功夫大郁初次公開表演

大郁跟YY爸爸(愚生)學習功夫已有大半年的時間了。

以前大郁試過學游水，但他總是不能守規矩，所以老是被教練駡，令到他只學了幾個月就不肯繼續學。

今次學功夫，郁媽最初只是抱著試驗性可能是男孩子的關係，對於武術總有憧憬，學功夫時的大郁，異常地有耐性及恆心。

而且再加上愚師傅及幾位師兄著實對武術有20分的熱誠，對大郁這等頑劣也能包容及超級有耐性地教導。

所以學功夫是大郁首次可以長時間都仍然在學的一項活動。

今次，師傅佢地會係九龍公園的功夫閣表演。

於是，大郁都有份表演一下他學了很久的一套拳--通節拳

可能大郁緊張的關係吧！大郁表演到中段就忘記後面的動作了。

師傅們很利害的馬上拍掌幫大郁打完場。

就是這樣，大郁半成功的完成了他第一次的功夫表演了。

當大郁在打通節拳時，他的臉上看到的是由心而發的喜悅

這是大郁的功夫武台

各位師父師兄，多謝你們不辭勞苦的教大郁

我要的晴天

都已經數不清這個月下了多少天的雨...

間唔中有一天之中有一段時間沒有下雨，已算萬幸。

再加上這兩個星期發生了一些令郁媽很忐忑的事。

又令我將自己的心情跟天氣掛勾了。

總是悶悶不樂，總是提不起勁，總是事事不順。

幸好，郁媽從來不把心事收藏，總是會找人傾訴，講既次數越多，郁悶的感覺就越能減輕。

心情不好，就找一些開心的事情去做吧！

於是就先後捉左愚太同郁爸陪我睇戲，希望大笑一場!!

同愚太看的戲是“香港仔”，我們看完這套戲，發現這套戲沒有令我大笑一場，所以第二天，我又捉了郁爸陪我再看一場戲，這次是看“賤鄰50”，總算是可以滿足了我想大笑一場的願望。

今天，原本約了PIKKI , KELI 及KAR一起去公園野餐的，但是天氣又不穩定地下起雨來了，野餐計劃被迫取消，大細郁的戶外活動機會又泡湯了。

PIKKI 及KAR改行程到我家, KAR的仔仔 （嵐嵐）

真的長大了很多，跟KAR好似樣! 雖然只是一歲多少少，但說話能力頗高呢，已能說出很多字!!勁!!

大細郁加埋嵐嵐，三個男仔，令郁家比平時還要熱鬧。

後期連大細郁的堂妹豆豆也來了玩，簡直係熱鬧得像遊樂場。

熱鬧過後，郁家回復平靜。

天氣報告說下星期又是連續一週下雨的天氣....

還要等多久，我要的晴天才會再次出現!?

雷公雷公 go away please!

一連幾天，雷公總是在晚上大細郁準備入睡的時間黎。

搞到細郁就哭，大郁就we 嘩鬼叫!
根本無法像平時一樣入睡。

大細郁仲乘機要求睡在我的床上，還要我或郁公在房內待命，幫佢地按住耳朵。

平時大細郁睡覺都不需要我們照顧的，一到9：30，大細郁入了睡房，我的自由時間就正式開始。

可是，這幾天因為行雷的關係，他們都要我留守直至他們都熟睡了才可以離開。

很欠不用陪睡的我，十分不習慣。

大郁昨晚突然提到一樣野我又覺得幾有創意wo .

