郁媽有個習慣,就是逢星期日就會一次過買哂一個星期的餸。
甘樣不但十分 方便,因為不用每天也要抽時間去街市, 街市收得早,趕頭趕命就無謂啦。
而且以前工人姐姐無論是買一個星期的餸,或每天去買當晚要煮的餸,買餸時間都一樣要甘耐, 甘索性一次過買哂唔使甘煩哪!
再者,一星期買一次餸, 容易控制買餸預算,因為每次我也只帶500元去買餸,已足夠買5天的餸,及兩次的煲湯料, 郁家晚飯多數是一菜一肉,一星期會煲兩次湯,一次老火湯,一次簡單湯, 這樣做, 用多左或用少左即刻就知。
除非有其他特別野要買,例如買米,買油
……等等,當然500元就唔夠了!
如果每天都去買餸,陰d陰d就會唔覺意使多左。
當然,由於一次過買一星期的餸,所以都有少許技巧的。
首先要就未來一星期定一份weekly menu,
郁家就有一份既定的weekly menu format,
這是最痛苦的一個環節,
因為你問親大郁想食咩, 佢一定答你滷水雞翼。
問細郁咩,佢一定答你 叉燒飯
問郁爸咩,佢一定答你蕃茄薯仔瘦肉湯
問完等於無問。
排每天的蔬菜也有技巧,
星期一至二,可以吃菜芯或生菜之類的,
星期三至四就要吃西蘭花,椰菜花,娃娃菜甘,
星期五多數只可以食椰菜,因為椰菜可放上一星期都無問題的!
這個買餸習慣是從大郁出世之後養成的
唯一的缺點是食唔到新鮮魚甘,不過好多時郁媽早收,就可以請姐姐幫忙去街市買條魚加餸!
由於郁爸昨天返工好累,好需要休息,於是我便帶埋大細郁去街市買餸。
但出去之前,就跟大細郁約法
三章。
1:買餸車只我一個人拉便可以了!兩個都唔使爭!
2:去到街市, 大郁一定要幫忙拖實細郁,唔可以比細郁走散。
3:細郁必須要拖實大郁。
大細郁許下承諾之後,果真表現良好。
不過一去到相熟豬肉檔凍櫃前,大細郁趁我忙於同老闆娘下訂單,兩人各拎起一個“挾”格起劍來!!
我制止格劍後,大細郁又在後面的魚檔對住d田雞係甘玩,他們直頭當d田雞係外星人甘,牆郁用佢帶出來的玩具槍指著d田雞, 大郁就係甘罵d田雞......,真是O哂咀.......
係呢部份比較失控, 整體來說我是接受的!
另外,今日有新嘗試!
今早郁爸一起身,又話想叫麥記做早餐,
我真是唔想食麥記
於是我又整大細郁好鍾意的煎火腿+炒蛋,今次再試整了蒜蓉飽(因為剩返d 方飽就黎過期)
大郁話好好味呢!!
不過郁媽隻手d 蒜頭味纏繞了一整天
…………