除夕還是在家好

31/12/13 (星期二)

郁爸昨晚返夜，所以今日白天時間休息

我就帶他及大郁去食好抵的日式燒烤午餐

大郁都說:媽咪又帶我食好野!! 

其實呢家餐廳是YY媽咪 （愚太) 介紹的

它的午餐好抵食，大約都是50-70元

而且我們起身晏左

黎到已2:30 午餐還有額外7折呢!!!

吃飽飽之後，就同大郁係商場裝飾前拍照

影左一陣，一早知我地係商場既愚生愚太就搵到我地啦!

我還邀約愚宅到來郁家吃晚飯，今日是除夕，我們就決定食好d! 請姐姐買多點海鮮做餸。

我們即興的便約成今晚的飯腳了！

大郁有得食燒肉，就已經很滿足!!

以海鮮做主題，其實只不過煮了蜆，魷魚，蝦及其實家常小菜，但大家都吃得很開心!!

郁家係十分嗜客的 ＾＾

愚cf好勁，一個孭3個

吃得飽飽，之後再食埋湯圓，今個除夕真圓滿!!

馬騮出籠去睇恐龍

30/12/2013 (星期一)

郁爸已經要回到工作如何了，

郁媽決定繼續陪大細郁放假。

今天，我就決定一個人帶兩隻馬騮去科學館睇恐龍展

其實我地成1點幾先出發

大細馬騮在巴士站已忍唔住要爬來爬去

果然係馬騮精呀！

我諗都有好多家長同我一樣，

仲係放緊假陪小孩子

因為今日科學館都真是幾多人

買票都排左差不多30分鐘，買完票又要係另一條隊排入場，差不多搞了一個鐘先正式入到場

入場時我望過錶已經是3點了

入場初段，黑漆漆的，例牌細郁又驚到想標dee

仲係甘話要走，唔要留係度

但行到會郁既恐龍區域，細郁開始唔驚啦，仲係甘同恐龍傾談

裡面有細郁熟識的恐龍

唔知佢地係味真是信呢d恐龍係真既呢？

這是巨爪龍，食魚的

行完恐龍館郁媽已很累，但大細郁仍然十分精神

仲要去參觀埋常規展館

大細郁玩到不亦樂乎

細郁是第一次來科學館

大郁以前K3時已經曾經跟學校來玩過一次

但二人仍然對每一項遊戲都非常之有興趣，

玩到唔肯走

細郁玩這些砌積木很投入，很努力，

玩了很長時間

細郁很專注時，真的好man呢!! @。@

大細郁逐層玩呀玩

郁媽已經累到不堪了，但大細郁仍然唔肯離去

郁媽開始覺得自己捉蟲了......

望一望錶，原來已經6點了，

我們已經行了3個小時了!! 

最慘既係，大細郁無論如何都唔肯走

郁爸都放工了，唯一既辦法就係郁爸過來科學館接我們，大細郁先肯聽話離開

下次我都唔敢一個人帶大細郁去科學館....

大郁敲擊步操表演

大郁從升上小一的時候，就參加了敲擊步操樂團 今天，就是樂團第一次公開表演

地點在尖咀文化中心外面

時間是下午3:30

不過大郁早於中午12:00 已回到學校做綵排及練習

所以郁爸，細郁及我就自行於3:30去尖咀搵大郁

一去到，已經見到大郁孭起鼓預備了

其實今次係一個比賽黎既，

不過老師說都是表演比較好， 

因為畢竟大郁只是練習左幾個月貨仔，

再加上大郁他們年紀都屬於比較細個的

所以老師都說不要期望過高

  真的是志在參與而已

大郁說出場表演時都緊張的

不過知道輸左都有唔開心，想哭，但係知道自己要忍住唔好哭

郁爸安慰大郁，下次練習好點再比賽過吧!

畢竟你們年紀最少麻!!

細郁搞笑小插曲

話說細郁去到表演場地

細郁就見到站在大郁旁邊的哥哥拎住個查查

就指住哥哥大嗌： 爸爸，佢係Captain america 呀!!

笑到我跟郁爸碌哂地!

假期繼續玩

這就是我最愛這份工作的原因，

我可以跟返大細郁放假而一起放假

郁爸也早有先見之明，拎埋今天假，

就可以連放6日假!!