大郁話d閃電好似影相個d閃光燈，所以問我雷公係咪係出面影緊相 (￣∇￣)

我想一想，又真是幾似出面有人影緊相甘。

晚上開始的行雷，嚇到兩個痴埋一齊

大郁仲話保護細郁，叫細郁唔使驚

如果平時佢地都是甘相親相愛就好了！

第一次參加麥當勞的blogger gathering

之前聽愚太講間唔時麥當勞會搞一些event, 然後就邀請一些人氣bolgger參加，志在做網上宣傳。

今次因為愚生唔得閑，所以愚太就叫我帶埋細郁一起去玩下。

有得食，有得玩，細郁當然welcome 啦！

細郁同司儀姐姐合照，因為今次的主題是馬里奧，所以姐姐都學馬里奧貼了鬍子，細郁覺得好奇怪啊，為何姐姐會有鬍子既!? (╯з╰)

場內有馬里奧公仔氣球，細郁好喜愛呢！

對於小孩子來說，麥當勞的開心樂園餐簡直是他們的至愛!! 名副其實的有得食，有得玩。

今日大郁由郁爸帶去武館練習，所以細郁就玩埋大郁個份啦！

Wah~~大會仲送左一套8 件5月中才有得換既馬里奧玩具比愚太，大細郁都各分到一個玩具，開心死了！

因為YY好驚這些大公仔，所以細郁代YY出去拎獎及拍照。

今年復活節是休養生息地渡過

復活節假期正式開展，雖然大細郁學校是放10日假，直到28號才上課。

不過郁爸郁媽並沒有安排旅行呢，每天都好悠閒地休養生息地渡過。

訓醒左，就帶大細郁去就近APM食個lunch，之後行行街，甘就過左一日了。

我諗對於大郁來說，最特別的，應該是郁爸買定了星期日早場0905，美國隊長2的戲票同大郁睇。

實在太好了!郁媽一向不太嗜睇這些英雄電影，而家終於等到大郁長大到可以陪郁爸去睇了!! 

我諗大郁起碼到中學前都會肯同郁爸睇戲吧! 

×。×

星期六，陽光普照，我們就去了我們近排很喜歡去的與世無爭公園。

今次我地又係約埋愚宅，豆宅一齊去玩

這裡就算是公眾假期，都唔怕會迫爆人的，

你想點玩都得，因為我地包場甘

而且，通常郁媽同愚太都會準備一些零食比小孩子野餐，開心死大細郁!!!

玩完，野餐完， 都係6點左右咋，都唔知食唔食晚餐好。

但詢問過大細郁意見後，佢地話仲食得落wo, 於是我們去了大本型，求其搵左間唔使等位的餐廳，隨便吃過晚餐就回家休息

呢間餐廳門前有架綿羊仔供人拍照，大細郁又點會放過!!

似模似樣，有形有款甘呢！

細郁好enjoy 呢！

由於是復活節的關係, 所以商場也有很多以復活節做主題的裝飾.

第一次差D收唔到細郁的母親節禮物

其實自從做了媽媽之後, 就知道每年的母親節, 幼稚園都會要小孩子做一些小禮物送給媽媽.

而甘多年來, 大郁都一直好乖甘送"這份"禮物給我...

到今年細郁都讀幼稚園了...我發夢也沒有想過我"這份禮物會比左其他人....

所以當我知道細郁話佢將禮物送左比姐姐之後, 我第一個感覺真係好唔開心嫁~~!!
跟住就好嬲.

這是我專屬的禮物, 怎樣可以落在他人手上呢~!?

大郁以往每一年送給我的母親節禮物, 我都有好好保存著的.

這個情況, 真是很尷尬的.
大郁回到家後, 替我抱不平, 叫姐姐比返條鍊我...
但其實姐姐是無辜的麻, 姐姐都唔知道這是母親節禮物...

幸好, 姐姐也問了一句: 係LU, 點解學校會叫細郁整呢D野既?

我就可以順勢話返比姐姐聽:因為母親節, 幼稚園都會叫小孩子做一些小禮物送比媽咪的.

姐姐聽明白了, 就將禮物交返比細郁, 叫細郁要送比媽咪的..

就係甘樣, 我先可以收到這份珍貴的母親節禮物...

所以, 各位媽媽, 千萬別小看這份禮物, 當你收唔到的時候...你會有跌落深谷的感覺呀~~~