YY HAPPY BIRTHDAY 33333!!

好開心呀！YY請我地去生日會呀！

大郁今天整天也這樣跟我說。

今次YY的生日會在一間play group學校舉行，而且最巧合的是，YY 之前返play group的老師，就是當年大郁的幼稚園英文老師Mr Kevin。

之前愚太(YY媽媽) 發現Mr Kevin以前曾經在大郁讀的幼稚園教書，於是問Mr Kevin記唔記得當年教過的學生。

Mr Kevin都老實地說未必記得哂所有學生的名字。

不過當愚太提到大郁個名，Mr Kevin就對大郁好有印象，因為大郁出哂名active(=naughty!?? )

郁媽都明白，通常老師只會記得兩類學生，就是最頑皮及最乖的。

所以今次生日會，除了有得玩有得食之外，仲可以同Mr Kevin重逢呢！

由於共有14位不同年紀的小孩子，大郁屬於最年長的那個，其餘的小孩子大多2至3歲左右。

所以場面都幾混亂嫁! 

最混亂既場口，莫過於唱生日歌，吹蠟燭的時候。

個個小孩子都以為今天是自己的生日會，大家都爭住要吹蠟燭，所以支蠟燭要重燃了好多次，以滿足小孩子們吹蠟燭。

其他的遊戲都是由Mr Kevin 帶領的

玩搶地墊

作為小孩子，一定開心到不得了！

因為每位小孩子除了各有一份禮物，大郁的是恐龍圖書，細郁的是恐龍字卡。

除此之外，每位小孩子都有一個超級大的汽球拎走!

大細郁玩到唔肯走，我要請郁爸特登過來捉大細走。

走時跟YY及愚太影合照。

在此再祝多次YY生日快樂!!身體健康!!快高長大!!聽教聽話!!!

郁家Family Shooting by Rebig stlying

今日郁家參加了REBIG FAMILY SHOOTING

地點在郁家近期喜愛的牛池灣公園

郁家上一次影家庭相，是細郁剛剛滿1歲，而且在室內的，所以都唔覺得有困難。

事隔兩年，再與大細郁去影家庭相，再加上今次係影戶外，真的覺得好困難呢！

因為大細郁長期唔肯企埋一齊，各自各地掛住玩

大郁向左走，細郁向右走

這些都是一些花絮照片，大細郁玩得好開心

這裡有罕有的秋千玩

細郁比大郁大膽小小，大郁小時候很害怕盪鞦韆的

郁媽帶了史迪仔bubble 機

這個是甘樣玩既咩

細郁交戲

大郁擺post

找亮點，有人又哭

玩樂中拍照，一舉兩得

以下相片就是攝影師哥哥所捕捉到的郁家。

細郁盪鞦韆比大郁大膽

呢個架好似唔係甘玩嫁wo

要大細望鏡頭真是好難

我的寶貝細郁

跟郁媽係味好似樣呢！

難得的齊人家庭照

郁爸與大細郁

今日真是玩得好開心呢！又可以順便影埋家庭照。

確實是美好回憶留影!

細郁學校參觀恐龍

3月10日星期一的早上，細郁學校舉行親子參觀科學館的恐龍展覽。

雖然之前我已單人匹馬甘帶大細郁去睇過這個恐龍展覽，不過今次是平日跟學校去，應該小人D, 睇得開心D。

早上930就係學校附近的籃球場集合，等齊人的時候，已有同學仔送左一包好健康既蘋果片比細郁。

上左旅遊巴之後，老師向家長們簡介今天的流程，之後就叫家長們可以稍作休息。

於是郁媽便準備小睡片刻，但郁媽一閉起眼睛，細郁就馬上跟郁媽說: 媽咪，唔好訓啦！落車啦！

旅遊巴才剛開出，邊有甘快就到呀！細郁又係度整鬼郁媽了！

細郁記得上次跟大郁黎過呢度，所以細郁好熟悉地知道哪裡有東西玩。

這是細郁至愛之一， 砌積木

另外就是這個

今日明顯比上次小人好多，所有野都唔使排隊就可以玩到，而且仲可以玩好耐，因為後面沒有人跟隊。

去到恐龍展館，細郁開頭仍然好驚甘大哭，係甘話要走。

郁媽鼓勵細郁，男仔要勇敢!! 堅持留係館內，無離開到，用了小小時間去適應，細郁就習慣了館內陰暗的氣氛。

我們在館內逗留了個半小時左右，到12點就要到大門口集合並準備回程了。

細郁始終最鍾意在大門口超級大隻的長頸龍(梁龍!?)

