青年就發福

這就是阿汶發福想像圖

實習媽媽, 第二回PASSED~~

星期六, 我跟C TING, 睛睛及C TING的媽媽一同去看租盤，由塘尾道行到去南昌街~~睇了好多間屋~~

其中一個單位就是我們家對面附近的單位正在放租~~如果佢地真係搬係個度住~甘我就可以天天都見到C TING & 睛睛啦~~~~

最重要的是~那天我又做了一整天的實習媽媽~~今次連C TING都說我在控制BB車的技巧熟練了~進步了~~

還有的是~我成功地協助睛睛去洗手間~~實在太有成功感了~~~


星期日的零辰4:30分, 阿文才收工回來~一臉的倦容~他決定放棄到屯門參加妹妹的生日會，只由我做代表！

唯一可惜的是, 又要見到傑傑的現任女友--黑面神。
但都沒有影響我愉快的心情~~


以下是很攪笑的照片, 請看後評分:
收禮物真開心~~~


在這幅照片裡面那個枕頭是唯一幫助到傑傑免受拳打腳踢的保護物~~小朋友總是在睡覺的時候耍功夫~~

難得優閒星期六

August 26,2006 由於我星期一請唔到假, 我堅持今天唔返工, 因為之前兩天我都實在太累哪... 阿文在星期三及四要開夜, 兩晚都12點幾才回來！ 而返到黎佢又好肚餓, 第一晚佢就買了兩份蒸腸粉返黎食。第二晚我整了鑊仔pizza比佢食, 點知佢食完都唔飽, 仲要煮多個公仔麵比佢食, 煮完都成點鐘... 我有信心, 佢好快會變左個肥仔！ 終於等到今天可以睡個飽~~真係好久都未試過睡得甘滿足哪~~~ 今天呢~~哈哈~我又約左C TING & 好可愛的睛睛啦~~~我今天陪佢地去睇樓~~好開心~又有得見到睛睛啦~~~

好擔心請唔到假..

August 25,2006 我一早已經在阿KEN的月曆上MARK左我28/08要請假的了！
但我就未入假紙給大姐，諗住今日入紙嫁哪, 點知今天竟然傳出所有男生於下星期一又要總動員返大陸查貨。
所以我好擔心大姐唔比我請星期一呀...... 因為我公司好煩嫁, 如果阿KEN唔係度, 我就一定要係公司...... 好討厭呀~~

郁媽愛畫

August 24,2006 這是今天用MOUSE畫的作品~~~我的至愛~~海盜~~~哈~
我由細到大都好鐘意畫畫,
細個時, 屋企幅牆比我畫到花哂。
中學時最鐘意就係老師在講書, 我就在書本上空白的位置畫滿公仔。
那時每次的壁佈設計都一定有我做主力的！
陸運會的班旗都是由我包辦的！
學校裡什麼圖書封面設計呀, 什麼設計呀, 我都會參加。
主要都不是想話得到什麼獎哪, 只是因為我喜歡畫畫。
中五的時候, 本來好想讀C班的, 因為C班有得修美術。
但C班是理科, 我數學差得很, 根本冇可能讀理科。
唯有接受現實, 讀文科的A班。
但我沒有放棄, 我跟教美術的老師關係都唔錯, 所以我請求佢比我以自修生的名義比我在會考考埋美術科。
我每個星期就由老師給予一個主題, 畫一幅素描給老師評分。
通常都會比她踩一輪，之後就要再畫。
每個星期都是這樣。
直到會考之後, 我真係好威水呢！
雖然我是以自修生的身份去考美術, 但出來的分數竟然高過哂C班主修的同學仔！
令到那位美術老師於下一年都唔敢再教自修生....
但出來工作之後, 都好少時間可以拎起支筆畫畫了,
但今天, 竟比我發現原來有電腦畫板呢樣野~~
我即刻就好想要啦, 好似好好用!
因為用MOUSE黎畫畫真係好難呀........
http://www.hklifestyle.com/product_info.phpcPath=21&products_id=29&osCsid=edeee9712063bcc62b3dba83cd2bc5ea 但最平都要HKD499.00, 我唔捨得買呀.....太貴了.......... 如果比我中到六合彩我就會第一時間買左佢~ 我真係好想要呀...

