模特兒日

May 31,2006 現在是上午10:36分, 今天我比平日都早, 8:55分就到公司了！(平時我大約要到9:40左右才返到公司的) 大家都歡天喜地享受端午節的假期，但是可憐的我, 今天就要回到公司做模特兒試FITTING。 我現在別無他望，只望我可以快點試完FITTING, 快點離開, 那麼我都尚有半天的假期可以擁有~~~ 再加上今天的公司沒有冷氣, 而我試的衣服又都是A/W 款式, 大都是長袖款, 有些更加是高領款....真的有點熱呢..... 昨晚到阿文那邊做節, ANTIE已經幫我地擇了過大禮及出門的時間了~大家係咪好緊張呢~係咪驚出門時間會好早呢~~甘各位姊妹兄弟們就須要好早好早出動呢~~~ 過大禮日期為1/11/06 出門時間為21/11/06的早上11時(阿文隨即話那天只會在10:45才會到女家接我呀~~, 唔比時間我地玩佢地呀) 好緊張呀~只剩下大約半年左右咋~~~

UNY之旅

May 27,2006 其實我一直都好小到港島區行街, 但見C TING, 晴晴同表哥仔都在, 所以立即要跟埋佢地一齊行街街~而今次, 我地就係去左太古城行UNY, 今日我除了買了一些我覺得好有用的廚房用品之外, 我還好似做了一天的實習媽媽一樣，以下是我就今天所學到的東西： 作為一個媽媽, 帶BB有以下各要點是必須要注意的： 絕對不可帶側"咩"袋, 必須帶背包，要抱起BB時咩側袋會十分之狼狽。 BB車必須十分穩固！因為好多時上樓梯, 落樓梯都會鄧住甘上或落, 如果部車弱DD, 甘鄧法一定好易成架散哂！ 稍為低領口的衣服都唔可以穿！湊BB好多時都要烏低身, 領口稍低都會走光的！ 必須要JOIN麥當勞的麥樂會。因為裡面有好多活動都係可以一家大細一齊參與的，好適合小朋友。 若果你的小朋友是男生, 而且出街都冇穿尿片的話, 甘就可以帶備一個膠樽幫小朋友小便, 唔駛下下都要搵廁所。 最後, 其實, 同BB出街最好避免一個人, 因為真係有點難應付的, 就算是應付到, 都會好狼狽的。所以, 最好出街都係同先生一齊先好出去。

$165 兩個人 MARCO POLO 自助餐

May 26,2006 昨晚即興的借了TONG小姐的優惠卡去了尖沙咀廣東道的MARCO POLO HOTEL食自助餐~~勁正~~~ 大酒店果然就有大酒店的水準~都算好多野食~~仲好好味TIM~~~而且我地兩個人埋單, 都只係165元~~~呢個價錢, 就等於我地去了富良野食左一餐甘上下，但今次, 我地係食左勁多野~~~好開心~~ 最推介的當然是三文魚刺身~~每一片都勁大片~入口即溶~~~滿足度100分~ 仲有自己做的綠茶夾餅都好好味~~~我食左好多好多野~~ 好飽好飽呢~~~~ 飽的感覺真係好幸福~~~~今次仲係超幸福~~~~

21/May/2006 阿德 & 阿鳳 大婚之日~

May 22,2006 原來阿德同阿鳳小學4年班已經認識的了~~~很利害呢~~~~~!!!看到他倆結婚~真的覺得這個世界真美麗~真好呢! 阿文這天是兄弟中的LEADER！雖然前一晚他感冒到發緊高燒, 但我不斷叫他去看醫生, 他都不依。因為他覺得吃完醫生開的藥, 成個人都會好散，怕第二朝起唔到身做唔到兄弟。 他寧願忍苦, 喝了我幫他煲的合仔茶。晚上睡覺時, 一時發冷, 一時發熱。 發冷時, 要我開多張棉被比佢。 發熱時, 就要我幫佢抹汗。 成晚, 我都冇得睡。 早上8點, 阿文強要起來預備出去做兄弟。 我最少說了三次 "真的不舒服的話, 不要逞強！" 但他都沒有聽我的勸告, 趕快的把西裝穿好，打上領太就出去了！ 而我呢, 就返回睡夢之中~抖足精神~下午6點, 接埋腹大便便的EVA, 就去會場！ 見到阿鳳，真的很漂亮~~果然~新娘永遠是最漂亮的！！沒有人能夠搶到鏡呢~ 婚宴中, 阿德向賓客說 "這個婚宴, 籌備得好辛苦......好多謝各位!" 就說不下去了..雙眼通紅。 我特別感受到這句說話的意思，對於這個婚宴, 阿德同阿鳳都唔知嗌左幾多次交先攪得成！ 要籌備一個婚宴, 真的是一件很巨大的工程! 阿德同阿鳳終於完成這個艱辛的PROJECT~可以放下心頭大石啦~~~ 26-05-2006, 他們就會帶著幸福, 去韓國渡蜜月哪~~~ 在此恭喜他們~百年好合~~終生幸福~~~~正如新老爺話事計, 當年, 5蚊一斤米....以下省略...最緊要~~~~快D生番個BB~~~甘樣, 就祝埋佢地年生貴子哪~~~

