2015年郁家年三十晚團年夜

今年團年飯既地點係郁家，仲有豆家同太麻麻，姑姐黎tim~~

祝願新的一年，大家事事順心!! 身體健~~

2015年郁家的大年初一

郁家的大年初一唔會太忙碌，但都頗傳統的。

因為郁爸媽會要求大細郁起床後，梳洗好，換好衫，才向郁爸郁媽請安拜年利是。

拜年當然要講一些好意頭的說話啦，當係去太麻家請安的綵排。

完郁爸郁媽的大利是之後，就出發去太麻麻家請安拜年。

請完安，拜完年，飲完茶，去公園玩左一陣，就可以回郁家休息。

晚上待大細郁睡了，我和郁爸就出發去郁爸的朋友家玩麻將。

可惜，郁媽永遠技不如人，今年又係輸得好金，應該都輸左近千元.... 

唉，點解年年都是我做總理派錢嫁...

輸都算，仲要比郁爸話我明知對手是同自己唔同level，就咪鬼玩啦！

唉.... 下年我真是唔敢嫁哪...

大郁第一次試藥

其實，做阿媽既，梗係唔想自己個仔要食藥哪!

可是，今天大郁又被其他家長投訴了...

大郁係甘拉同學仔的書包，(需知道而家小學生的書包，平均有10幾磅重，一失平衡，有可能會跌倒受傷的) 同學仔的婆婆已多次大聲叫大郁唔好再拉! 但大郁就是繼續大力的拉!

於是，同學仔的婆婆就很怒的投訴大郁!

老師跟我同大郁一齊就呢件事傾計，問大郁係聽唔到婆婆叫佢唔好再拉，定係明明聽到婆婆叫佢唔好拉，但都仍然要繼續拉。

大郁說:聽到婆婆叫佢唔好拉。

老師再問: 甘點解你唔停!?

大郁: 唔知.....

其實類似呢種事，差不多每天都會發生在大郁的身上。

因為大郁真是控制唔到自己，但做完之後，其實佢都知呢d事佢係唔應該做既，於是佢又好後悔，好內疚。

每天也比人投訴，比人罵... 令大郁的自我形象跌至谷底。

我看到協康會網站上面描述專注力失調，就像在說大郁一樣:

專注力失調/過度活躍症(簡稱AD/HD)是一種發展障礙，每百名兒童中便有5-6人患有此病，當中以男孩的發現率較高，他們往往給人坐立不定、動過不停的印象，活脫像一輛出了軌的火車，橫衝直撞，難以自控。

其實，這些孩子中，有部分屬於專注力失調型，患童行為上較靜態，惟思想上卻如脫韁之馬。

 專注力失調型患童的智力正常，但由於腦前額葉細胞的活動量較少，其執行功能較弱，常常無法抑制腦中無關要旨的念頭，處理和組織資料較慢，亦較容易出錯。

他們的運作記憶稍遜，也較難把腦海中的訊息轉化為行動的指令，然而有計劃地去執行，過程中亦容易遺漏若干步驟﹔調節學習動機及工作意欲的能力較同輩弱，容易對事情失去興趣和動力，這對他們學習和日常生活造成嚴重影響。

課堂學習需要深思熟慮，也要長時間地集中專注力，對專注力失調型學童而言十分吃力，其學業成績難免強差人意﹔加上患童較難聽從和執行指令，需要老師和家長不斷重複提點，仍然時有錯漏。

久而久之，老師、同學、家長以至患童本人對自己的觀感轉差，衍生很多情緒、對抗性的行為問題，也容易失去學習的動機。

這些問題不會自行消失，若未能及早正視及妥善處理，將會延續至兒童日後的人生階段。

即使踏入社會做事，專注力失調型患者也因執行功能弱，做事欠條理、出錯連連，容易放棄、虎頭蛇尾，影響工作的穩定性。

所以，我同大郁認真的為食藥呢個問題討論。

我完全尊重大郁的決定，只要佢唔願意，我唔會迫佢。

跟大郁傾完之後，他願意試。

甘啱大郁剛有點傷風，睇左醫生開左d傷風藥。

於是，第二天早上，我便把藥混在傷風藥一起比大郁食。

我跟大郁說這是魔法藥，會令老師讚你，做功課又會快d! 

原來魔法藥有幾種，最平的只能維持4小時，上次好似10元已有一個月份量的藥。

另外仲有可維持8小時的，每粒約6元。

維持12小時的，每粒約20元

(大家唔好再以為政府既唔使錢啦！而家係用者自付的年代!)

早上吃了一次8小時既，所以放學跟傷風藥食多次4小時。

當天放補習時，老師跟我說大郁今日好叻仔! 好專心好快手就完成佢既功課! 

