人渣~~~~

April 22,2006 原本今天是我珍惜的短週, 但我而家卻在公司. 而且, 老闆剛剛說個客今天不會來...... 正人渣!!!!!!! 根本就知個客唔黎, 但就點都要叫我地全部人返哂黎！都唔知為了什麼!郁D就話要全組人STAND BY! 而家我完全冇MOOD做野, 因為原本我今天係唔駛返的...原來我而家係仲訓緊既, 或者打緊機, 或者睇緊電視.....但一切都破滅了~~~~~ 好多先進的國家都只是五天工作的, 但自以為什麼都有優越條件的香港, 卻仍然有絕大部份的公司都是五天半, 甚至是六天工作. 公務員比我們好, 可以有機會轉為五天工作。 但作為小企業職員的我們, 唔要我地返埋星期日及公眾假期已經是優差了!!! 我好討厭她們的迂腐-- 喜歡見到員工開OT, 有幾夜做幾夜。 喜歡叫員工以LUNCH時間開會。 喜歡見到員工不分長短週, 每星期六都返。 對於客人於假期時的VISIT, 從不SAY NO, 仲要員工整組人冇假放回來STAND BY。有時更加係隔離組有客來都要我們STAND BY。 所有INCOMING & OUTGOING 的MAIL都會由系統自動就會C.C.比佢地。 員工病了, 請假時會說 -- "病?昨天都好地地架" "吓, 佢又病呀?" "成日病, 成舊豆腐甘!" 她們的迂腐, 至令公司內外都沒有一個真正想公司好的員工！ 亦都令到員工對公司完全沒有歸屬感！ 這家公司很失敗！ 我在一家很失敗的公司做了5年了.....

天大的悲劇呀~~~

April 21,2006 我剛收到一個對我來說是噩耗~~~~ 本來這個星期六, 我是短週不用上班的..但...可惡的客人~老是揀在星期六, 日, 及公眾假期到訪, 至令我要返公司STAND BY....... 好慘呀~~~天大的悲劇呀~~~天呀~~~點解要甘對我~~我真的是辛苦命呀~~~ 而家每晚好要成8點先走得, 我仲要趕返去睇"女人唔易做" 跟住"潮爆大狀"跟住"向世界出發"跟住上網打牌......真的很忙, 所以每晚平均都成1點先訓到.... 我 每 晚 都 好 充 實~~

甘快就放完假啦...

April 18,2006 唉,,甘快就放完左四日大假啦..真係好唔捨得呀！不過都好彩, 都有一晚打過麻將, 我仲係極度眼訓的狀況由輸緊79元, 到最後只是輸20元~哈~算好勁嫁啦~ 今個星期只須返多4日, 甘又放兩日假啦~真係勁開心~好快又出糧啦~~呢點係唯一值得安慰的。 這幾天假期都留在家裡, 沒有去旅行, 沒有特別出去行街, 但就看了兩隻碟, 一套是"最愛女人天生購物狂", 另一套就是"賊壇新人王", 兩套都是以輕鬆為主~真係幾好笑~~

復活節假期第一天

April 14,2006 昨天雖然我都成8點先離開公司，但我都有去惠康買送煮飯, 因為阿文都未收得工, 肯定又會好夜的了. 我又唔算太累, 所以都希望煮飯比佢食。唔駛甘夜返到黎仲要食飯盒甘慘。 昨晚我地都成10:30先食晚餐呢。 不過唔緊要, 因為明天就是我期待了很久, 復活節假期的第一天了~~~~ 今天我都訓到成1點先起床, 阿文則要返工, 不過佢今天係返佢以前做電話線個度幫手。佢又可以見到d舊同事, 又當係partime, 對佢來說, 會很開心的。 好快就到5月份啦~阿德同阿鳳要擺酒啦~我都登阿鳳緊張呀~~前幾日兄弟姊妹見面食飯, 阿文被委任做兄弟裡面的LEADER。真的很利害呢~~ 其實我都要諗下我D姊妹團哪..阿文成日懶勁甘話佢兄弟夠多, 只是就我搵到幾多個姊妹。真係大言不慚呀~我數到心目中的姊妹人數最少都有10個呀~~~不過係唔知佢地肯唔肯做咋.... 復活節假期, 可惜卻雨蒙蒙的...有點掃興的感覺, 而家就等阿文收工, 今晚一定要出街街！

一件令我很後悔的事情....

