開心Team大閘蟹宴

我們的宗旨是“做得狠，玩得癲！！”

完成10個星期的FAE 比賽，Cat媽請大家吃一頓豐富美味的大閘蟹宴！！Cat媽萬歲！

地點是在美孚盈暉臺商場裡面的一間私房菜館~~

吃飯當然離不開雀局啦！自從大細郁出左細之後，郁媽都無物機會可以打麻雀！！

今日爭取時間玩了幾鋪，贏輸不重要！開心已經無價！！

我唔客氣了！！每人有兩隻差不多5両重的大閘蟹（我無記錯的話）

其實郁媽本身唔係話好嗜大閘蟹，不過呢個時候個個都食, 甘我都要應下節食下既~~~

除了大閘蟹, 仲有聖子, 一條魚(我唔識分條魚係咩, 但好好味就夠)...

大家都食得好開心, 好飽~~

今次, 我仲第一次飲花雕酒加話梅~~真係好好飲呀~~~~~~馬上愛上了~~

 

好開心呀~每人有兩隻大閘蟹, 因為三叔唔食既關係, 我仲多左一隻蟹蓋食~~多謝三叔~~~果然是我的愛將呀~~

 

今晚真係好開心呀~~~~多謝CAT 媽~~~~最開心就是這樣辛勞工作之後, 開開心心的大吃一餐~~~爽~~~

郁爸郁媽結婚七週年之ELSA囍宴

今天是郁爸郁媽結婚七週年的日子, 但今年我地唔使煩惱去邊度食飯慶祝好, 因為郁媽的令令堂妹ELSA已幫我們PLAN好, 今天晚上就為她們高興, 飲ELSA的結婚囍酒啦~~~

地點是黃大仙的譽宴

郁公公及郁婆婆有份坐主家席, 我們中途走過去求合照~~

今天大細郁的衣著是由他們自己揀的, 所以有點CAUSAL, 不過唔緊要啦~郁公公同郁婆婆一見到大細郁就開心到見牙唔見眼了~~~

 

細郁今次好叻呀~~以往婚宴一開始, 總會把燈關掉, 播成長片段, 此時, 通常都一定會聽到細郁話"我好驚呀~~~抱住我呀~~"

但今次一熄燈, 細郁自己就講"我唔會驚既~~"

細郁都真係長大了~~~~~~

 

由於今天是星期四平日既關係, 其實郁爸有打算過話剩係郁爸同郁媽兩口子出席的, 因為大郁今天放學有課外活動, 回到家都已經快5點了, 而且還要做功課呢, 幸好, 今天大郁學校的功課不算很多, 用了一個小時多點就已經可以完成了...

 

功課的問題解決了, 然後就到明天要返學這個問題了...

唯一的解決辦法就是無奈地要提早離開, 好似魚都未食, 但已經10點了, 唯有提早跟郁公公, 郁婆婆, 叔公叔婆打聲招乎要提早回家了...因為大細郁平時晚上九點就要上床睡覺的了..

 

雖然決定走時是10點, 但打得招乎, 行得黎, 上到的士時已經10:30了, 回到家左更加是11:10, 連忙開奶比細郁, 捉大郁沖涼....上到床都差不多12點....

希望明天大細郁唔會唔肯起床啦~~

係呢度再次祝福ELSA永遠幸福快樂~~快d生多d小朋友可以跟大細郁玩~~~

Function Day!!!

又到了我們team 一年一度的function day!!

以前只需參加去玩，但原來經理真係唔易做，因為要落手落腳籌備的

今次我就負責做一個計分牌，支持環保，我用了同事上年送唔出的大福字月曆，做了些小手工，就完成了個環保計分牌了！

今天的所目十分豐富，首先2：30 -4：Snooty0 是保齡球分組比賽，今次我的組員有Cat媽， Doris and William!! 

另外一組就是 Macy, Sam, Karen and Icy.

