窺探大郁內心的掙扎，好心痛..

大郁從11月開始, 每個星期六都在明愛參加一個學習障礙訓練小組, 有一天, 負責此學障小組的社工姑娘打電話給我, 說想了解一下大郁的學習情況是怎樣的.

於是我把大郁的情況, 概括地解說給姑娘知道.
姑娘邀請我到明愛中心見面, 想比我睇下大郁的一幅以"做功課的情況"為題的畫.

於是我便到中心找社工姑娘, 她給我看了大郁的畫, 看後, 真的令我很心痛...

畫中的大郁, 坐在書桌前, 正在做功課, 瞼有笑容, 但腦中所想, 就是媽咪很惡的樣子!
姑娘說她們學障小組, 會有講秘密環節, 當要講秘密時, 會熄燈.
姑娘說大郁表示做功課對佢來說是有難度的, 但佢知道媽咪係希望佢做好功課, 所以佢都會努力去做, 心中還會諗好多野, 好驚達唔到媽咪的要求, 會令媽咪唔開心.

但無奈大郁的專注力真的是很差, 令他未必可以每次都完成所有功課.
所以內心十分之矛盾, 很想做好, 但又做唔到, 覺得很內疚, 唔開心...,
大郁的內心在掙扎...

大郁現在只有7歲, 7歲人仔又怎會識得HANDLE呢D甘複雜既情緒呢...

而畫中左上方, 大郁畫自己在床上睡覺, 夢中好開心甘玩緊.
姑娘說大郁表示他在睡覺的時候就是最放鬆的時候.

姑娘叫我不要同大郁提起這幅畫, 因姑娘答應過大郁會保守秘密的.

傾完一大輪, 我發現姑娘唔係只關心大郁的情況, 她還很關心我的情緒及壓力, 知道只有我一個人主力照顧大郁的學習上的問題時, 她問我平時有無什麼方法可以RELEASE 到呢D壓力, 又或者以前有咩嗜好甘.

嗜好!?? 我真係答唔出....以前既嗜好由大細郁出左世之後都無哂哪...
我嚇然發現, 係WO, 其實這陣子我都好唔開心嫁WO, 但一直只把焦點放在大郁身上, 完全無為意自己不開心既情緒.

去到呢度, 突然有點感動, 頭一次有人關心埋我...

黎緊既日子, 我目標係要做到壓抑燥底, 循循善誘.
大郁, 媽咪真係好愛你的, 你要加油, 媽咪同你一起努力!! 爭氣!!