April 11,2006 4年前, 我把我在POLY做PROJECT時特別用300多元買的DUMMY貢獻比公司。 前陣子, 老細要我負責幫公司買一個DUMMY, 她們列了一些DUMMY的要求, 由我負責去問價。 但最重要的要求是腳座必須要穩固。 因為她們說了很多很多很多很多很多很多很多次: "你個DUMMY個腳座不穩, 會左搖右擺。故今次買DUMMY時必須要留意呢點。" 但她們這句說話真的說了太多次了....令我很煩厭呀~~~~! 我問過, 一D合國際標準的DUMMY最平都要1800元, 我的那個DUMMY只是300元, 佢地唔鐘意就唔好要LOR, 掉左去LOR~一路用一路彈~ 我真係好後悔個時帶個DUMMY返來公司呀~我寧願留在屋企勾臭都唔想益呢D人呀~~~

新電視~

April 09,2006 我地想買個新電視好耐嫁啦~因為入伙個時買的電視太大個, 攪到坐在梳化時, 跟電視的距離實在太近了, 嚴重影響雙眼呀~ 今天無意中發現有LCD電視開倉價發售~價錢真的很抵呢~所以決心換了~~~ 現在坐在梳化看電視, 眼睛真的舒服很多~~不會太近了~實在太好了~ 今晚, 我地又返了媽媽家吃飯~老豆話佢23/04會有份表演唱粵曲, 到時我地一齊去捧佢場佢一定好開心的呢~~~~阿文更加可以從這次加分TIM~~~

家有電話lu~

April 08,2006 這兩天在公司都忙得不得了~令我的燥狂症又復發~因為實在太多野做了~幸好只是忙了兩天, 又到星期六了~可以休息一下~ 現在, 我們家終於較了家用的電話線了~昨晚我們特別出街買個電話~哈~電話號碼我稍後就會對外公佈~因為現在有的臨時號碼不太好, 我想改左先話比你地知~Will keep you informed~ 之前一直覺得, 家裡不須有家用電話, 原因是我和阿文的手提月費每個月都要200元, 如果再加多個家用電話的話, 只是用在電話的費用就高達300元~我就覺得冇甘既必要, 所以一直都沒有申請。 但前天有PCCW的人上來推銷, 說只須99元, 就可以包括左家居電話線及手提電話, 甘樣, 我就覺得都幾抵~所以就JOIN左~ 其實, 家裡沒有電話都唔係甘方便, 因為我把叉機留在公司, 要叉電的話, 就一定要在公司叉, 但我又成日大頭蝦, 返到家先發現原來冇電, 仲要撞正星期六/日。 甘如果阿文不是跟我在一起的話, 就沒有人找到我, 我亦沒有辦法找人.......所以阿文都成日話我....個電話成日都冇電... 故此, 我成日都要睇住究竟個電話幾時會冇電, 後備電又有冇叉好電....呢種心理壓力都幾大嫁.... 但而屋企有左電話, 甘我個手機就算冇電都可以飛線返屋企~你地一定會搵到我啦~~哈~ 歡迎來電~~~

我的粉底~~

April 04,2006 哈~講出來都有點不好意思！因為我昨天終於買到我人生的第一盒粉底~~RMK 其實我想買粉底好耐嫁啦！因為我面上有很多雀班，所以只有粉底, 才可把我的雀班稍為隱藏~ 而呢隻RMK新出的粉底呢, 仲有摭遐作用的！真的很適合我呢~ 昨天同FIONA一齊, 去買的, 但有點奇怪的是, 招乎我地的SALES係男生, 佢係介紹中竟然話自己都有塗緊其中一個色的粉底......噢, 男生都塗粉底...... FIONA更加話那人是"基"的....佢話見那人塗粉底我手法就知道了~~~好利害的觸角呢....我就完全冇估到呢點。 買完之後我地就好開心甘一齊去吃飯啦~我仲係星光行的7仔撞到吳傑傑WOR~真係橋哪~我仲唔駛排隊就可以比到錢TIM~真好~~