阿汶就風花雪月, 我就孤獨OT

July 31,2006 今晚阿SIR請食飯, 不過只係阿文的阿SIR,,所以冇我份。 在這晚七夕的晚上, 只有我孤伶伶一個, 最慘就係, 仲要開OT到現在8點我都仲未走得......覺得自己好可憐呀~~~~ 睇而家個勢, 我諗我8點半走到已經好好彩~~ 今晚是織女同牛郎一年裡面只得一次的相會日子！ 那麼, 我比牛郎織女幸福得多啦!!因為我每一天都可以見到阿文麻~雖然有時就勞氣D~~~

去街街

July 29,2006 哈~~~今天雖然要返半日工, 但下午已約了PIKKI, KARMAN & KELLY先去K- LUNCH, 之後就去睇裙~~~ 但晚上我們就要分別了~因為佢地要去睇軟硬呀~~ 我就要到下星期五先去睇。 本來都唔係甘想去睇, 因為買唔到100元飛, 得返D 200元飛, 我覺得太貴了, 兩個人去就要成400元嫁啦~~所以本來諗住都係唔睇嫁啦, 點知同事又有兩張200元飛突左出黎, 甘見阿文日日都話想睇, 甘就算啦, 去睇啦！ 但我話比你知呀,吳X文!!!你再係度攪攪震, 唔乖乖地呢, 我就隨時唔去睇嫁！！ 仲有, 我真係好唔鐘意佢成日打機~最衰就係掛住打機而唔訓覺！呢樣係最憎！ 通常我入房先, 見佢甘耐都唔入黎訓, 我就知道佢又掛住睇電視唔記得左入黎訓覺！ 我就走出廳, 不用出聲, 叉起腰甘兇啤住佢！ 通常佢見到我啤到甘"痕", 就識死死度氣甘關電視機, 關燈入房訓覺！ 但昨晚佢竟然只係拎自己個手機就諗住衝入房, 想把所有要關的電器留比我關, 佢係咪當我傻嫁！ 死仔, 又出呢招！我當然攔住條路啦!! 然後我就先指住個窗--佢先去關窗。 之後我就指住個電視機--佢先去關電視。 再之後我指住個風扇--佢先去關風扇。 最後我指住廳燈的開闢--佢先去關燈。 對付呢隻野, 就要好似對付D頑童甘..... 我又再一次覺得自己似係佢阿媽, 多過似係佢老婆！

唐山大地震30週年

July 28,2006 1976年7月28日零晨3:42，中國唐山發生了7.8級大地震，這次地震導致二十四萬二千七百六十九人死亡，十六萬四千八百五十一人重傷。 記得在中六的時候，由於要做閱讀報告的關係，所以要看"唐山大地震"(作者錢鋼)這本書。 感覺看這本書就好像在看恐怖小說，因為一路看就會一路打冷震，因為裡面所描述的畫面實在令人心寒！ 但其實，這是一個悲劇故事，原來早在發生地震的前兩個星期，有關部門已預測到將會發生大地震。但官員則以不想引起群眾恐慌的理由而把事件隱瞞了。 所以才會令到這麼多人在睡夢中死去。 那些隱瞞危機的官員，根本就是害死那20幾萬人的原兇！ 但他們仍然沒有覺悟，在地震發生之後，在最須要人幫忙的時候。 他們竟拒絕所有外國國家的援助。 細小如我，都會知道那時候如果可以有多些人來幫忙拯救的話，相信可以救出多些人！ 但，一切就是面子的關係，他們的面子比百姓的人命更重要！ 這是到現在中國政府仍然堅持的原則。

以和為貴

July 25,2006 吳x文實在太過份了~~~~~~ 星期日晚返到家都已經11點幾, 沖埋涼都已經12點, 但佢都堅持要睇埋佢新買的 "以和為貴"DVD, 搞到第二朝又唔舒服要請假都不特止！ 我唔想睇就係因為我唔鐘意睇到血腥的情節~但, 我昨晚返到家之後, 佢竟然繪影繪聲甘形容返D血腥畫面比我知~~~ 佢唔舒服, 要佢早D訓, 其實都唔早, 都成12點。但有線播緊周星馳的 "逃學威龍", 佢又要扭一陣先比我迫到佢返入去訓。 入到房訓, 佢又要打斜甘坦係度.......甘我訓邊呢, 畢竟只係4尺床..... 開左冷氣, 要佢好好的蓋張毛巾被, 但他卻又不斷話 "我要(褲)被!!我要(褲)被!!我要(褲)被!!~~~" 吳X文我比你知呀~~我唔怕你嫁！你繼續甘唔聽話呀~~全世界都知道你比我更白痴呀~~~哈~~~~~