經過一輪激戰

我們Cat媽組險勝Macy組

郁媽無姿勢，亦無實際，幸好隊員勁！！

我們得到$500獎金！！！

玩完保齡球，我們便移師到利舞臺利寶閣繼續玩遊戲！！

第一個遊戲是猜猜畫畫，大家的畫功也很利害，笑聲連篇！！

第二個遊戲是傳橡皮筋，是好考合作的一個遊戲。

用飲管來把橡皮筋傳到最後的一位

其實之後都仲有兩個遊戲，有口難言及估啤牌的，但遊戲過程實在太好笑了，所以我都忘記了拍照片呢！！

之後就開飯了！！這間酒樓水準依然！！所以我們最喜歡在這裡搞活動的了！！

食飯之餘，當然唔少得抽獎環節啦！！

今個月三叔的抽獎運真是好到不得了！！

除了之前係小英婚宴上抽到大獎之後，現在每逢抽獎都一定抽中三叔！！

幸好我都唔弱，我都抽到$100利是！！

三叔則除了抽到利是之外，還抽到史路比環保袋，三叔知我喜愛史路比，於是就轉贈給我啦！！ HeHe!!

希望這個好運可以繼續下去！！＾＾

大郁 6 歲 Home Sweet Home 生日會

02-11-2014（星期六）

<今日的餐單>

大郁凱撒沙律 （因為是大郁負責整的）

蕃茄甜椒芝士焗粟米片

焗蘑菇小肉丸

蒜泥白肉

醉雞

焗蒜蓉法包

焗蜜汁豬頸肉

蜜糖雞翼

蕃茄吞拿魚羅絲粉

芒果大菜糕

 今早一早起來，開始準備大郁生日會的食物。

最關鍵的是個生日蛋糕，因為我原本打算自己親手做個生日蛋糕比大郁的。

但由於近排都實在太忙，郁媽實在沒有時間預先練習一次，到今早才第一次在家做海棉蛋糕

結果，做了兩次，但都發唔起呀～＿～

兩次都整到好似個薄餅甘……

時間關係，唯有出動兩張美心餅卡比大郁自己揀個心水蛋糕啦

最終大郁自己揀左芒果脆脆蛋糕

大郁由細到大都很喜歡熱鬧的，所以今次生日會除了有常客太太，三姑婆，珍姑婆，四姑婆，三叔三嬸豆豆同美寶姐姐，

上次細郁生日會邀請到YY及YY媽媽出席，今次大郁有天大的面子，因為今次連余師父都有蒞臨寒舍，出席大郁的生日會！！

真的感謝每位蒞臨的親朋好友，令大郁很開心地度過了小學不年班的6歲生曰會！！

美寶姐姐一如以往，讓大郁收到很多份很口岩他胃口的玩具做禮物，細郁也不樣有份，變成無論是大郁還是細郁生日，大細郁都各會收到禮物，真是開心到佢地呢！

另外，特別值得記載的，還有YY媽媽及爸爸（余師父）所送的Iron man拉鍊外套，大郁超級鍾意這件拉鍊外套，因為只要把拉鍊拉到上頂，就可以變身成為Iron man的了！

YY借了生日帽及大郁的tee,好搞笑可愛！

排排坐食蛋糕

呢件就是變身外套了！ 大郁超鍾意呀！！

再次多謝各位的出席，希望你們喜歡郁媽為你們預備的食物啦！！

星期天西貢一天遊

24-11-203（星期日）乾爽的晴天

又到左星期日，又係搵地方周圍去既時候，

郁爸提議去長洲

但我覺得去過長洲幾次，有點悶，而且星期日一定勁多人的呢！

郁媽提議去大澳，，，但郁爸說大澳好遠的，要先去到大嶼山，再轉巴士先去到的

所以又打消了去大澳的想法

之後郁爸提議去西貢

甘啱我又想試Jess之前推介的意粉餐廳

於是就贊成郁爸的提議

動身先去官塘，再轉紅Van入西貢哪！！

這家意大利餐廳，地方雖小，但客似雲來，不過剛好我們到時，有一枱結帳離開了，所以我們不用等就可以坐下來了

Jess强力推介這裡的白汁意粉。

郁鍾意食煙三文魚，於是點了午市套餐中的煙三文魚蜆肉意粉，郁爸就要了雞肉意粉，

兩個意粉都聽Jess的介紹，特別要求“白汁”