老師還以為昨天罵完佢所以生性左。

我告訴老師因為他今天食左藥，老師說，唔怪得之啦！大郁今天表演真是前所未有甘好!!

回到家，跟大郁對功課，平時叫佢拎功課出來都要嗌十次，擾攘10數分鐘的。

但今次他快手快腳的不消5分鐘就讓我完成核對工作。

大郁都覺得自己今天好叻!

我問佢知唔知點解你今日甘叻!?

大郁: 因為我乖lo! 叻仔lo~~

因為其實他都唔知道自己原來食左魔法藥!

食藥的確令佢重拾自信，可集中精神完成該完成的事。

見到大郁甘有自信，甘開心! 我都感到很安慰!

不過，可怕的事情要來了!

大約到了晚上7:30左右，大郁開始好像機關槍地不停地說話。

他好像要將今天之內所發生的事情，每個細節的清楚地告訴我。

就連我去了洗澡，原來大郁一直自己坐係浴室門口都要繼續不停地講。

到了該睡覺的時間，他還是不停的說話，我感覺到他的腦袋無法休息，為了讓大郁放鬆，我播輕音樂，點香薰，但至晚上2:30，大郁仲係訓唔到。

這令我很擔憂呢！

郁爸又在澳門，我真的不知道應該怎樣做!

我係咪害左大郁，唔應該比佢食呢!?

有朋友告訴我，這是適應期，適應過後就唔會有失眠。

但每個小孩子的適應期唔同，有些兩三日，有些一兩星期.....

我也立即向各方請教，又打電話去醫院約早點見醫生，接大郁放補習時，見到社工姑娘，我也訴說一番。

姑娘說有些家在下午4點後就唔會比藥，就是驚小孩失眠。

正當我煩惱著是不是應該唔好比放學那次4個鐘既藥大郁。

原來姐姐今天在大郁放學時已沒有比藥佢。

好緊張的7:30來臨了...

大郁今天一切正常，睡覺也沒有問題啊！

真的是太好了!

之後，醫院回覆我可早點見醫生，見到醫生，我將大郁的情況講述一次。

醫生就說這樣的話就不要食放學那一次藥好了。

我亦都再問醫生，其實甘樣長期食有無咩影響!?

醫生說不會有長期副作用，即是只會在服食後先會有機會有副作用，如大郁，我觀察到的就是會無甘好胃口。

於是，我們現時維持每天早上吃一粒8小時的。

綜觀這兩星期，大郁自覺很有成就感!

手冊上亦都小左好多三角形，多左好多剔!!

大郁! 加油! 爸爸媽咪好愛你! 

新界一天遊

2月1日，郁家跟明愛舉辦的新界一天遊。

早上8:45集合，9點出發(今次我們沒有遲到呢！)

第一站就是去到沙頭角的蜜蜂王國，我記得大郁K2定K3時的學校旅行，都黎過呢度了，無物特別，在這裡逗留了大半個鐘便離去了。

第二站是流浮山，郁媽平時是晚上入來吃飯，從未試過白天入來，原來是另一番景象。

沿著海味街行，買了麥芽糖夾餅比大細郁，而且一直行到去海邊，一路行一路見到最多的，就是蠔，蠔殼，有乾的蠔，有濕的蠔..總之就好多蠔哪....

不過對大細郁來說，蠔跟海味，都不及手中的麥芽糖夾餅美味!

我們還試了炸生蠔及豆腐花!

值得一試!

之後就吃午餐了，這是旅行團的團餐，但我都覺得幾好味吖，有魚，有雞，又有蝦。

只是時間比較急左d，大約半個鐘已經在執枱讓下一圍食飯了，郁媽食得慢，有點吃力呢.!

行完流浮山，就去錦田鄉村俱樂部，入口前有條小橋，可讓孩子練練膽量

郁家還是頭一次來這裡，地方很大，很適合一家大細來玩一日，唯一不好的地方是交通方面吧。

如果自己搭車黎都幾遠

大細郁第一次喂羊，覺得很新鮮，很開心!

場內有很多啱小孩子玩的機動車，但價錢不平，像大細郁玩的電動電單車，就要$30 /10分鐘，已經算是最平的了!

這裡還有的摘士多啤梨

他們分三種:

1，法國種 $80/磅

2，韓國種 $100/磅

3，日本種 $120/磅

我地揀左中價的韓國種，讓大細郁體驗一下。

離開鄉村俱樂部，回程之前，導遊帶我們去了文天祥紀念公園，大郁以為有野玩，但上到去只見到一座紀念像，不禁問了一句: 

媽咪，個公園係邊!?

哈哈~~

細郁就一於好少理，仲係甘食麥芽糖夾餅，食得好滋味!

影埋全家福合照，便回程歸家了！

返到家都只是5點!

回到家，第一件事，大細郁當然係食哂佢地

辛苦摘既士多啤梨先哪~~