懶好心~點解可以甘假~~

July 24,2006 我星期六返到公司, 老闆就勁假甘問 太后: 冇事麻, yoyo, 感冒呀? 那一刻, 我又想大巴大巴的打埋去呀, 一睇就知佢懶好心, 其實是在試探我係咪真係病~所以我控制住自己的情緒-- YO: 係哪, 感冒呀, 我老公傳染左比我佢就冇事哪,,真激死.... 太后 : 係呀, 你睇你臉青口唇白呀~食多野啦!! YO: 我只有無奈的苦笑... 她真的是金馬影后都有得做啦~昨天仲係度單打我, 今天就懶好心甘問候我, 實在太假了~~~~~~~呢個世界可唔可以唔好甘多呢d甘假既人呀~~真係頂唔順嫁~~~~~~~~假到令人窒息呀~~~~~~~~

大病初癒~激鬼死！

July 22,2006 剛過去的兩天真辛苦呢~原本是只有阿文感冒的, 最後竟然係傳左比我之後, 佢冇事, 但我就中哂.. 唔食藥就會又鼻塞又流鼻水好唔舒服, 但食左藥後就成個人暈得好緊要....都唔知食唔食藥好...... 我由星期四下午開始就請假, 到星期五都係返唔到, 甘照慣例, 你一請假, 公司兩個太后就又係惡意問候哪... 今次, 佢地竟然好認真甘問阿ken "YOYO唔係有左BB呀!?" 我一聽到佢竟然甘樣問, 我真係想一大把甘打落佢塊面度呀~~ 佢都生過仔, 佢都係人地阿媽, 點解佢好似講到我冇權生仔甘嫁！ 佢地真係夠啦~~佢地擔心黎做物呢請問, 我都知佢地唔會真係真心甘祝福我結婚, 佢地只會擔心我結左婚後會唔會打算馬上生BB, 會唔會唔做嫁咋！ 阿KEN聽到佢地甘問, 出返黎, 都同阿CON佢地講返, "甘係咪要趁YOYO未遞上醫生證明佢有BB之前炒左佢呀..." 可想而知, 我們公司裡的女性員工係唔容許有BB的！因為就算我係呢間公司做左成6年, 我都冇權享受我應有的產假!? 我真係好想知究竟太后點解會甘樣問LOR~!?

花仔花女

July 19,2006 本來在公司就唔係甘開心, 因為又有鑊仔爆出, 不過見慣哂既我都已經冇物感覺, 唯有快d想辦法補救才對！ 而令我開心返好多的, 就係C TING話比我知表哥仔會做我的花仔~甘夾埋晴晴~就係一個絕配的組合哪~~~ 好期待呢~~ -------------------------------------------------------------------------------- 今早到現在, 個頭的右邊都會間斷的頭痛...突然間就會好似有針拮甘痛, 好唔舒服呢.... 今個星期五開始, 大老闆就會同另外兩位同事去德國。 而8月初, 阿KEN就會跟其中一位老闆去上海, 再之後就可能係兩個老闆加阿KEN去法國~~~8月份會勁FREE呢~~~~~

好似冇放過假甘..

July 17,2006 剛過去的星期六及星期日, 我們都好忙甘要拎D婚紗相簿給阿文的媽媽, 麻麻佢地睇，之後又要拎去比我的爸爸媽媽看~總之就係兩天裡面, 出親街都係帶住本超重的相簿.... 不過, 見到爸爸媽媽睇相時所流露出喜悅的表情, 辛苦D都係值得既！ 另外，星期六那天, 聽阿麻不斷講阿倫(阿文的大佬, 本年12月擺酒)講到真係好勞氣。 主要是講擺酒甘大件事, 都只係佢兩個後生的自己話哂事, 完全冇跟D老人家商量, 例如擇日擺酒本應是由阿媽去做的, 但他倆突然間就話自己去擇左日, 仲已經訂埋酒席TIM。 而且仲有一點好奇怪的就是, 他倆自己搵人擇的上頭時間, 為擺酒當日之上午7時(通常上頭都係擺酒前一晚做的), 甘阿麻就好擔心那個出門及到男家上香的時間為緊迫到不得了！ 雖然阿麻一聽到話上頭時間竟然唔上午, 就即表現到好緊張甘話, 有冇搞錯！邊趕得切！但他倆仍然話邊有問題?實趕得及甘話！ 係呢件事上面，我就覺得 其實我們之所以要擺酒, 老實說是為了給老人家一個交代。給父母看, 給親戚看，亦都可以話係人生中一個大PORJECT。而且擺酒上有很多禮儀係必須要做, 如果係預左做得唔妥當的話, 寧願唔做, 都好過做錯哂。 再加上, 擺酒絕對是一項大工程！除了洗錢勁多之外, 籌備時間都須要很長。因為實在太多煩瑣的事要去安排的.... 所以他們完全冇諗過要跟老人家商量呢點係最唔妥當的！ 本來係一件喜事, 但而家就令到吳家上上下下都唔開心,,何苦呢,,, 最後補充, 阿文好渣,,踢波整親隻腳不特止, 佢又傷風呀~~