另外還叫了一個Pizza 

郁爸教細郁用隻手指頂住Pizza的一面，甘就唔會墜下來

於是細郁就不斷用手指仔頂住Pizza

大郁同樣吃得津津有味呢！！

我們兩大人兩小孩，點了三個餐，

通通吃得一乾二淨，我唔係想講郁家有幾惜食，而係我想講郁家的確係有兩隻大食積！！

×＿×

吃飽飽之後，我們就周圍閒逛，郁媽抵受不住“咩姑娘茶果” ，買左兩件盛惠 $12

（唔記得叫咩姑娘，好似係何姑娘）

本來諗住走先買，點知那位大叔叫賣時又話這是今天最後一底，唔會再出，要賣就而家買啦！！所以就買左啦！其實我懷疑大叔每一底都係甘講谷銷量！！@。@

路經海旁的兒童遊樂公園，讓大細郁放一放電，盡情地跑呀～玩呀～～出汗呀～～好臭呀！！！

但近日又發生小孩被拐帶的新聞，所以我和郁爸都打起精神，留意大細郁的行蹤！！

在公園玩了差不多一個小時，我們繼續沿著海旁行，行到這裡，可以走出石頭上面

郁爸帶著大細郁走了出去

大郁廷起男子勇氣，大膽地說自己不怕

細郁初時又係哭著說唔要到石頭上，但後尾見郁爸同大郁好型甘係石頭上面

細郁也鼓起了勇氣跨出去

當然每行一步，郁爸都會拖實兩隻野，但我始終好擔心，萬一叉錯腳跌左落去就會受傷的了！！

所以我不斷在圍牆的另一邊，叮囑他們要小心呀！慢慢拖實爸爸呀，唔好自己亂郁呀！

（自己都覺得自己煩 >×<）

不過無可否認的是，海旁的風景的確很漂亮！！

特別是望著對面岸的一個小島，有好大片的樹林，樹林頂有很多雀鳥不斷盤旋地飛，令我想起小時候讀過的一課  “鳥的天堂” 