今天自然訓醒之後，郁爸說想帶大細郁去睇返場戲， 而我也想去宜家傢私買少少野

所以我便提議去mega box 

去到mega box後，本來第一件事係去戲院看看卡通片的場次怎樣

點知唔知咩事就入左去H&M, 買左件厚褸比大郁

好抵，只要300多元，款式還蠻多! 最後大郁自己揀左這件橙色褸，仲要即刻著tim...

之後就上去戲院，現時卡通片有三套，魔雪奇緣，火雞反擊戰，美食風球2

時間最啱而且不用看3D的是火雞反擊戰，

可惜大郁唔ok

於是唯有等睇5:20的魔雪奇緣

而家先1:30左右咋

無計，唯有照原定計劃去宜家食野先

去宜家food court 叫好多野都只係150元，大細郁吃得好滿足，因我們一定會點煙三文魚及薯條

吃飽之後，梗係行下宜家啦!!

成日都好想家裡可以佈置到宜家的示範單位甘，不過大細郁破壞力甘驚人，

都是在心裡想想好了，或許有一日，大細郁都長大了，我就可以隨心所欲地佈置家居了!!

近期宜家推廣布公仔籌款，你買一個公仔，宜家就會捐錢，所以周圍都見到細郁個friend, 仲要係一堆一堆甘既，細郁看見甘多friend 係度，真的是超級興奮!!

近排細郁一見到聖誕裝飾，就會主動要求影相，

佢見到月亮係度，就自己爬上去擺呢個甘誘人既post

宜家門口有塊板比小朋友影相，

大細郁一見到就衝埋去要影相，

細郁睇落好瘦呢!!

大細郁去到邊就玩到邊，玩到差唔多4點，我們便到10樓溜冰場坐下，

郁爸就抱著細郁要他快叉一會兒

大郁一直嚷著要溜冰，不過郁媽又唔識溜冰，郁爸又唔想著溜冰鞋

（佢話每次著完溜冰鞋對腳都好痛）

我們又唔放心比佢一個人落去溜冰

所以用雪糕利誘大郁唔好溜冰

大郁有樣好，好在於易氹，有其他野玩就好快唔記得溜冰了

等到5點，細郁都訓醒了，我們就上返戲院入場睇電影了！

這個故事講姊妹之情，好適合大細郁睇，手足之情，彼此照顧。

希望大細郁從中學會少少都好呀！

睇完戲我們便打的回府了！

今天又是開心的一天！

郁家熱鬧平安夜

24-12-2013 平安夜
郁家向來不會靜，相信認識郁家的朋友都知道的了。
幸好的是，郁家向來也是喜歡熱鬧，喜歡大顆人一起慶祝的

今晚是平安夜，邀得至愛豆豆，三嬸及三叔一起過!!

郁爸郁媽一起去買餸

今晚應節吃西餐

凱撒沙律

煎牛扒  豬扒

煎鵝肝

焗豬頸肉

焗蒜香雞扒

生蠔

黑椒椰菜

關西燒餅

蕃茄意粉

蒜蓉法包

最後仲要有聖誕版魔鬼蛋糕，我買左d藍莓比大細郁自己加在蛋糕上!

三叔三嬸又買了聖誕禮物比大細郁，

啱哂大細郁的禮物

大郁的是動動腦筋的lego，

大郁三兩下就砌好了啦!!

細郁則收到他至愛的恐龍大百科  

(三叔三嬸知道我們長期續借公共圖書館的一本恐龍百科全書，所以索性送一本比細郁)

細郁已經記得大部份恐龍的名字了！下次你們可以試下考下細郁，一齊交流下呀!!

飲飽玩夠，我們渡過了一個熱鬧開心的平安夜!!

郁家聖誕大快樂

25-12-2013 今年聖誕節，

郁爸幫大細郁安排了兩日一夜宿營活動

今年的地點是西貢戶外康樂營

今年一起參與的比去年大減

剩下正霖一家，小悅小逸一家，子朗一家及我們郁家

老實說，郁媽就真是唔多喜歡宿營這類活動，因為一定係辛苦之旅，特別是冬天，沖涼又沖唔到， 但BBQ後唔沖涼又訓唔到覺，再加上訓又訓唔好

不過大細郁開心，做媽媽的唯有忍耐

早上，先去吃KFC先出發

細郁好努力甘食雞脾，仲食得好乾淨，認真惜食!

