大牛及朱朱~







海牛(海中的大牛)~~在只有21度水溫下落水~勇敢非常~~







正在用雙眼"看"水溫的傑傑







因為傑傑怕曬, 所以大家就幫他用沙摭住個身哪~~~~







但情況一發不能收拾, 大家勁興奮甘用沙埋傑傑~~~







此時此刻, 唯一有血緣關係的二佬....在一旁不亦樂乎~~~~







最後, 傑傑就是這樣子被活埋了......1分鐘哪~~



相中的左邊就是這次行動中最主動的阿偉~~~~大家認住佢~~因為佢都係屬狗嫁~~~~~好得人驚呀~~~~

郁爸年輕時也做過一些白痴的事

在細芳姐家裡面表現扶拉圈...

船河後遺症

September 12,2006

雖然星期日的太陽唔係好勁, 但阿文已被曬到成隻乳豬仔甘！臉, 膊頭都曬得紅紅的~~

昨天開始, 他說已經叫同事千萬不要搭/拍他的膊頭~~

因為佢話個膊頭好痛WOR~~~

抵佢嫁~叫佢搽防曬又唔肯~~~

我就冇物事, 只係覺得自己臉上的雀班深色了一點似的。

這兩天都突然轉涼了, 今天早上更只有22度左右。但今個星期尾又會回升返, 熱返。

D天氣真奇怪啊........

不過, 而家呢個氣溫都OK, 晚上都唔駛開冷氣, 慳返D電費~~

船河

September 11,2006


星期日早上七點半就起床了(唉, 比返工仲要早起身.....)大牛及傑傑都先後打電話黎叫我地起床, 阿文亦好自動自覺甘就起左身去洗臉。

我在穿上泳衣之前就先把防曬搽滿肩, 手, 腳，因為我真的不想曬到有兩折色...

幸好今天真的是天公造美~今天連一滴雨都沒有落過！

同樣, 今天也沒有很強烈的陽光~

我們8:45已到達西頁了, 竟然是我們最早到達的~跟住就匯合傑傑及他的現任但很快可能會不再是的女友一起。

等下呢個, 等下個位, 又要買野, 等船....到真的上到船已經是10:30的事了....

在航程的途中, 當然是以十三張黎幫我地解悶啦！

終於我地到達左一個叫大蛇灣既地方，那邊的水流比較靜。

男仔就先後跳到海裡試下水溫, 但真的很涷呢~~水溫得22-23度咋。

大牛落完水之後上返黎就一路陣, 一路講哂粗口話d水好涷, 仲臉都青埋tim!~~勁好笑~~

阿文見到其他人的反應係甘, 佢都唔敢落水。

之後船定又載我地去左一個勁細既沙灘度, 佢地就玩數字球, 我就負責看守d野。

見到阿文玩到成個小朋友甘, 個樣好搞笑。

傑傑及其現任女友就繼續做獨家村, 兩個人走左落水..但我見到傑傑大多數時間都唔係望住佢個女友, 而係望住岸上邊正在玩數字球的情況, 所以我估, 其實傑傑係好想同佢地一齊一大班人玩, 而唔係想做獨家村的。

中途在阿文出了去玩WAKEBROAD的期間, 我在船倉找了個有利位置眠了一眠. 訓醒勁精神~~~

阿文話佢試了6-7次, 只有其中一次上到水, 但卻只維持左2秒時間....佢話真係比想像中困難得多....佢仲話, 如果有機會佢會再玩~但恐怕要到下年了~~

因為天氣已經開始轉涼了~昨晚都唔駛開冷氣訓覺~~~~

天氣好涼快啊~~~~

我明天就補返D相比大家睇下啦~~

不要豬腩肉

September 08,2006
我一向給了大家一個錯覺，就是大家都以為我很瘦。

其實, 我也有肚腩之患......

就是因為我太輕敵, 一路都是養尊處優, 完全沒有警覺到肚腩已經坐大.....

所以, 由前天開始, 我們已實行"睡前做situp"運動！

本來只是他自己做的, 但後來我發現, 我煮既野實在太美味既關係, 不知不覺都食多左, 變成我都有了一個大肚腩.....

