2006年6月30日 星期五
人渣~~~~
June 30,2006
呢個月真係捱得好辛苦, 事關阿文之前做個份工, 4月份的人工到而家都未出! 那位老闆確實係人渣!令到我地的財政陷入困局!
阿文由頭到尾都不讓我介入追錢這件事。但到了7月5日, 就係我比阿文的最後限期!到這天阿文都無法從人渣手上取回應得工資的話,我就會介入!
到時阿文不單會上勞工處, 我亦會在不同的地方宣揚這家公司的惡行!又唔係倒閉, 又唔係唔掂!幾千元都拖我地!阿文這份工, 仲唔係地盆個d工 wor!係寫字樓工, 文職工!
呢間人渣公司, 都唔知點解利豐會比單佢!呢d甘既公司連幾千元都唔比, 可見其靠唔住的指數爆哂燈!!
總之一過左7月5日!我就會盡我所能, 數臭佢地!
以前一直以為只有大陸或做地盤的工才會有機會被拖欠薪金!但有誰會想過, 做寫字樓工都會被拖欠薪金嫁!呢個香港, 究竟仲有冇法律嫁!
難怪只有富者越富的情況出現!
香港--所謂有法律, 先進,開明,公平的社會。
現在都越來越跟大陸同化了! 我也很心淡了!
真係越講越嬲呀!!
2006年6月29日 星期四
本性解碼--YO YO 篇
June 29,2006
在參觀人家的HOMPY時, 發現這個本性解碼, 感覺都幾準, 大家都可以試一試;
http://tw.starq.com/newstar2/okstarq.php
以下就是我的本性解碼:
整體性格
心胸寬闊;爭強好勝;活力充沛;乾脆利落;既上進也享受生活。
待人性格
有人情味;很容易融入群體;勇於表現不會怯場;有點排他性但不過分;作風開放表裡如一。
處世性格
有主張但沒有支配欲;堅持自己的見解;不輕易妥協;不鑽牛角尖;既有理想也重實際;計劃周全有條不紊。
性格缺點
出手大方不在意金錢;有時候讓人感覺不夠熱情;偶爾會容易吃醋相當黏人。
價值觀
讚美和掌聲;善用時間;勢力範圍;較不擅長:好奇追新;節儉守財;微枝末節。
愛情性格
不喜歡緩慢的進展步調,懂得把握時機製造浪漫,容易吃醋;較常表現:慷慨體貼,積極進取,細心敏感,溫柔多情。
金錢性格
花錢很實在,不會太浪費,能夠按照計劃用錢;容易把錢用於:享受美食,紓解壓力,製造夢想,照顧親人。
本性解碼--阿文篇
June 29,2006
以下是阿文的本性解碼:
整體性格
文先生,敏感細膩;思維活絡;親切活潑;注重禮節;既上進也享受生活。
待人性格
通情達理;富人情味;善於應對也樂於獨處;謙虛保守但不怯場;有領域感但不強烈;既重視隱私也比較開放。
處世性格
有主張但沒有支配欲;擇善固執;有立場也能溝通;把握重點兼顧細節;有理想也務實;既有計劃也靈活應變。
性格缺點
比較節儉老是精打細算;有時候容易為小事吃醋;偶爾會只會自掃門前雪不管他人瓦上霜。
價值觀
實用實際實惠;身份地位;追求完美;較不擅長:與眾不同;冒險犯難;出頭爭先。
愛情性格
在愛情上喜歡不急躁也不緩慢的進展,懂得享受浪漫,會忌妒也能包容;較常表現:多愁善感,機靈變通,老實可靠,熱情豪爽。
金錢性格
花錢有分寸不浪費也不小氣,喜歡按照計劃用錢;容易把錢用於:享受浪漫,滿足好奇心,紓解壓力,講究排場。
唔知大家又覺得準唔準呢~
2006年6月26日 星期一
EVA個肚好大個呀~~~
June 26,2006
昨晚約了我們的媒人夫婦吃晚飯, 再上來我們家睇波~
隔左一個月冇見EVA, 個月又大個左好多甘~~~已經有成6個月了~~~如果我而家可以有BB甘就好了~有人陪自己一起有BB, 冇甘悶呀~~~~~
EVA話阿華成日對住佢個肚說話, 講故仔....其實, 我諗聽多D輕音樂會唔會比講故仔好呢?
今天我跟同事研究, 那一個月份讓BB出世好呢? 同事們都說最好就返小朋友返學的月份, 即係8月前(而家才明白為何6-8月特別多朋友仔生日)....可是, 如果個B要8月出世....甘樣真係要11月就BINGO先得嫁哪,,,,我11月先擺酒,,,我唔想甘快就有BB.....