暑假結束了

August 23,2006
明天開始, 法國那邊的AGNET就開工, 他們放完暑假了, 亦等於我們的暑假結束了。
明天將會一切變回正常, 每天都要跟客人對答E-MAIL。
要追辦, 寄辦, 度辦...... 晚上只得我一個人留在家, 因為阿文為這個家很努力的在外面工作, 要到成12點左右才會收工。

為了支持他~我為他做了一個愛心飯盒, 好讓他明天有飯帶返公司做午餐。
順便亦做了我自己一個人的晚餐....... 吃完飯 , 就是做運動的時候, 洗碗, 奄豬扒, 吸塵及拖地。 做完這些家務之後, 就好像做完高溫YOGA甘, 出哂汗, 唔知甘樣有冇減肥我作用既呢？(因為基本上我平時好少會出汗的) 真希望阿文能早點回來呢, 想打電話比佢, 又怕會阻住佢做野。 最後都係決定乖乖地等佢收工的電話。 希望電話快點響吧！

註冊一週年！

August 21,2006 話甘快, 又過了一年了！上年的今天, 我跟阿文就在紅棉道正式註冊成為合法夫妻~阿文從那一天開始就成為了我的合法丈夫哪！ 而仲有三個月, 我地就要擺酒哪！時間越來越迫近, 心情就越來越緊張啦！ 我以我的恆心與毅力，終於比我要求到係新天地度比我將一套晚裝cancel改返多一套男裝！現在我係有3套晚裝, 1套婚紗, 1套掛共5套。 而阿文亦由原本只有一套男禮變為有兩套男禮哪！總算合理返D啦！ 好開心呀!因為原本轉款係要收500元嫁！而家終於括免左！但新天地個度真係好鬼嚴...我原本已打定輸數嫁啦...點知終於比我講到！ 而我媽咪租晚裝個邊, 我地星期六再去同佢揀過, 終於揀左人條好閃的金綠色旗袍~好靚呀~媽咪個STYLE好古典, 穿旗袍好適合！！大家要拭目以待啊~ 昨天開始要做FACIAL, 做完個美白臉膜之後, 又真係白淨左WOR~真的很利害呢~ 而我的雀斑呢~阿姨比左D淡斑的CREAM比我試, 感覺都幾好！唔怪得女孩子都捨得比甘多錢去做FACIAL啦！

JENNYO 風味咖哩

August 17,2006 我覺得我已經稍為掌握得到煮好味咖哩的方法，而家就同大家分享一下： 咖哩雞翼 / 雞柳 - 首先當然要買左一些雞柳或雞翼奄好(用糖, 豆粉, 豉油, 生油, 蒜頭, 薑奄一陣子) 其他材料：薯仔 + 洋蔥(切好待用) STEP 1-- 把雞柳 / 雞翼 炒熟至8-9成。 放回上碟子上待用。 STEP 2-- 把洋蔥及薯仔落鑊炒一炒，然後就加一些水，再把鑊蓋放上焗一焗。 STEP 3-- 當你看見洋蔥及薯仔開始熟的時候，就加入秘制的咖哩醬汁: 一包咖哩粉(什貨鋪可買到, 大約1元一包) 加入大約三茶匙的沙爹醬(我用的是李錦記沙爹醬) 加入一茶匙的雞粉。 加入半碗水。 一放完路就醬汁之後就KEEP住蓋上鑊蓋直到薯仔變"林"。 FINAL STEP-- 見到D薯仔"林"哂之後, 就把8成熟的雞柳 / 雞翼放埋入鑊度炒。 之後再焗一陣就可以上碟嫁啦~~ 真係勁容易~同埋成本勁平~~~~~ 大家試下整黎試下啦~一D都唔辣嫁~好有日本咖哩的風味~~