叫細郁笑笑影靚相，細郁又黎搞搞陣 ~-~

在等集合時，大家都坐在石极上排排坐，食零食

 郁媽沒有預備任何小食，不過細郁都一樣有好多野食，真是有點不好意思。

回到藍田，我們再吃Pizza hut lunch才回家睡午覺。

同細郁去參觀，仲累過返工呢！

大郁的功課進步獎

昨天我忍唔住打了電話去補習社度了解。

我直接了當的問補習老師，大郁是否不適合小組形式的補習班。

補習老師就回應道，其實都有發現大郁在補習時是比較容易分心，不過情況又不是很差那種，而且始終可能是未適應，所以才會無法在補習班裡完成所有功課。

所以，都建議我們比多小小時間大郁去適應。

郁媽同意，不過由於下星期是大郁學校評估，所以先安內後攘外，下星期評估期間，補習社個邊暫時請假，由郁媽親自再跟大郁溫習!!

其實今次真的是令郁媽感到很內疚，因為我送大郁去補習社，唔係因為郁媽無時間教(雖然係辛苦d, 但郁媽大多可以安排到每天6點前回到家教大郁),主要原因是郁媽有時候不懂得教大郁做功課，例如而家大郁數學減法，是要運用到"借一當十"甘去計的，我真的唔知道要點樣解釋比大郁聽。

於是，我想補習班老師始終有多年教授經驗，一定有方法可以簡單化地說明"借一當十"的道理。

不過我就是算漏左大郁分心這一點，而且我更天真地以為補習班老師一對六人會勝過郁媽一對一。

點都好，過了學校評估，我想讓大郁試多一個星期，看看效果是否仍然苦不堪言，如果還是的話，就唯有照返以前甘樣，由郁媽主力跟返。

正當郁媽灰灰的時候，回到家時，大郁告訴我學校老師頒了一個 "功課進步獎"比大郁，大郁超級開心，仲叫郁媽扮演老師，重演老師頒獎給大郁的情況!

這個獎對大郁來說確實是一個很大的鼓勵!!

希望大郁繼續努力，甘我就唔使甘煩惱哪!!

Outback 保齡 親子賽

郁爸整個二月的星期六及日都要開工，所以好難得揀了昨晚 Happ Friday, 去吃我們超級喜歡吃的Outback!!! 當是慰勞整個2月都要開工的郁爸!!

呢個Outback包包，郁家上下都好鐘意食呀！

而且份量又好足，通常郁爸郁媽各自點一個扒餐，再點一個兒童餐給大郁，我們四個人便可以吃得好飽好滿足的了!!

伴菜中，我們都喜歡點甜蕃薯，因為真的好甜好好味呀！

我仲同郁爸講，唔知下次可唔可以兩個伴菜都要哂甜蕃薯既呢！?

如果可以比兩個包包我地就好了!! 

同個飽都影一大爛餐，證明郁家上下真心喜歡outback! *.*

食飽飽，大郁又記得之前係呢度附近有玩過保齡球。

我地便一起即興去了look ling啦！

大細郁都勁興奮呢！!

郁爸特別請保齡球場姨姨幫我地條lane做左少少手腳，令到個波係唔會落坑的!!

大郁好似有姿勢甘，其實無實制嫁，

佢都係求其掟個波出去，頭幾次係就甘掟，

有掟爛條lane既感覺，後來大郁跟郁爸教練甘做，就無再掟爛條lane, 都可以推個波出去了！

快速推~~~

細郁則是慢速推，，，個保齡球去到尾段約需3分鐘，，，，，

雖然郁媽唔明點解大細郁甘鐘意打保齡球，但是無所謂啦！最緊要開心咋!!!

亂碌之下有個補中，大郁開心到彈起!

好彩今日係星期五，明天唔使返學，因為都玩到成11點才回到家呢！成班爛玩精!!!

