2015 暑期活動

今年的暑期活動又開始報名了~ 今早主要的任務就是幫大細郁報暑期活動!

 我們已經是第二年參加明愛的活動! 今年大細郁很幸運, 因為他們抽到很前的籤 NO. 5!! 那就代表我可以在第一輪的時間已經幫大細郁揀報活動, 而且成功報到的機會可以說是99.99%~~

去年都只有大郁可以報暑期活動 (因為很多活動都有年齡限制, 年紀越小的就越小選擇的了), 大郁喜歡烹飪及手工藝, 還加了主打-- 足球!! 大郁足足報了兩組足球班~~~可見他真的很喜歡足球呢~~

細郁也說他喜歡烹飪, 還有一個是砌下小模型的興趣班. 

雖然去報班的時間大約只是用了30分鐘, 但因為今天郁爸要上班, 我要帶住大細郁一起去到明愛中心報班, 場面都幾混亂...

大郁係甘搞人地部電腦及PRINTER...

細郁見到甘多哥哥姐姐, 又好興奮甘係中心跑來跑去.....

完成報班可以離開的時候, 竟然下著滂沱大雨....

本來想下午帶大細郁去沙灘的呢.......

之後跟大細郁在麥記吃早餐, 細郁試了那個士多啤利醬的熱香餅, 他說很美味, 並把所有熱香餅吃掉~~細郁從不浪費!!

反正出了街, 當然為午餐及晚餐買餸!

行街市中, 竟然讓我看到芒果糯米飯啊~~~只是$20~~馬上買兩盒回家!!!

味道很好呢! 但份量真的很多, 可以當午餐了!!

大細郁的午餐, 我煮了比目魚併烏冬(大郁又係要加隻溫泉蛋wo)

食得好開心, 搞甘多野都係值得既..

到郁爸下班回來, 就帶了大細郁去公園玩了一會兒.

就這樣渡過了悶悶的下雨星期天了...

伯裘媽媽會

這個年代, 有what's app真的很方便, 比以前更易約齊人聚會.

總共有9個中學舊同學出席這次的聚會, 而且大家都好利害地帶埋子女出席~

場面十分熱鬧!! 張枱幾長~~哈哈~~郁媽躲在很後的位置呢~~細郁被完全摭住了.

同學們的BB由幾個月大至7歲都有(大郁算是這裡的老大了!)

想當年大家在同一個課室上著課, 發著白日夢, 今日, 大部份同學都升級做了媽媽了.

所以, 原本是伯裘同學會, 現在可能要改名做伯裘媽媽會了!  ^^

我當然有帶埋大細郁出席啦~ 

去年, 教大郁功夫的余師傅送給大郁的IRON MAN外套, 可以拉鍊上頂變身做IRON MAN的, 大郁很喜歡, 但上年穿的時候, 大郁嫌有點大, 所以上年都沒有多穿.

今年大郁覺得SIZE 剛剛好了, 所以變成他外出必帶外套之一!!

今日在其他小朋友面前穿起這件外套, 都引起小朋友的哄動呢!!

還記得去年大郁第一次穿起這件外套, 把拉鍊拉到頂, 不肯放下來 (他看不到前路的), 靠細郁帶領他走路, 無奈細郁令大郁往電燈柱撞. "嘭!!"一聲, 都頗大聲的.

我和郁爸馬上緊張地查看大郁有否受傷.

我一拉開帽子的拉鍊, 大郁第一句就跟我說: 原來穿起這件衣服, 就連撞柱都不痛!!

大郁當真以為穿起這件衣服就成了IRON MAN了....

出了名恨生女的郁媽, 今天專跟同學們的女兒合照!!

女孩子真的很乖巧呢!!!

第一次試抱這個只有幾個月大的小可愛時, 她一看到我就哭了...

我就說"難道我真係不能湊女的, 所以我無法生女兒!!??"

幸好, 我沒有放棄, 在第二次試抱時就成功了~~還讓這小可愛抱著睡得甜甜的呢!!

所以就是說明, 堅持就是真理麻!!

這次聚會的時間過得真快, 期待下次再跟你們見面呢~~~

相信下一次會更加齊人的~!!!

一年容易又母親節啦

由於細郁上年將他手制的母親節珠手鍊送左比姐姐之後，郁媽早前都曾經擔心過今年是否可以順利收到細郁的禮物呢！

幸好，今年細郁整左張心心卡，裡面寫著: 
 Dear Mum      I love you!

但我問返細郁呢d英文是什麼意思，他答唔到我呢~~哈哈~~

其實早於母親節前的星期五，我已經自己同自己慶祝左母親節!

各位母親, 間唔時都應該對自己好DD呀~~

我一天之內，食哂我好想食既野~~~
中午就去了佐敦食韓式炸雞定食~ $48勁抵食，又好好味wo~~

個飯勁多紫菜!!

部隊鍋都係$140左右咋~
特別多謝阿Wing帶我去食左一次，跟住就上左癮啦！^^

跟住就去銅鑼灣皇室堡拎團購買的backjoy。

平時我坐硬椅子(如圓櫈) ，坐完起身條腰係痛到企唔直個人。

(一來年紀大左, 二來生完B, 腰骨好似差左好多甘...)