其實, 都有工作壓力嫁,,,

May 18,2006 今天上司又上了大陸, 只有我一個人應付D太后同客入來的E-MAIL。我估細太后都唔係好頂得我順, 因為我寫的英文MAIL次次都比佢改到九彩甘....點樣先可以寫好呢DMAIL呢...... 我今天突然都感到有一股工作的壓力.... D廠唔聽話, 我地都未話OK, 佢就偷步做左貨.但個客又改尺寸WOR, 真係搵到我地黎攪。一係呢, 就係做辦時話明件衫要做紅色, 佢偏偏同我做了綠色. D客唔合作, 催勁耐都唔肯覆野, 一係就改黎改去, 改到頭到暈...點跟呀.... 自己已經好多野要跟, 仲要睇埋阿葉同阿KID, 阿KID都好D, 真係幫到手. 阿葉...睇小眼都會出事！ 基本上, 係邊一方面有疏忽(包括我上司), 都梗關我事, 都梗係我的錯失... 甘係我辦事能力唔夠,,,定係我地內部的SYSTEM唔得呢,,,,定太多野兼顧呢,,,,我都唔知,,,我只知我冇得揀,,,一定要做,,,,, 但係, 老闆呀,,,你係咪唔記得左,,,我只係入左行5年的人, 講年資, 只可以說是個M.... 你們夾硬要升我做SM呀, 但我的經驗同能力可以做到SM的工作嗎?如果真的做到的話, 我人工就唔係呢個價啦~!!! 唉~~~~~~~~~~~~~~~~~~~~~~~~~~~~ 而家只有長嘆一聲無奈~~~~~

大家都肚痛~辛苦哂...

May 09,2006 阿文昨晚差不多成晚都在廁所渡過, 我的肚痛病傳了給他.... 今日中午, 我都唔敢食飯, 我只吃了皮蛋瘦肉粥, 希望清一清腸胃。 腸胃是清到, 因為我整個下午都沒有肚痛, 但是, 正如阿CON所講, 自己知自己事, 一碗粥, 我又點會飽呢。 果然, 唔到4點, 我已經好肚餓了。 雖然這兩天阿KEN這兩天都不在, 我有點忙, 但難得的卻是, 耳根清靜~~可以好好的做好手上的東西~~ 而且可能細姐的心情不錯吧, 對我的態度都幾好~ 但, 始終有阿KEN係度會好D...好多野都唔駛我自己做！ 阿葉今天終於回來上班了, 但成12點先返, 激到身在上海的阿KEN勁嬲, 仲係大太后面前進言, 令大太后震怒地說了一句 "我真係忍無可忍了~他已經成日遲到嫁啦~~" 佢地甘嬲係有原因的, 因為阿葉唔理而家呢段時期係幾甘忙, 決意請假就係為左去旅行, 仲只係前幾日先通知. 已令阿KEN不悅嫁啦, 點知係佢未返黎期間, D廠不斷在大太后及阿KEN面前說阿葉好多野都不清不楚, 5月20日走貨的, 都未比D價錢牌人~剩係交低比BENNY數, 又冇話比佢知應該SEND比邊間廠, 邊D要寄先....... 所以, 佢地就好嬲哪, 阿KEN仲話返來一定會責罵阿葉. 其實, 阿KEN有邊日冇罵過阿葉先心息?如果阿葉走左...甘佢D野物要我做.....唉.....大家都係冷靜D好... 雖然阿葉又真係爭唔落..... 而家公司個局勢好緊張!!!