行街街

July 15,2006 昨晚好開心~因為約了PIKKI吃晚飯~ 我8點就到了創紀之城接PIKK放工~我好耐之前都在這裡返過工~好懷念呢~~ 之後就一齊行過去APM的吉野家吃飯~相傳文俊大哥是吉野家的超級FANS, 一日三餐都係度食都不會厭的~ 吃完飯, 我地就一齊行街街啦~~PIKKI仲買左件小背心及一個好SHAPE醒的袋~ 幸好我都忍到手, 冇買到野, 否則返到家又要懺悔的了...... 今次見PIKKI, 佢真的瘦了很多呢~她說她現在跟一個瘦身餐單, 7日竟然已經瘦了10磅~~真的很利害呢~~~~~ PIKKI加油~~~加油~~~!!努力~~~ 之後, 我仲跟埋去陪PIKKI的朋友仔炳基吃晚飯(宵夜), 他的話題, 竟然都係笑KARMAN瞼上的豆豆醫不好~ 我雖然係跟佢第一次見面, 但我都真係忍唔住話返佢"你甘樣笑人, 你都會生豆豆嫁WOR~!!" 之後佢就唔敢再講了~ KARMAN我幫你出了一口氣呀~~ 我覺得我成功捍衛了自己的朋友呀~~~

賓客名單.....唉.....

July 12,2006 隨著日子迫近, 我都不得不整理一下我的賓客名單黎預餅卡的數量。 講起這個賓客名單就煩哪! 其實有很多朋友我都好想邀請, 因為這天是我一生中最重要的日子之一！所以真的很想能夠有多些朋友一同為我見證！替我高興！ 但是, 由於大家工作都很忙吧, 很多朋友其實都少了很多機會見面，例如是以前讀POLY時的同學仔, 中學同學, 以前做PARTIME時的朋友....等等。 我固之然係想邀請他們出席我的婚宴, 但他們又是否會為收到我的邀請而感到高興呢, 或是會感到難為及煩惱呢？ 我真的不是存心要替你們找麻煩的啊！ 我應該怎樣草擬我的賓客名單呀!~~~~天呀~~~~

擺酒晚裝選定

July 11,2006 星期日除了拎相, 我仲揀埋擺酒時會著的婚紗及晚裝！出事啦！只有我同阿文兩個人去, 結果出哂預算~~~ 最後我竟然租了以下各項： ** 一套勁長拖尾米白色一字膊婚紗 ** 一套豆沙粉紅色暗LACE修身晚裝 ** 一套閃閃深紫色修身晚裝 ** 一套鮮橙色吊帶"降紗"晚裝 ** 一套酒紅色"降紗"LOW CUT晚裝 我有成4套晚裝呀(普遍只要3套的), 計埋套掛我就有成6套衫....因為D衫實在太靚啦~~套套都好鐘意！揀得太開心....樂極忘形...而家勁後悔.......到時真係連坐低既時間都冇哪...... 阿文就只有一套黑色閃石禮服, 我就有6套......雖然阿文不斷話自己一套都已經好夠(因為男裝實在唔抵, 同一價格, 但其實只是外套不同而已) 由於我地開心得滯, 連跟左我好多年的縮骨摭都漏左係新天地度, 我地去到MTR站時才發現, 但因為阿文已拎住好多野(又相, 又相架, 又油畫)所以唯有同把摭講BYRBYE... 呢把摭, 幫我擋了不少的風雨。 而阿文, 就只會幫我搞風搞雨。(因為佢成日都問住我 可唔可以開冷氣?)

暫時收起憤怒的情緒!

July 07,2006 一講返我個擺酒的事我就好開心~昨天, 我姊妹的人選已經訂定了： MS PIKKI LI (件娘) #1 MS RACHEL TANG(姊妹) #2 MS KELLY LI (姊妹) #3 MS KARMAN WONG (姊妹) #4 MS DANA (姊妹) #5 MS AGNES NG (姊妹) #6 MS FIONA LAU (姊妹) #7 MS MABLE CHEUNG (姊妹) #8 MS CARMEN MAK (姊妹) #9 MS RUBY SHEK (姊妹) ** 以上排名不分先後。 其實要在朋友仔當中邀請9個黎做姊妹真係好困難嫁！希望其他朋友仔冇因為我冇搵佢做姊妹而嬲我哪！ 而PIKKI都有個很好的IDEA比我, 就係所有姊妹訂造同一個顏色的裙。其實我以前都有想過這樣做, 但總以為很貴。原來訂話一條裙都係400元, 甘又唔算好貴。 不過，最後的決策權都係留比姊妹團！這件事我就好放心甘交比我個伴娘做哪！THANKS~ -------------------------------------------------------------------------------- 講返公司, 唔知點解, 今日下午時間, 間中間中感覺到有點震動..........係好明顯的震動.....好驚.... 我公司是在16樓的....如果有什麼事..都係走先好D 呢排都真係好得閒！如果唔係, 都唔會有時間整靚個HOMPY~而家總算冇以前甘寡! 雖然YAHOO都有BLOG, 而且容量無限真係幾吸引, 但最衰YAHOO冇背景音樂的功能...我就好鐘意呢個功能！所以都係選擇HOMPY好D~~~師奶仔性格又走左出黎, 咩都要格個價, 睇下邊個抵先要.... 明天唔駛返, 好快就會到星期日~~~ 好緊張~因為這個星期日我就可以拎到我地之前影的婚紗相！等左成三個月終於有得拎哪~~~~好想快D睇到呀~~~~~