（是否很old school 呢@=@）

在這裡享受了只是半個小時左右，

天色開始昏暗

好像開始想下雨

要及早走避了，因為我們沒有帶雨傘同行呢！

出返官塘之後，我們到了樂趣園吃晚飯

吃了我最愛的焦糖雞翼

大郁則最愛炒聖子

好滿足的 吃得飽飽的

回家休息去

小英大婚感動之囍

23-11-2013（星期六）

今個月第三單飲宴！

今次是郁爸表弟--小英（大細郁則叫英叔）與ADA 大婚之囍！！

地點是尖沙咀喜來登酒店，氣派非凡呢！

今次是郁爸家的大盛事！

郁媽要先到太太家幫太太及姑婆們化個令妝！

原本諗住只是化4個妝，所以諗住3點去到太太家已有足夠時間

點知去到才發現郁爸的表妹及堂妹係度要化妝。

郁媽當然無問題啦！多d黎密d手！！

雖然有點手忙腳亂，我用了兩個鐘化左6個人的妝

後來真是趕不及幫她們卷髮，於是也叫了三叔來幫忙！！

最後，可以都可以趕及6點出發！

到達尖沙咀喜來登酒店3樓宴會廳

郁爸及大細郁仲未黎wo

唯有坐下，食下西餅先啦！

過一會，大細郁到達了！！

大郁立到d頭髮棟起哂呢

大郁真是好鬼大個仔，成個少年甘呢！！

好開心！！豆豆比我地抱住影相呢！！甜到漏呀！！

但好快，豆豆望完郁爸之後就唔再肯比我地抱住了！！

好彩都影左幾張相！

豆豆同我都好似樣呀！！

三叔三嬸幫我完左我想生個女的心願！

相比係豆豆， 始終都是細郁影相較合作，一叫細郁影相就擺出不見眼的post , 最嬲既係郁媽的同事係甘話細郁似我lo!! 等我化妝畫大d對眼先得！！哈！！！

這是一個很令人感動的婚宴，

因為我們見證小英與Ada 的認識，

在他們讀出誓詞的一刻，兩人都哭不成聲，

太太及幾位姑婆們，仲有三嬸都眼濕濕，

因為我們都知道他們倆果真做到了無論貧富，健康，疾病，都會一樣愛護對方，扶持對方，

相信在天國的芬姑姐（小英的媽媽）也一樣感到安慰！

希望他們在未來的日子，幸福快樂地度過每一天！ Ada 能早日康復！！

我們郁家也要努力！！每天都要笑著度過！！

郁爸雖然有時候好惡，又不善解人意，但你仍然我這世上最珍惜的人！

（我們有夫妻相未！？）

在這個世上，要找到一個你又珍惜佢，佢又珍惜你的人，是一件很不容易的事，所以如果你已經搵到的話，不要因為一些小事就放棄，而且要好好珍惜對方才對！！

郁家晚上歡樂之聲

 

 

郁家位於走廊尾，距離口最遠的一戶

不過，好多時候，郁媽回家時，只是一出，遠遠已經聽到大細郁的聲音了……

慶幸的是，郁家旁邊的住戶，都很包容，從未就大細郁的喧嘩投訴

特別是就在郁家斜對面的公公婆婆，更加是十分疼愛大細郁

大細郁歡樂的笑聲，昨晚更加響亮

因為昨晚郁家吃過晚飯之後，大郁突然興起玩起“狐狸先生幾多點”

郁媽都差點忘記這遊戲是怎樣玩的
但我們稍稍改了一點

就是當我做狐狸時，他們就會問
“狐狸媽咪幾多點呀！？”

當細郁做狐狸時，我們就會問
“狐狸細郁幾多點呀！？”

最搞笑的是，當郁媽大叫“12點～～！”

回頭準備跑去捉人的時候，細郁只是呆左企係度，都沒有走避，就甘就比我捉住左了！！

笑到我碌到地上了！

跟住就到細郁做狐狸

我們就一起問

“狐狸細郁幾多點呀！？”

細郁出奇地，第一次就即刻答“12點～～～”