我有遵守承諾, 請讓我長中長有~~哈~~

August 16,2006 今天我再次遵守了我中獎後會把1/3捐給慈善！ 我今天買了50元旗~再加埋上個星期六我都買了10元旗，就總共比了60元買旗！ 我甘大個女都係第一次用甘多錢買旗。 不過我都希望可以再做多d善事~~所以~天啊~你就比我中一次六合彩頭獎啦~甘就會好多人可以受惠嫁啦！哈~~~~

另一個黃金週的來臨

August 15,2006 全公司上下, 都十分之關心今個星期尾的法國之旅, 是否兩個阿姐都一齊去。如果真的是這樣的話....換言之, 另一個黃金週就會來臨！ 所以, 大家的心情都很忐忑, 因為未到最後一刻, 都會有變數！ 我今天就已經全情投入工作之中的FILING。一個上午都已經差不多完成了, 下午, 就是等細姐返黎就對野, 相信對完野就會有好多野要做....... 我仲要設計我的請帖呀~~已諗到一半, 要努力完成佢呀~一定要迫自己在8月內完成~阿文又唔幫手, 只會打WINNING...... 幸好有傑傑(阿文的弟弟)幫忙, 所以我地已經決定唔用傳統的請帖, 係會由自己設計的~大家拭目以待啦~~~ 另外, 而家公司裡的男同事, 個個都好似變哂“好色鬼”甘, 上次佢地一行5人返大陸查貨, 但晚上卻去了KARAOKE, 仲要係有女女陪的!~ -------------------------------------------------------------------------------- 特別是阿葉有份返的大陸, 就好似一定會去K玩甘....真係好難頂呀..... 點解公司的風氣會變成甘嫁......好惡心~

黃金週完結後的一天

August 14,2006 今天, 一切都回復正常甘, 冇得再玩13張LU..... 剛過去的星期六及星期日真的有夠忙碌： 星期六(12/08/06) 約了阿文的麻麻及姑姐們去揀掛及飲衫，我就好快甘揀好左一套以刺繡為主的掛, 而阿麻亦好快甘就揀好左一套深紅色的套裝, 好閃~~著到阿麻好高貴呢！ 當我地揀完哂衫之後, 我去付款啦, 點知就係呢個時候比我見到一個很熟面口的女士在試掛, 但呢位女士的男友跟我在同一間公司度做, 仲係我的上司TIM~ 冇錯啦！就係TIANA啦~~~~~我見到TIANA在試掛~~多麼的奇怪啊~~~因為我們完全冇聽過話阿KEN佢地結婚WOR~ 到今天, 見到阿KEN時, 他依然否認佢地會結婚擺酒的事！不斷話唔知我講咩WOR......而家D老一輩的, 真係唔明佢地諗緊D物!? 睇完掛, 我地再一齊去行花園街！但我已經好累了, 行了一陣我已經要退出, 就同妹妹(阿文的表妹)去許留山食D野, 坐到佢地行完為止。 晚上就同媽咪啦, 芳姑姐, 妹妹, 阿文去我們家附近的食日本菜。 -------------------------------------------------------------------------------- 星期天(13/08/06) 今天就輪到我媽咪同阿文的媽咪揀裙。 我媽咪就什麼都冇所謂......令人摸不著頭腦, 無法知道她喜歡什麼。 阿文的媽咪就要求奇多, 人地都要成兩個人服侍佢。 總之就勁煩！由5點攪到7點先每人揀左一套。 跟住我就要趕去尖沙咀同AGNES, FIONA & CARMEN食飯！食完飯我仲叫佢地上黎我家睇錄影左的美女廚房及揀辦。 AGNES仲SHOW比我睇, 美寶就姊妹裙做的RESEARCH, 她把很多FASHION SHOW的相片集合埋一齊SEND比AGNES, 等佢地可以揀款做裙！真係好利害呢！D相真係好漂亮的呀~~我都好想造一條呢~~ -------------------------------------------------------------------------------- 今天返到公司, 無端端中午又去飲多次茶....又係同事請, 真的十分感謝！ 最令人震驚的是, 阿KEN竟然主動拎150元出黎話要買蛋糕比我！甘重既禮, 真係受唔起！所以都係改左由阿KEN請食TEA算啦！ 我只希望今天都可以7點前離開就好了！

