DAY 2的行程是先在酒店吃過早餐, 然後就去酒店泳池游水.
游到差不多11:30 , 我們就出發去SIAM PARAGON FOOD COURT搵野食, 而今天的主要行程都是在這裡的.
等食時, 我幫細郁拍照, 細郁又話要幫我拍照~~拍得不錯啊~HEHE!
原本打算今天在SIAM PARAGON玩兩個地方的, 第一站:
KIDZANIA (Siam Paragon, 5th floor) , 預先在網上訂票 HKD 491.76/ 4人
我在這裡預訂門票的, 我格過下價, 真的算是最平的:
http://www.hotels2thailand.com/bangkok-show-event/kidzania-bangkok.asp#infoPan
跟住就去埋呢度.
SIAM PARAGON – SEA LIFE BANGKOK 預先在網上訂票 HKD $858.41/4人
點知, KIDZANIA太好玩啦~~大細郁都唔願走, 幸好SEA LIFE門劵改到期, 實在太LUCKY啦!
一去到KIDZANIA門口, 就比這架飛機所吸引啦~~好令呀!
已經覺得這裡的制作很認真! 這個飛機頭應該是1:1 大的.
入去之前我都不太知道是玩些什麼的, 只是知道在這裡, 小孩子可以好似大人甘, 做不同的職業, 去體驗一下大人的工作生涯.
而且我以為會限住只能讓小孩子揀一至兩個職業去做, 但原來, 入到去就全日任玩的了.
這裡是一個小孩子的社區, 小孩子在裡面可以好像大人般, 打工, 去DISCO, 考車牌, 上大學....等等. 對小孩子而言, 有什麼比模仿大人更為有趣!?
裡面的規矩只有一個, 就是所有事情都要由小孩子自己去完成, 當然會有工作人員指導小孩子.
但大人想幫手做翻譯 (裡面主要說英文), 想幫手排隊-- NO WAY!!!
正是個好機會比港爸爸, 港媽咪搣甩鋪奴才癮一日甘多啦!
細郁首先去左做汽車維修員, 所以, 日後見到細郁無啦啦係褲襠中跌個士巴拿出來千萬不要奇怪, 因為作為一個出色的汽車維修員, 袋住個士巴拿是一件好合理的事!
跟住又去左做地盤, 做地盤人工都較高! ^^ 細郁很努力去工作! 讚!
至於大郁, 一開始他的目標就很明確, 他很想考車牌.
但原來考車牌前要先去用5元去驗眼, 而且每考一次就需要付10元 (每人一開始只有50元資金)
大郁屢敗屢戰, 無哂錢就馬上去做地盤工, 飛機師賺錢, 終於在第3次就考到車牌了! 但卻變成身無分文了...
這裡還有一些工廠是讓小孩子自己親手做一支可樂, 要20元才能參加, 富有並慷慨的細郁, 幫哥哥付入場費 , 大家都有一支自己做的可樂了~~大細郁話: 自己做的可樂最好味的了!
細郁除了做可樂之後, 還有餘錢學整壽司! 之後就跟我們一起分享他自己做的可樂+壽司!!
幸好我有兩個仔, 有一個係生性! ~.~
這裡的制作真的很認真, 小孩子如果做消防員的話, 他會在消防局內接受訓練, 訓練完成後, 就會坐上小型的消防車, 到火場救火! 同樣亦有小型的救護車.
另外, 值得一讚的, 通常廁所的衛生紙都是薄得可憐的, 但在這裡的廁所, 它所提供的衛生紙很夠厚, 很好用, 試用過我還真的覺得不錯, 下次會買回家用呢! 泰國的廣告真的做得不錯!!
這裡收5:00 PM的, 大細郁玩到這裡關門才肯離開, 一離開就謝哂皮.
當然要馬上返酒店叉叉電啦~~
小睡片刻, 已經8:00多, 諗住去返SIAM SQUARE食飯, 但個度靜英英甘,
見到近排人氣直迫MANGO TANGO的FRUITURDAY, 就未食正餐就去左食甜品了.
吃完甜品, 就決定去食頌通海鮮.
最特別的是, 由於大細郁苦苦哀求想試下搭篤篤, 郁媽都豁出去, 過程十分驚險
(因為原來司機都唔識路去頌通), 左飄右飄, 大細郁見到郁媽甘驚恐, 竟然開心大笑...
亡命篤篤去搵食.
好不容易去到頒通了~~吃了一頓抵食美味的海鮮餐!
DAY 2 也 很完美!