轉身便跑過來捉人！！！

真是比細郁笑鬼死！！

就是這樣，我們就渡過左一晚歡笑聲爆燈的一個晚上了！！

中環尖咀一天美食團 郁家兩隻大食積！

星期日，想搵地方同大細郁去玩下

知道今天中環畢打街有個兒童遊戲嘉年華會，就決定帶大 細郁趁下熱鬧

點知去到真是勁多勁多勁多人，每個遊戲的輪候時間都起碼要45分鐘

所以最後都無排隊玩遊戲

我突然想起可以帶大細郁去科學館睇恐龍

於是我們就決定搭船返去尖沙咀

去到尖沙咀，當然先跟一些好漂亮的聖誕擺設拍下照片啦！

今年海港城的聖誕擺設是大細郁都十分喜愛的卡通人物，有史迪仔又有毛毛及大眼仔米高！！

大細郁超級開心！！

影完相，開始美食之旅啦！

先入左去海運個度食Foryo ,食完之後

大郁又記得之前郁媽去海港城ci t y s u p er 必食的超甜蕃薯大判燒餅，所以大郁及細郁各自吃了一個大判燒餅

吃完f o r y o 及大判之後，就步行到尖東科學館

一去到科學館下面，已經見到一隻長頸龍及幾隻三角龍，最得意既係恐龍的口，肚腩及尾巴都會郁的。

足以令細郁相信這是真的恐龍，

初時細郁好驚，驚到唔敢行埋去

後來經過大郁的鼓勵

細郁終於敢行埋去影相，仲係甘同恐龍傾計

同長頸龍及三角龍玩了好一陣子後，我們就搭電梯上去科學館正門，打算參觀一下，但由於今天是星期日，雖然已經差唔6點了，但排隊買票入場的人多到打哂蛇餅甘

於是我們決定遲點擇日先再去裡面參觀哪

唯有同正門一隻識拍翼的翼龍拍完照就離開了

走時細郁十分之不願意，唔想離開，仲想同長頸龍佢地玩耐d呢！

細郁真的是好鍾意恐龍的呢！

好不容易才氹到細郁肯離開，大郁又話肚餓，跟住我地又去左食譚仔,郁媽仲好飽呀，雖然大郁同我一齊分一碗的米線，但其實十部份都是大郁食的

吃完米線，我們就搭巴士回家了！

回到家後，安頓好大細郁洗澡事宜，都只不過是晚上8點，郁爸又話落街買飯，問大細郁食咩，，，，

大細郁又竟然仲食得落的話要食叉燒飯

總結，大細郁係味生大食積呀！！食足大半日，好得人驚呀！！！

細郁學校秋季大旅行

16-11-2013（星期六）

細郁學校秋季大旅行的日子，秋高氣爽！

不是太熱太曬，溫度20-25°c 

郁家總動員一早9：00 跟細郁一起出發！

其實今日郁媽都唔多清楚會去邊嫁，通告只是話會去睇古跡，寫生，在沙灘野餐及有堆沙活動

上了旅遊巴之後，我才知道原來我地今日既行程是先到赤柱廣場寫生，之後再到舂坎角沙灘野餐及有堆沙比賽

大細郁當然開心頂啦！有得開工堆沙wo~~

上年都是細郁陪大細去旅行，今年倒轉由大郁陪細郁去旅行！

一上旅遊車第一件事當然係食早餐先啦，使唔使甘纏綿呀～～

食飽就梗係眠一眠

大約10點，我們就到達了赤柱，大郁紅tee+黑超強國look到達赤柱

細郁係甘易畫左張happy face 既畫之後，就衝左去附近的遊樂設施玩餐飽

10：50左右，我們就離開赤柱廣場，出發去舂坎角沙灘了

到舂坎角沙灘之後，位置都好辟靜，同圍好像無物車到甘

不過正因為這樣，雖然今天是星期六，但是沙灘也是比較人少，最多只有4-6位洋人在游泳

大細郁急不及待就去開工掘窿堆沙

我和郁爸則地而坐，坐完腰骨勁痛...

郁爸昨晚踢完波，之後又返了公司做野做到零晨3點幾才回家，今早8點又已經要起床陪細郁黎旅行，真的是有夠累的！所以把握著任何機會休息呢！

堆沙比賽開始，我地堆砌既名叫“建築地盤”，因為大細郁帶了很多建築車仔來開工

大細真是堆到無停手的

細郁也很努力用消防車剷d沙......

最後原來堆沙比賽的主題是海洋生物，大細郁的建築地盤完全離題，所以校長沒有評分呢！

玩到1：15左右，就開始排隊上返旅遊車回程了！

大細郁根本不想離開，我和郁爸唯有安慰他們說：下次我們再來玩吧！

說後，他們也沒有再扭計的了

回程的路上，郁家上下都在車上累極而睡！！訓到返到屋企，老師叫才醒

今次學校旅行揀在沙灘真是啱哂大細郁！！

開心到爆哂燈！！