生日後的一天

August 12,2006 好不幸, 今天係要返工的,,,,因為阿KEN返了大陸,,,,真悲哀呢！ 昨晚的奇遇~ 在等阿文的時候, 我在中港城閒逛, 但竟然比我撞到~~BIG BIG PIKKI~~我地真係好有緣呢！果然係有緣千里能相會呀~~~~~ 跟阿文會合之後, 佢話好想買衫, 經過5 CM做緊特價就入去睇下, D TEE 都係90元左右一件, 阿文就好歡喜甘話要買哪！甘我就批準佢最多買三件。 其中揀左一件係骷髏骨頭係心口甘的, 好有海盜FEEL~ 我就同阿文講, 從今日起, 你就係一個海盜！!哈~~ 跟住我地就去左MARCO POLO度食自助餐哪！ 食得好飽呢！

生日願望

August 11,2006 誠心希望麻麻精神起來！長命百歲！身體健康！ -------------------------------------------------------------------------------- 昨天在公司實在太空閒，所以同阿KEN & YIP一齊玩了很耐的13張！ 5蚊3~~ 結果, 我共嬴了150元呢~~很利害呀!~~~~ 之後, 我地再玩三公, 我就輸返60元。甘總共我都係嬴了了90元！哈~~ 踏正6點就離開公司，回到家都只係7點。 趁阿文未返到黎, 我就睇返我近期最愛所做的--朱古力掌門人！ 原本想出去据扒, 但我又唔想食完之後, 成身都係個D味, 所以都係冇去到。 我又突然想食銀座的超好味燒墨魚丸~同許留山的楊枝金露~ 阿文就立即樸出去買比我食哪！ 之前, 我同阿文講過我好想要一個魔盜王第一集的DVD(雖然我在有線睇過, 但由於太鐘意, 所以想擁有一隻DVD收藏) 阿文都買完哂野食返黎之後, 我見佢都冇抽拎住隻DVD, 真係有點失望..."唔通佢諗住明天先買比我....?" 點知佢突然就唔知係邊度拎左隻魔盜王第一集的DVD比我！我就即刻由好失望變到好開心啦~~~~ 我急不及待的拆開包裝, 再重新一氣呵成的睇了一次！！ 好滿足！ -------------------------------------------------------------------------------- 今早一返到公司, 每一個同事都同我說了一句 "生日快樂" (除了男生, 因為今天全公司的男生都要上大陸查貨) 仲有多謝RUBY & KITTY, CANLO , KARMAN & 金瑪國際的各位同事的祝福！ 今晚照原定計劃, 同阿文一起去的MARCO POLO吃自助, 特別多謝湯小姐借出會員卡！ 十分感謝！

生日前夕, 總是多愁善感的..

August 10,2006 這幾天, 我們都在6點半前就下班了！返到家都只係7點左右, 認真開心！但一想到下星期一就會見返D太后就又唔開心哪..... 明天就生日了, 但係冇想像中甘開心...., 好似都冇物人會記得甘, 有點傷感, 畢竟都唔係慶祝18歲的生日, 又大一年, 又老一年,,,彷彿不再是一件值得高興的事似的.... 係咪會打風呢？天氣很焗呢,,,,, 上個星期日返鄉下探望麻麻, 她的身體很弱, 很瘦, 而且老豆同佢講野都好似冇反應甘, 我又覺得好心酸, 我一天一天的長大, 就代表了麻麻, 爸爸, 媽媽一天一天的老去...... 希望麻麻早日康復~~因為你仲未飲我結婚個杯茶嫁！