有一次係三聯書店見到backjoy有個sample讓人試坐，我試坐左之後，起身個下，條腰又真是無痛wo。

個一刻已經想買返一個，但一睇個價錢，$500 幾元! 實在唔捨得買啊！

甘啱係團購見到，只需$300左右，馬上就買左啦！

算是自己送給自己的母親節禮物啦~~~ (郁媽買野特別多理由~~)
真是好好坐呢~~最緊要坐完唔會腰骨痛呀麻~~推介!! 

拎完貨，就步行穿過維多利亞公園，微風輕吹，在樹蔭下散步真的很舒適~

我的目的地，是在天后的一間小小cafe，很喜歡吃這家cafe出品的蘋果金寶!!
我試了很多間的蘋果金寶, 還是覺得這一家的最合我的口味~~~愛死你了~~

自己吃完好野, 有內疚感, 所以買了個蛋糕給大細郁一起食. 

美X的芒果mini脆脆已經唔夠我地一家食嫁啦, 所以一定要買大個. 

今次轉下口味, 食下士多啤利蛋糕啦!! 

母親節當天因為下雨的關係, 沒有什麼特別的活動~~

吃過早餐後, 我請大細郁幫我畫了一幅畫像...哈哈, 大郁好認真的畫, 細郁就求其畫. 

不過我都好開心!!

晚上去了母親節反而會比較小人的宜家傢俬食晚餐, 豪食都只是$300左右, 好抵~~

(平時郁家四口一出外用餐, 大約都要花費$500的....)

今年的母親節過得好豐富及好開心呢~~~

BLOG HISTORY

其實郁媽由小學時期已經有寫日記的習慣, 長大後睇返自己細個寫既野, 真係好好好笑嫁~~

從此就迷上寫日記了~

我記得2005定2006年左右, 網上行新推出一個叫"HOMPY"的東西. 自此就開始左網上寫日記(BLOG)

那時候, 除了喜歡自己寫日記(BLOG), 還可以到別人的HOMPY參觀的~~!! 亦因為這樣, 認識了第一班的網友

可惜，過了不久, HOMPY就停止服務了. 唯有搬家啦~~

我好似都搬了兩次家的, 最後用QOOZA，覺得都幾好用，所以這個算是我的故“blog”

http://blog.qooza.hk/JENNYO

這個 BLOG, 由一個小女YO, 慢慢轉變成郁媽的過程通通記錄下來

唔使等大細郁長大, 我自己睇返, 又係覺得自己以前真係好 好好笑呢~~~

之後到大郁出世, 寫BLOG的目的有所改變。

我希望盡量記低大細郁的每件事，讓大細郁將來長大之後, 可以看這個BLOG回味自己的小時候。

可是，亦由於大細郁出左世, 我開始無甘多時間可以寫BLOG了..日記變成週記, 更甚是變成月記, 季記...哈哈~~~~

不過點都好, 其實甘多年寫BLOG的生涯裡面, 都有很多的得著，其中最開心的是認識了一班網友, 好似RACHEL, WILSON, LEEAIR, NATNAT...等等....

雖然有些朋友未必見過真身, 但大家在face book都可以看到對方的近況, 真是很開心!

有些都跟我一樣, 做左媽媽。

有一件事真的要特別嗚謝WILSON, RACHEL他們的!!

你們記得大郁這張相片嗎??

想起又會覺得自己真係好好笑

為了參加she mom. com的小小model比賽，要upload一張最可愛的照片，但我就意外地UPLOAD了這張相片去上去, 但又唔改得, 硬著頭皮用呢張相拉票...

(點解個時會甘有魄力做呢件事既呢.,...而家完全無心思同細郁做呢種事呢...)

首先當然要多謝那時有幫忙投過票比大郁既朋友仔啦~~

不過, 真的全靠你們200%投入的幫忙拉票, 大郁才能當選SHE MOM.COM的小小MODEL 

可以影到兩輯甘有紀念價值的MODEL相片~~~

趁現在懷愐一下

這是第一輯的小小MODEL相片, 郁媽唯一覺得可惜的時, 那時候的我在一間無法請假的公司工作, 所以拍照片的事, 都是郁爸陪大郁去的....如果我可以一齊去就好了....

 

這是第二輯的小MODEL相片. 這次照樣我無法請假去, 但郁爸都一樣請唔到假wo...

所以, 這次是大郁最愛的三叔帶大郁去拍照的.

 

好啦~~我要努力, 寫返多d BLOG, 否則將來無野比我笑的了~~

祝大家“福大吉利”!!

因為一句由大郁創作的新年祝福語 「福大吉利」，為大郁得到交通銀行主辦的"全港兒童毛筆揮春大賽"季軍。

今次有幸得獎，完全是創意得分！ 至於書法字體方面，根本就是麥兜書法。

今天我們郁家大小一起去到北角的交通銀行領獎，獎品方面，除了有獎狀及現金獎$300之外（放在交心寶寶戶口裡面），其中一份獎品郁媽認為頗特別的，就是一盒文房四寶，裡面有書法用的紙張，毛筆，墨硯，刻了大郁中文名字的印章。

大郁話一定要穿這件新的iron man tee黎拎獎 （中哂iron man毒⋯）

頒獎典禮裡有小茶點，細郁吃得不亦樂乎！

這盒子便是大郁人生中第一套文房四寶

內裡十分精美, 有毛筆, 硯, 印章

刻有大郁中文名字的印章

這套對大郁很有價值的紀念品，郁媽會代為保存，待適當的時候才會交回給大郁。