大郁一樣吃得津津有味

入營之後就大玩特玩，細郁在三輪車區沿邊慢駛

大郁飛車區風馳電制，險些受傷，

幸好有整套安全裝備

另外，大郁還玩了康樂棋， 細郁就跟我玩氣墊球

之後所有小朋友一起踢足球

晚上再一起BBQ

第二天早上，其實都無咩野玩了，只去了兒童遊戲設施玩玩

另外再玩一下籃球，數字球

食完午飯，就要離營了

離營之前最開心就是子朗爸爸請食雪糕

細郁博老命食雪糕中

大郁唔介意做甜筒仔

大郁離營時，再三跟郁爸說呢度好好玩，

下次想再來玩。

我就希望下次係郁爸帶大細郁去，不用我一起去

德叔叔還說下次搞露營，我馬上叫大郁同郁爸去好了!!!

1點左右離開，飛的回家，2點回到家後，郁家馬上休養生息，因為昨晚都好似無物訓過甘.......

就係甘樣，郁家就過左一個唔駛同人迫既聖誕節啦！

大細郁學校聖誕聯歡會+下午tea 一 tea

20-12-2013 星期五
今天是大細郁學校聖誕聯歡會的日子，因為他們都是返埋今日就正式開始放聖誕新年假期

大郁的xmas party我無份參加，只是幫他預備了些小食就ok

細郁的xmas party我就要一起參與，細郁還負責了老水雞翼，這當然由姐姐代勞啦。

細郁一早就係甘吹我出門口，我們8：45已返到學校，我見沒有其他小朋友，已即刻想到自己返錯了時間，果然，老師跟我說，今日係9：30才開始的
於是，我就帶住細郁去食個令早餐先!!!

Party 正式開始，首先玩一輪親子遊戲，類似玩糖痴豆甘，仲有傳波波

之後就開始吃小食，此環節當然細郁吃得不亦樂乎了！

最後就是小朋友大合唱的時間
11：45 就結束了

但大郁12：30才放學，於是讓細郁去公園玩一陣，待時間一到就去接大郁

細郁超級開心

接大郁放學，他就已經戴住這皇冠，之後我帶大郁去圓方食tea,他也說要戴住出去

今次下午tea 一  tea有 jess 及 sukie, 吃了 頓豐富美味的泰式high tea set!! 讓我這種c9仔又見識見識了!! 係呢度再次感謝jess邀請!!

2013年大截數日 Xmas Party

18-12-2013 是今年截大數的日子，我們也選今天舉行大眾同樂Xmas party !!! (≧∇≦)

真的是很豐富呢！ 我仲帶埋細郁一起來玩!

大細郁最鐘意跟我返公司的了，可惜YY未放學，未能來到一起玩! 

不過還有新同事Angel都帶左佢個囝囝來玩。

我負責去買壽司，元氣超抵，40件壽司原價390元，有會員卡有折 340元! 壽司全部好野黎嫁，有帶子，甜蝦，章紅魚，吞拿魚，左口魚，，，，無雞蛋蟹柳個d 嫁! 

(≧3≦)

雖然我不喜歡交換禮物這環節，但似乎聖誕節確實是避免不了，我今次就抽到了三叔送的禮物，是一個保温杯，郁爸想要所以我比左佢。

至於我份禮物，就比YY媽咪抽中了! 

總結來說，2013年是充滿了挑戰的一年! 

寄望2014年可以事業起飛!!

細郁學校觀課日

今日是細郁學校的觀課日，我們可以到學校睇下細郁上堂的情況。

我8：30 已送細郁上學，但觀課則9：30才開始，於是我梗係去嘆個靚早餐先啦！！

9：25 準時到達細郁學校門口
其實我對於觀課，經驗都算豐富，因大郁之前都是這家學校，每年都會在12月有觀課的，所以今次已經是我第4次的觀課了！

今日觀課會有三節，首先是上班主任蘇老師講解畫線家課的做法。
還有我們一起合作完成用圖形貼成的一盞燈！

之後是外籍英文老師授課，唱英文歌，介紹Family members
最後就是睇佢地食茶點的情況。

細郁上課時都算坐定定既，不過隻手仔都不斷係度抓pat pat.....