生日月真係寧捨不同的~

August 07,2006 生日月開始左啦~ 一踏入8月我就好開心啦！ 因為, 04/08 我就睇左一場好開心的軟硬SHOW。 05/08 我買的六合彩中了3個半字呀~~~好開心~~我係一定會依照我的承諾, 把得到的獎金1/3捐給慈善的~~ 05/08 在有線看了十分之好看的魔盜王第一集~~~ 06/08 睇完第一集後勁鐘意尊尼特普飾演的船長~所以特別去看埋魔盜王第二集！ 而家勁鐘意尊尼特普~船長的造型好有型啊~~ 07/08 兩個太后都上了上海~~無王管~~~勁FREE~~~~~ 希望我既歡樂時光會一直維持落去~~甘就YEAH啦~~~

LONG TIME NO SEE 林海峰, 一起成長

August 05,2006 昨晚, 終於都到我地同軟硬LONG TIME NO SEE 啦！畢竟買了200元飛的, 所以都應該投入一點, 懷著興奮的心情去睇SHOW！ 嘩~~好勁呀~~真係全場爆滿嫁~~~~ 雖然去到就真係好似林海峰佢地所講 "唔知想睇咩", 因為軟硬的新歌都冇物聽過, 而昨晚佢地唱舊歌好似都唔係好多, 我只係記得有 "廣播道FANS殺人事件" "老人院時間的主題曲-GA NA GA NA HAPPY" "山本耀師大戰川保久齡".....其餘的都是新碟裡的歌同埋係林海峰的歌，好似有"男子組" "流行曲" "只因喜歡你"...。 我同阿文都係鐘意林海峰多D的，自早幾年前睇林狗X糯米團的演唱會, 就開始變得很喜歡林海峰了！ 所以上年NEWAY搞的"向海峰狂呼~" 多得FIONA的幫忙, 得到VIP的門票~~可以近距離見到林海峰~~ 我好記得佢講過, 話佢以前做節目的FANS多數係少女, 但而家, 同樣係個班FANS, 卻大部份已經變左阿太, 師奶, 甚至人地媽媽哪！ 因為, 我地係一齊成長嫁麻, 林海峰都做左有兩個女的父親哪！ 雖然那天是好熱, 而且是沒有坐位的, 只有站著的~但都勁開心~~ 鐘意睇林海峰的SHOW, 唔係因為D歌好聽, 但就係鐘意！ 期待星期一林海峰會返到903繼續主持"在晴朗的一天出發"

甘都唔掛8號風球~~有冇攪錯~~~~~~

August 03,2006 由昨天開始, 已十分期待今早會掛8號風球。 但天文台好似想同我作對甘, 死都唔肯掛8號。 出面街大風的程度根本就係8號風球的~~~ 貨櫃被吹倒, 大樹被吹倒, 飛機停止起飛, 改去其他地方降落.... 我覺得我們走在街上真的很危險呢....

原來簡單一支口急汁, 已經可以令一個人好開心

口急汁 昨天聽同事講, 原來煎豬扒時落一點口急汁會好好味的!所以我一放工就去惠康諗住買一支返屋企試一試佢啦。 其實阿文都想買口急汁好耐嫁啦, 唔知點解, 自從佢睇完個廣告話用口急黎奄肉會好味D之後, 佢每次同我一齊經過惠康時, 都會特別去望下口急汁有沒有特價, 因為沒有特價的話，我係唔會買的。 所以, 昨晚我返到家, 佢一見到我買了支口急返黎, 開心兩個字就已經"作"住係個額頭度啦！ 當我煎豬扒到甘上下, 一落左口急汁, 香味飄了出去, 佢就會從客廳那邊大叫 "好香呀~~~~~~!" 他喜歡口急汁, 我是知道的！

美心西餅最終以最低價 33.3買到, 開心因為好抵!

August 01,2006 今天都可謂是為我們的婚禮邁向一大步！因為我地以超抵價買入左100張美心餅卡~~ 一張餅卡的原價是HKD45.6，但我地以好抵HKD33.3元就買到了~~真係好難得呀~~~ 在此要特別感謝黃氏伉儷的幫忙~~謝謝~~~ 但都因為係甘,,,我地今天又駛左3千幾元,,,,今個月真係好金呢.....