大郁返左補習班仲衰多二錢重

其實由3月3曰星期一開始，大郁就返了功課補習班， 下午5：30 -7：30。

之前郁媽還滿心歡喜"終於唔使嘔血，有人幫忙睇住大郁做功課了！^_^"

點知，原來返補習班，是惡夢的開始～

平時由郁媽陪大郁做功課，5點開始做，點都可以係7：30前完成所有功課，溫埋書，跟住食晚飯。

今日是返了補習班的第三天，郁媽就黎支持唔住了！因為大郁7：30補完習返黎，大約只能完成功課的一半，還剩下的一半，唯有吃完飯後才繼續。

8：00吃飯，開盡馬力全速吃飯，最快都要8：30才吃完。

然後立即繼續做功課，做到9：45才正式完成所有功課。

由於明天有英默，星期一及二都根本無時間溫，所以今晚是最後機會，唯有盡人事略略溫一溫，但求僅僅合格（因為默唔合格好大鑊嫁，要將整篇默書的範圍抄三次嫁！大郁每次見到那張改正紙，4版滿哂甘，都同我講唔想做的！）

最後到10：30才可以去沖涼訓覺，平時大郁晚上9：00就去刷牙訓覺的了。

去了三天補習班，就困擾足我三天！再係甘樣落去，我諗我好快有精神病！

下個星期又黎評估了，照甘樣落去只有死路一條！

看來，郁媽真的將一切都看得太簡單，太理想了！

活躍兒大郁

郁媽今天的心情，就跟今天的天氣一樣，雨陰陰，灰灰黑， 有點忐忑，不知如何是好甘。

事緣大郁去年曾在健康院做了一次評估，醫生認為大郁有過度活躍症及讀寫障礙的初期特徵，故把大郁轉介到聯合醫院兒童精神科跟進。

排了整整一年有多，今天是第一次到聯合醫院見醫生.

醫生詳細地問我大郁的情況及跟大郁做了一些測試。

醫生結論是，大郁的確有過度活躍症小孩的特徵，但肯定不是嚴重那種，醫生說除非家長要求，否則都認為不需要用藥控制。

因為隨著大郁慢慢的長大，他固執的個性已有很大的好轉。

最大的問題主要是專注力差及社交能力差。

相信專注力大家都會知道是什麼啦！

至於社交能力又是什麼呢！？

其實簡單d講，話大郁社交能力差，意思就是說他不懂看人眉頭眼額，不懂看人臉色。

大郁不明白他拍同學仔個書包，會令到同學仔唔鐘意，唔想同大郁玩，但其實大郁無惡意的，他只是一心想撩同學仔玩。

呢d就是社交能力哪！

這兩方面，可以透過行為治療去改善。

另外，郁媽為了特別的大郁，在學習方面，也算是想盡辦法的了！

例如對付大郁專注力不足這方面，郁媽跟大郁做功課時，就會較30分鐘的閙鐘，每做30分鐘，就會休息5-10分鐘，這樣真的很湊效！

另外，同大郁溫英默，我們會以玩串字遊戲形式，這樣反而讓他容易記住。

而且，每收到學校派的工作紙功課，郁媽都會先把工作紙scan入電腦，每到學校評估前的一個星期左右，就每天逐點把工作紙當練習的給大郁做，這樣反而容易令大郁入腦呢！

大郁，你要努力，繼續進步呀！！

大郁在學校收到三角形是平常事（20個三角形就會記一個缺點），不過，大郁也有很多時候會拎「剔」，可以用來抵銷三角形。

這天，大郁就連攞兩個三角形哪！～.～

仲要係衰打架tim。

我就請大郁解釋一下哪，聽完大郁既解釋，郁媽不但沒有生氣，還覺得大郁都幾可憐。

事情是這樣的，本來同學仔是小組形式坐的，但我估大郁時常騷擾同學仔，所以被老師搬到最後一個單丁位獨個兒坐，而且座位旁還刻意每邊放一限大椅子，同來提醒大郁不要在課堂時離開座位。

我能想像到大郁對此一直耿耿於懷，於是大郁使奸計，引同班裡一個都是班中出名較活躍的同學仔出位，目的是想老師也放兩張椅子在那位同學的座位旁邊。

這是大郁親口向我承認：我想引張XX出位lo,甘老師都會放兩張椅比佢。

呢個大郁，真是有排教⋯⋯