我個仔見工呀

February 28,2006 我而家完全係好似一個媽媽的心情，阿文今晚會去見工，晚上7:00，希望各位屆時有空的話, 幫忙祈禱祝阿文順利！ 希望佢見得成這份工！希望佢入到呢行！希望佢在這行會有所發展！希望佢既事業會平穩起步！甘我地個家就會平平安安哪！ 今日同廠食午飯, D飯唔知係咪有藥, 食完勁眼訓！仲要係唔止我一個係甘, 係個個都係甘...好邪呀~ PIKKI佢地就好啦, 去峇里旅行, 我都好想去呀！祝佢地三個起行, 六個回來啦！但一定係擺完酒的事了....而家根本拎唔到多餘錢出來去旅行。

阿文練打字！

February 27,2006 為了作好準備, 我昨晚就要阿文練英文打字，最好的方法，就係開個打字GAME比佢玩。個GAME會逐個未逐個字彈出來, 你打口岩左, 就會 "登"一聲。他在練習其間, 我走去洗澡, 一路都聽到 "登.登......."聲, 甘我就知道佢有在練習。 點知我洗完澡, 阿文都唔識停, 一路打一路打。都打了成個鐘...之後就問我..."佢幾時會停嫁?" 我覺得好好笑, 因為佢一開始打就停唔到, 好似比人催眠左甘。剩係識問我"佢幾時會停?"好得意。

星期日都要返工....唉...

February 26,2006 雖然今天是星期日, 但由於隔離組的大客今日到訪, 本來是阿KEN STAND BY的，但礙於他有事今天不在香港, 故此要我返.....唉........ 值得慶幸的是, 今天返下午兩點, 都可以訓晏D, 同埋阿KEN主動比我昨天休息, 唔駛連返七日...總算佢有返D人性。 昨晚睡得不太好, 因為BARRY個度之前講過佢的EX. BOSS做COTTON KNIT廠的, 現在急於請人, 所以我就拜託他幫我問下哪, 我相信阿文係有能力做到一個跟單的！因為我會在背後全力的幫助你的！放心好了！ 最後, 只希望上天會給他一個機會！

唉~~

February 25,2006 我好想阿文可以轉到工呀！因為佢做清拆個d, 雖然係搵到錢, 但就好辛苦，而且又唔穩定！我希望佢可以轉到去阿華度做酒店，我覺得個度會有前景多d。再唔係, 入毛衣呢行都幾好！不過剛入行, 人工一定小好多，最衰就係我地今天要擺酒, 會駛好多錢, 如果得好小錢, 我地係支持唔到的.......真煩......天呀！你比d指示我地啦！我地倆小口子應該怎樣做才可以真正得到幸福呀？我只係想佢有份穩定的工作, 又唔係要求佢年薪過百萬。 **剛剛我打電話去渣打, 諗住問下戶口d野, 點知聽我電話的竟然是PIKKI~好得意呀~我仲諗好唔好拆穿佢呢 "你物係PIKKI~哈~~"但諗諗下又好似唔係甘好, 因為錄緊音嫁麻....所以我都冇甘做。但後來PIKKI都發現係我, 仲打返比我, 哈~我地真係有緣呢~~~~~

在晴朗的一天出發！

February 25,2006 每天早上，我9:05出門口, 落到街, 第一時間就係開著MP3的收音機功能, 聽903由林海峰, 杜文澤, 盧覓雪的"在晴朗的一天出發", 這個習慣, 我都維持了差不多半年了！ 主要是因為我很喜歡林海峰啦！所以才嘗試聽呢個節目。 每天, 他們都會說說那天報紙上的新聞, 然後討論一番, 令我對時事好似了解多左, 知道而家香港發生緊D咩事甘。我覺得感覺都幾好，仲多左話題同公司的同事講。而且佢地的氣氛好輕鬆, 仲有林海峰成日會講出一D野令我都忍不住笑的. 好似佢話D公公婆婆好易比人搵笨, 如果D人同公公婆婆講 "你唔裝SUN電視, 收唔到無線嫁給" D公公婆婆一定同你裝！真係好得意！ 而節目的中段, 有一個環節(萬佛朝中)的聲音專欄由潘小濤講出一些關於發生在中國裡面的事, 亦令我知道多一點。原來在中國大陸的孤兒院，由於孤兒都係無名無姓的, 甘院方就會幫佢地改名, 孤兒的姓氏, 就一定係 "國"或者係"黨", 甘樣, 人地一睇你個姓氏, 就知道你係孤兒。你說有多可悲呢.... 所以難怪香港人都怕大陸.... 所以呢, 我相信我係會KEEP住聽呢個節目的(限於要返工的日子~哈) 大家有興趣都可以聽下, 呢個節目係由星期一至五, 每朝8-10---903

觀音借富~

今天是正月廿六，是觀音開庫的日子，去年有向觀音借富的人，都必須在今天還富，同時間亦可就今年再向觀音借富。 而我和阿文，去年都有借富，所以就必須趁今天去還。但想不到的是，原來真的有這麼多人向觀音借過富。我們晚上11時左右到紅碪的觀音廟，已經多人到不得了！在附近的球場上打蛇餅，我們足足得了2個多小時，才可以入到廟！回到家都已經是3點幾了！不過冇辦法啦！有借有還才是上等人麻！而且今年都不俗呀~我和阿文各借到6千萬呀~~哈~發啦~~甘我地就唔駛甘煩啦