所以, 我都係想我個BB係10左右出世, 甘只要1月BINGO就得哪~~好似好D甘。
以上只係我個人的想法....是否可行...真係唔知道哪...仲有時間比我諗下~~
2006年6月25日 星期日
揭開20多年的秘密~~
June 25,2006
昨天, 我會要到家計會看驗身報告!我終於知道自己一個埋藏了20多年秘密~~~就是~~~~原來我的血型是B+~~~~哈~~~~
阿文的血型是O型~
阿文突發奇想, 問道"甘我地將來個仔係咪一定係O型或B+型血架?會唔會彈左個AB型或A型出黎嫁?"
我答 除非個仔唔係你既, 物會有甘既血型出黎LOR!
最好笑的是, 是阿文先去見醫生的,他見完之後才到我入去見。
醫生就同我講 "拿. 醫生(她自稱為醫生)睇到你份驗血報告都好滿意, 你好健康。而剛才都睇過你先生的報告, 佢都好健康, 甘你地都"夾到"!"
"夾到"?物甘似睇相佬講我地個八字夾唔夾到甘既~!我即場都忍不住笑了出來~
我同阿文都沒有地中海貧血的傾向, 醫生話我地將來個B都唔會有地中海貧血~~(除非個B唔係阿文的~~哈~)
我同阿文都冇乙型肝炎~而我更加有抗體TIM~因為個時在POLY打哂針~~~
而且對於德國麻疹, 我都仲有抗體~~雖然剩餘唔係好多的抗體(因為驗血報告中, 會列明你所擁有抗體的指數), 但醫生話如果我係打算明年生BB的話, 應該都夠用~~可以唔駛再打針住~
我可以好安心甘生精靈豬BB哪~~~
睇完個報告開心哂~~~雖然之前都冇物擔心過~~但而家起碼都知道我地都健康~
--------------------------------------------------------------------------------
晚上, PIKKI & KELLY & JUNE JUNE(唔知係咪甘串, 如果串錯左, 請更正我啊!不要讓我一直錯下去) 來了我們家打牌~~~雖然唔係打得大, 8番16元, 但都真係好開心~因為大家都有輪流的食下糊甘~我地仲打了8圈TIM~
阿文則落了樓下的骨煲王同佢班朋友食飯~阿文明明話佢地在樓下睇波, 唔會上來的~但到1點幾, 佢地一大班人竟然上來了~~又唔打電話回來話聲比我知(其實我不小心掛起電話), 但阿文有PIKKI的電話麻~都可以打比PIKKI搵我咋~~攪到我勁師奶甘比佢班朋友見到....好彩我都仲有堂眉係度(我覺得自己個樣, 最緊要係堂眉)~~~
一日最衰都係阿文呀~~~~
之後PIKKI佢地成2點先走
我冇同阿文班朋友一齊玩啤牌, 因為都唔係我最愛的十三張。我亦冇同佢地一齊睇波, 因為我實在太眼訓了。基本上我一過12點就會好眼訓哪.....
2006年6月21日 星期三
我個大仔28歲啦~~~
June 21,2006
今天是2006年6月21日, 是我的大仔 (老公就是自己第一個孩子)的生日~
雖然今年每樣野都要節衣縮食, 因為要留返D錢11月擺酒。所以都冇特別買禮物比佢。
但見上次阿德生日時, C TING都係在半島買了一個超好味的朱古力蛋糕給阿德~
我都好想買一個好好味的朱古力蛋糕給阿文!
所以我就特登唔食午飯, 走出去半島酒店買朱古力蛋糕比佢。
我只買了兩件,因為今天只有我同阿文慶祝生日。
我們今晚已經決定左去KARAOKE~狂歡~~
真想知道他的生日願望是什麼呢~
2006年6月19日 星期一
榴槤日
June 19,2006
今天是阿文期待已久有得去踢波的大日子~
我呢, 就趁佢去左踢波, 走去買左個榴槤當晚飯食~~~真係勁開心呀~~勁爽呀~~~可以自由自在的食榴槤呀~~~~
一路睇電視一路食榴槤~~好開心呀~~~
希望我第二時個仔或女都係鐘意食榴槤, 甘就唔會好似阿文甘鄙視我這類喜歡食榴槤的人哪~~~~
我一定會好好訓練我的BB喜歡吃榴槤的!
2006年6月18日 星期日
父親節 + 生日
June 18,2006
總覺得好抵,因為老豆的生日跟父親節是很接近的!可以一次過就慶祝哂兩項。
依足老豆的意思, 去順安酒樓吃飯。
今天是父親節正日, 竟然連順安酒樓都要等位!真係住左十幾年冇試過要在順安酒樓等位!
我地都係諗唔到送咩比老豆, 所以都係買了他最喜歡的養命酒比佢老人家。
LAWBUT仔就送了件藍色的格仔襯衫比老豆。
只見老豆由一開始坐低, 就冇停止過他慈祥的笑容
我地仲影左D全家福TIM~
我就發現完來我同媽咪係勁似樣的~~~真係勁似~
2006年6月16日 星期五
如我所料~
June 16,2006
今天真的好唔想上班呢......因為明知今天要對住阿KEN達10級討厭的瞼色....