老師唱歌時細郁都唔係好投入……只是係甘二郁下甘

當然最投入既時間係食茶點時間了！！今日是食輕盈的麥包，每位小朋友本來只有兩片麥包，但細郁食得好快，所以係甘舉手添食，最後食了4片麥包，是其他小朋友的兩倍。

最搞笑的是，細郁見到郁媽，十分開心，但又覺得好奇怪，點解媽咪會一齊入來上堂既呢！！？

每隔一陣，細郁就會問郁媽：媽咪你走啦！？

轉堂時問，排洗完又問，做完勞作又問，搞到老師都忍唔住，問細郁係味好想媽咪快d走，做咩成日問住媽咪係味走！！

觀課時間約為一個小時就完成，跟住就要出去禮堂聽周主任簡介，填埋家長報告就完成了啦！！

細郁上堂時係甘抓pat pat,似乎好痕

我同細郁合作完成的貼圖

細郁食茶點時特別落力，最後食了雙份

大郁第一次參加小學親子運動會

10-12-2013 星期二

今天是大郁小學的親子運動會

時間是平時上學一樣 8：25 返到學校集合

地點是九龍灣運動場

今天郁爸及郁媽一起支持大郁

郁爸更會和大郁一起參加親子接力賽跑

郁媽就會和大郁參加拋接豆袋

其實運動會實際上是大食會至真，大郁完全未停過食野。

姐姐只預備了三文治及咖哩魚蛋豬皮魷魚，郁媽亦沒有預備其他糖果零食

但大郁就是周圍搲零食，，，又紫菜，又介指糖，，，咩都比佢搲到返黎嫁wo....

大郁為了搲零食，整個運動會時間，他都沒有跟我及郁爸坐， 只是痴住d同學仔

郁爸跟我好寂寞甘坐係看台唔知做咩好......

郁爸安慰我說個仔始終會有長大的時候

但我估不到甘快咋!!

大郁!!媽咪好孤獨呀!!

呆坐了幾個小時，完成了親子接力賽跑及拋接豆袋之後，終於1：30左右便回程了!

雖然我們沒有得獎，但都好開心有份參與!

大家都辛苦了，帶大郁去吃壽司慶功!!

大郁越來越識食，，除了吃三文魚之外，還吃吞拿魚及大蝦三味.....

在跑道上預備

姐姐預備的咖哩魚蛋豬皮魷魚好好味呀!!!

運動會其實是大食會才真

這就是我們參加的項目了

Rachel 大日子 @ 挪亞方舟

08-12-2013（星期日）

今天是Rachel 的大日子。

我們郁家有幸被邀請到挪亞方舟觀禮

首先祝Rachel & 陳生永結同心，白頭到老！！

Rachel是睇住大郁長大，睇住細郁出世的!!

好記得大細小時候，郁媽很喜歡用大郁去參加she.com的小小模特兒比賽，

當中有一個投票的環節，要得票最多的才能勝出，才能成為該週的小小模特兒

雖然我們和Rachel只是在blog中認識，大家素未謀面，但就是Rachel, Wilson 他們卻十分之落力幫忙拉票，投票。

最終令大郁成功當上小小模特兒，

影左輯好令的相!!

她對郁家的支持，真是令我很感動的！

所以她的Big day, 我們也要來湊湊熱鬧!

再次多謝Rachel的邀請！

由於只是觀禮，禮成之後我們就到了馬灣公園玩，上到最頂時，青馬大橋盡入眼簾!

風景美得令我們讚嘆，而且空氣十分清新！！

真是一處很舒服的地方呢！

在這裡拍照出來的效果很漂亮呢！

這裡就是公園的頂部，看到青馬大橋的呢！

大細郁行獨木橋行得好開心呢!

公園的正門有一個好大的貝殼

係公園買了麥芽糖餅，$5一塊，但塊梳打餅成張20元紙幣一樣大，但夾在中間的麥芽糖卻只有5毫子那麼大，，，，

細郁個樣就係話，比人呃左tim…