晚飯痛

May 07,2006 唔知點解, 呢幾日, 一食完晚飯, 坐定左, 就會有肚痛的感覺.....本人覺得十分之奇怪...呢個現象維持了好幾日了... 一想起明天又要返工, 真係覺得好慘,,仲要阿KEN明天會去上海, 得返我一個應付最煩的那個太后....一諗到呢度, 我就知道呢一個禮拜係唔易過的.....要打起十六分精神先掂... 阿KEN唔係度, 所有比客人的MAIL都要由我作,,,最煩就係呢樣野...希望唔好甘難啦....我作唔掂嫁.. 仲有, 希望大太后唔係度, 細太后會一如以往甘懶D, 懶D, 再懶D~小D返公司, 就算返來了, 都早D走~~~~~唔好留係度就好啦~~~~ 希望上天保佑我啦~~~~

急速成長

May 06,2006 今天是假期的第二天, 昨晚睡得很好, 直到阿文2點收工打電話回來我才醒來~ 昨天是完全的在休養生息, 我們都沒有踏出家門一步. 連晚飯都只係叫外賣. 感覺上充足了電一樣, 今晚就想搵人開局哪~~ 昨天, 中學的舊同學螢螢打電話比我, 原先只想告訴我, 1月份佢結婚時的相已經哂好, 睇下幾時有機會把相交比我, 但就比我纏住佢講了好耐~~哈~~~她做了我的婚前輔導員~~真係要特別嗚謝她~ 距離11月越來越近, 緊張的心情就越來越強, 螢螢不斷叫我不用緊張, 因為她說她當時都跟我一樣, 好緊張, 但事後向後望返, 就覺得都不算是什麼一回事~ 我都好贊同她的說法, 好像以前會考時, 求生不得, 求死不能~但現在想起來, 這都已經是差不多成10前的事了. 都真的不算是什麼一回事哪~~ 唯一慶幸的是, 當時我的確有盡力做好了！ 我沒有負了老爸, 老媽對我的期望~ 因為我的努力, 現在才會那麼幸福~ 有工作, 有家庭, 有阿文~ 上次FIONA說, 在2001年, 我們一起在POLY畢業的時候, 她們都覺得我是最細路女的一個, 更加為我擔心這樣一個細路女, 點樣係出面險惡的社會生存呢~ 這都是因為, 在POLY時, 我時常都係最唔定性, 成日比人鬧的一個: YOYO你留心D聽書啦~唔好掛住傾計啦!! YOYO你TAKE多D NOTES啦~~唔好掛住玩啦!! YOYO你食飯食快D, 唔好掛住講野啦~全部人都食完, 爭你咋!! YOYO你唔好甘低B啦!! 但到左今時今日的YO, 連FIONA她們都不得不承認, 我急速成長了~ 懂得用普通話鬧廠~ 要談婚論嫁了~ 有自己的家了~ 懂得煮一餐飯了~ 計畫生BB了~ 短短5年, 就有這麼大的轉變了~

完美的家~

May 05,2006 我昨天真的有覺得而家的屋企絕對已經成為一個完美的家了~~ 在一個小小的400尺單位裡面，應有盡有~ 有麻將桌及麻將, 三五知已, 當然可以麻將耍樂啦~ 有PS2, 這個主要都只有阿文玩, 我之前只用來玩過戰國無雙, 熱潮淡卻之後, 主要用家又變返阿文, 佢玩來玩去都只有一個GAME, 就係WINNING..... 有DVD錄影機, 就算好似我昨晚成9:30先下班, 回來一樣可看到火舞黃沙。 有寬頻上網~就算唔夠腳, 冇人同我打牌, 都自己可以上網搵腳打牌~~ 昨晚亦新裝了有線電視, 因為就黎世界盃, 我一直都知道阿文佢好想好想好想好想裝。 昨晚剛好有推銷, 有優惠價錢, 所以我才批准裝有線。雖然他扮到極到無所謂, 但我是看到出他真的好想好想好想好想裝！ 他的喜悅, 是無法掩飾的。 因為, 昨晚一裝完, 佢訓訓下都要竄出去看電視, 我穩約聽到足球旁白的聲音就入睡了, 到天光時, 半夢半醒之中才聽到關電視的聲音. 傻的都知道他真的很開心啦.. 我想阿文知道, 其實我都跟他一樣, 都覺得自己的工作很悶, 很煩, 很討厭. 但就因為有這份甘討厭的工作, 才可以帶給我們一個完美的家！

黑暗時期幾時先過去呀~~~~

May 01,2006 我都成個星期沒有寫日記了...因為...這個星期實在太忙了~ 每晚都成8點幾先走得...累到死~~~~畫圖畫到隻手勁累....好似唔屬於我甘....幸好有五一勞動節的假期, 如果唔係, 都回唔到氣~~~ 之前. 我曾經立下誓言, 若果我中左六合彩, 我一定會將1/3捐出來慈善的~~哈~我已經履行我的諾言~~ 我早前中了3個字, 有得收20元~甘我星期六個日就買左7元旗仔哪~ 我相信個天係度試緊我會唔會守諾言~ 甘遲D, 我就會中到六合彩的頭獎嫁啦~甘就會有多好多人受惠嫁啦~~~ 新屋呢度D風水都應該幾好, 因為, 我都係第一次中到3個字, 有得收錢嫁咋~~