所以我都要加入呢個運動。

我好相信~~~一定可趕走呢個肚腩~~

我想胖一點, 但不是想胖在肚腩啊！

星期日船河

September 06,2006 其實我地一直都好想跟傑傑佢地去船河 (特別是阿文, 他極之想去, 唔駛唔認, 因為係佢額頭已經刻左"我好想去"四個大字) 今個星期日, 相信是本年度最後一次的船河~~所以我地就決定參加哪~~而且更命名為 "告別青春"船河活動~ 因為, 出年夏天, 照原定計劃, 我肚裡面就會已經有一個可愛小寶寶~~ 我將會成為媽媽~ 阿文會成為爸爸~ 再下次去船河, 我們就會帶住我們的寶寶一起去的了！ 所以, 今次的船河, 雖然我要冒著被曬到有泳衣印, 加深雀班, 暈船浪既危險！但我都決定一去~告別我的青春~~~~~青春啊~~~~~~~~~~~~~~~~~ 希望星期日唔好甘曬啦.....

相處

September 02,2006 剛從阿文麻麻那邊吃完飯回來，好飽呢！今晚阿文會開工開通頂, 應該會係明天早上他才會回來的了。 知道他明早回來, 一定會覺得肚子餓, 如果沖完涼唔係太累的話, 就自己煮個公仔麵食吧, 冰格有腸仔, 火腿及蟹柳！ 如果真的太累, 雪櫃裡面都有你最鐘意食的朱古力蛋卷及維他朱古力餅!!仲有MARS, 總之雪櫃裡的"朱古力格"全都是你喜歡的東東!! 因為我今天去超級市場入貨, 本來只係想買返幾包公仔麵, 但買下買下, 就買左三大袋野....不過都係減價, 同埋我地一定會食到的~~ 明天又要去阿文媽媽家做FACIAL, 雖然大家都覺得阿文的媽媽是一個很難應付的人, 但畢竟我將會跟他的兒子結婚, 總不能學她的兒子一樣的對她那麼泠淡, 所以, 我們我關係倒是保持得到頗好(最起碼表面看來好哪~).... 晚上就要去我媽媽那邊吃晚飯, 希望那個時候阿文都已經訓醒, 會在我媽媽家出現哪。 我知道阿文一向都唔鐘意去我娘家, 包括是吃飯或者只是坐一下, 他都只會黑起口面。 到底要到什麼時候, 他才會在我那邊的立場想一想呢... 我唔想每次一叫佢去我媽屋企食飯, 就好似叫佢去死甘款.... 我想佢主動D要求去我媽屋企食飯, 就算唔食飯, 同我爸媽去飲下茶, 傾下計, 做一些女婿應該做既野。 佢只要稍為肯做一下, 我的爸媽一定會很高興。 可惜的是, 他到現時都不會這樣做....就算有做, 都做得很有限...... 我爸媽雖然思想是守舊一點, 但他們絕對不是盲的..... 有眼的人都看得出他由一踏進我家之後, 就老是想著希望可以早點離開... 每一次想起我都覺得好唔開心... 我跟他的家人相處得來, 我是有作出配合的！ 為什麼他不可以跟我一樣去配合一下呢？ 只有他說我的朋友難相處。 只有他說我的父母難相處。 我說, 其實最難相處的是你---吳偉LOOK!!!!!

好大壓力呀~~~~~~~~~~

September 01,2006 昨天早上，三姑姐跟我說："阿YO, 真係如你所料~吳太(阿文的媽媽)昨天打電話黎問阿麻上去租衫個度揀左衫未?好彩之前夾定話剛先上個星期佢地自己先上左去揀左衫" 事關如果比吳太知道佢唔係第一個上去揀衫的, 一定又會找我同阿文的麻煩, 嘈到拆天都有旨！ 聽三姑姐甘講完，我突然腦海裡出現左一段唔知係咪真的記憶： 吳太打比阿文, 說佢已經揀左兩套衫, 而且仲好氣憤話睇到張底單, 知道原來阿麻佢地早過佢揀衫, 問阿文有冇當過佢係阿媽, 點解比阿麻揀先, 而唔佢比揀先.....佢不斷鬧, 不斷鬧........... 我便立即打電話比阿文, 求證呢件事係真的發生過, 定係只是我的夢。 佢就話"你放心吧, 吳太冇甘鬧過" 當堂鬆一口氣~~ 我係咪有病呢....唔懂得分係真發生過定只係夢境... 我以前都發生過呢D傻野, 有好幾次我洗完頭, 落完護髮素之後, 唔記得沖乾淨D護駛素就當沖完涼, 到吹頭先發覺D頭髮"痴立立"的, 才知道原本自己冇沖過D護髮素...... 真係好可怕呀...................