今早有客人來, 幸好我都早左返, 9:25已經返到去, 剛好快過D客一步。
一返到去, 個麵包都未食, 就要入去開會了. 攪到勁肚餓。幸好後期我可以走出黎做野, 順便就咬兩口麵包。
如我所料, 阿KEN成日係度唉~唉~唉聲. 又成日話"好煩呀, 唉~~煩死人啦!!" 好明顯係話緊我, 把很多麻煩帶比佢。
我覺得, 當有問題出現時, 唔應該只係掛住問:
"點解會甘嫁?"
"你冇CHECK清楚嫁咩?"
"你又錯D咩呀?"
呢D說話真的令人很難受呀!!講到我好似特登做錯D野甘。
他的態度, 反而令我覺得自己錯唔哂。
基本上樣樣野都係我做---
跟貨, 跟辦。
幾時要走貨, 寫排期表比船務那邊。
開新辦單, 追辦, 追價錢。
安排工作比阿KID, 就算阿KID幫我度哂辦, 我都要CHECK下D辦有冇問題, D卡有冇打錯。
出MAIL比客, 追客COMMENTS!
忙中有錯, 有時都真係避免唔到!
只係我再小心D, 雖然甘多野做, 唯有做得慢一點, 但求準確。
所以我就話過, 有任何問題出現, 都只係我的錯。
我錯哂哪~~~~~~
2006年6月15日 星期四
各位朋友請放心! 我有去覆診嫁!
June 15,2006
自去年因為搬屋又盛, 張覆診紙唔見左, 就到前幾個月前先的起心肝再預約過時間覆診。
終於就係排到今天。我本來都真係唔想去, 一來請假又會有說話聽, 二來我覺得去到見完醫生, 都冇咩實際效用, 又冇藥食, 又唔會有任何方法令我胸部裡的硬塊消失......
我好似之前甘, 乘往青山道的小巴, 在QE的後門下車。
已經冇去QE都有年幾, 諗住都會唔記得點行.
但我竟然是很熟悉的左轉右轉, 去到覆診的地點。
我突然間"很討厭自己對這裡的路那麼熟悉!"
究竟我什麼時候可以不用再來這裡覆診呀!這裡令我想起很多不愉快的回憶呀!在這裡逗留的每一秒鐘都令我很難受!
我兩點半到, 睇完, 再預約埋下次覆診日期, 都已經四點半了。
不過, 今天都總算有一點好消息, 就係醫生話我的硬塊好像縮細左甘。仲要我BOOK時間去照超聲波,但都要排到明天5月先有得照。
近排在公司做事都唔係甘順利。
我已經係好比心機想跟得好一點的了, 我諗好多方法, 係可以跟得順一點, 但唔知點解, 就係會疏忽左。攪到而家又有煩野出現.....最難頂既係阿KEN的面口。
攪到我好似係特登做錯野令佢難做甘.....其實我對於自己的過失, 我都十分之內疚,畢竟這些錯誤係可以避免的...所以我真係覺得自己好冇用.....
又再次懷疑自己份人甘粗心大意, 係咪唔應該做呢行....
無論我點做, 佢地都覺得我唔比個心去做....
如果我真係唔比個心去做, 我就唔會諗方法去跟好佢.
如果我真係唔比個心去做, 我就冇而家做錯野的內疚感
如果我真係唔比個心去做, 我就唔會留係度...
我又再次陷入自己的低潮。
雖然阿文不斷同我講, 唔可以怪哂自己, 好多理由令我好過...
固執的我仍然覺得好唔開心, 無法原諒自己似的.....
2006年6月11日 星期日
家庭煮YO
June 11,2006
剛過去的一個星期, 我可謂狠利害呢~
因為星期一至星期五, 晚上我都有煮飯~~
因為而家阿文返機樓呢份工, 可以帶飯~所以我盡量都想煮飯, 因為可以煮埋明天我們兩人帶飯的份。
而且, 我仲好聰明甘諗左一個方法迫自己每晚都煮飯, 就係在星期日, 我們就會諗定未來一星期每一晚的主菜。
星期一: 薯仔炆雞翼
星期二:菠蘿炒牛肉
星期三:蕃茄豬扒
星期四:咖哩雞柳
星期五:脆瓜炒瘦肉
寫好左, 就貼在雪櫃。
甘樣, 我地就唔會到果日放工先諗煮咩,因為已經諗好左,可以早一天就買定D野黎"奄", 甘就會好好味哪。
而且, 如果到收工先黎諗煮咩, 通常最後都會變左叫外賣或者出街食。
一來收工已經好累, 都唔想煮了, 二來返到去又要解凍又要"奄", 邊有時間, 整好都11點了~~~~~
所以, 我這個計畫都實行左一個星期, 我本人就覺得好有效啦~~~
今天, 我仲黎左個廚房大清潔的行動~~~而家個廚房好乾淨呀~~哈~~~
阿文見我好努力甘清潔廚房, 佢又好主動甘洗廁所, 吸塵用拖地~~真係好乖呢~~~
訂閱:
文章 (Atom)